منتديات البحرين




اذا لم تظهر الصفحة مباشرة! إضغط هنا
 

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

 

كتابة موضوع جديد   الرد على الموضوع
الموضوع السابق :: الموضوع التالي
انتقل الى صفحة السابق  1, 2, 3
Remove Highlighting :: يوميات محمد وزينب بلهجه البحرانيه (قصة روووووعة)
الكاتب رسالة
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Mon Dec 26, 2005 1:32 pm     
الرد بملاحظة


اوكي دموع الحين اكملها لج

ضوء القمر خيوو ما عليه احنا عاذرينج
وانا بكملها عنج انتي درسي زين بس وجيبي لنا علامات حلوة مثلج اوكي

************************************

دخلوا بيت زينب البيت

الام : ان شاء الله استانستون هناك ؟

زينب : ايي هناك حليو

الام : وين اختش مريم ؟

زينب : هكي برا الحين بتدخل

دخلت مريم البيت الهي عندها نفافيخ و اكل الدنيا و ما حولت

الام : ههههههههه عساش السعاده هذا كله الش ؟

مريم : ايي ,, اما لو تشوفين هناك حليوو ,, ركبنا بيت الوحووش يخوف لو تركبينه جان تصرخين مفلنا

الام :

وقعدت تهر ليها عن المواقف الي صارت هناك

الجده : دمشوا نتغذى

تالي قعدوا يتغذون وعلى الغذا

زينب : انتين تعالي لويش يوم تفشليني في الباص ؟

مريم : اني فشلتش ؟ متى ؟

زينب : لا تستهبلين ها , يوم تقولين (( الحين عاد بتدلع على حساب طايحه دوره))

مريم : وهذا الي فشلش ؟

زينب : اييي لو ما سكتش ابويي جان واصلتين اللغاوه

مريم :

الجده : مريم سكتي عنها واكلي ولا عليش منها

زينب : هي الي بترفع ضغطي ,, الحين انتين ويش دخلش في السالفه ؟

الجده: نبا ناكل و انتين تتهاوشين وياها لوي ؟

زينب : وانتين ويش لش خص ؟ كيفي

الابو : زينب اكلي وانتين ساكته فاهمه

زينب : مريم و هذي فنتينهم يتعلفون وانتون ما تسوون فيهم شي واني من اتكلم بجلمه تصرخون عليي

الابو : مريم سكتي عنها ولا تفشلينها مره فانيه

زينب : و امك ؟

الابو : زينب بتسكتين لو لا ؟

زينب : انزين

تالي قعدو يتغدون و خلصوا وجت العصر

زينب : اماه

الام : وي ؟

زينب : ابغي بيزات

الام : لويش البيزات للعبه و الاكل والخرابيط ؟

زينب : لا لا ,, بشتري هدايا لرفقاني له

الام :

زينب : يلا له

الام : هاش اخدي ,, و لا يقصون عليش فاهمه

زينب : انزين

راحت زينب تلبس عبايتها

مريم : وين بتروحين ؟

زينب : والله ما يهمش

مريم : مالت

طلعت زينب و راحت تتسوق بروحها

وصلت السوووق

زينب في قلبها : بشتري اول شي الى حمووودي الهدايا بعدين بتفرغ الى الباقي خخخ

قامت تشتري الى محمد هدايا تدرون جم هديه ؟

اربع هدايا

زينب : خساره ما تكفي البيزات ابغي اشتري الى حمود بعد هديه

المهم بعدين قعدت تشتري الي ختها و اخوها و رفيقتها ابرار على هديه ههههههه

عقب ما خلصت التسوق رجعت و في رجوعها كان محمد بيطلع عشان يروح يصلي و الحمد لله ما كان في احد هناك

زينب :

محمد :

قامت زينب حطت الاجياس الي فيهم هدايا محمد على الارض

زينب :هذي هديتك

و بعدين مشت

قام محمد ولا عطل و اخذ الاجياس و راح الشقه بدل ما يروح يصلي ههههه

دخل شقتهم وفتح الاجياس

محمد :

تدرون ويش اخذت له ؟

اخذت له قميص كشووخي ,, ونعال لو تشووفوونه ويش حلاوته ,, و بووك مكتووب فيه اسمه من داخل كشخه لونه بني بعد هههه , و ساعه حليوه رجاليه

محمد : حليو ذوقها هل القمر

فاطمه : هذا ويش ؟ من وين لك ؟

محمد : هذا انا مشترنهم

فاطمه : من وين لك البيزات ؟

محمد : ويش يهمش

فاطمه : لان امي قايله ليها تعطيني بيزات قالت ما يكفي

محمد : لا مو من عند امي

فاطمه : الله الله الي يشوف الحين انت عندك ملايين لو تشغل جاان مو من عند امي

محمد : ولاخير وياش بتسكتين لو لا

فاطمه : اول شي قول من عند من وبسكت

محمد : شوفي فاطمه انا مو جاهل عندش تحققين ويايي و تسأليني وتهدديني ها ,, اذا ما سكتين الحين بسدحش هني

فاطمه : لكن ما عليي بتشووف

محمد : على اخر عمري تحقق ويايي جاهله

فاطمه : هي اني مو جاهله ها

محمد : زين تمشي

و في بيت زينب قايمه الوقعه

الام : هذا ويش ؟

زينب : الهدايا له

الام : هذيلين كل الهدايا ؟

زينب : اي

الام :كل البيزات الي عطيتش اياهم و ما جابوا الا هل الفلاف الهدايا بس ؟

زينب : اي لان غالي ههههه

الام : ادري غالي عاد مو لهدرجه

زينب :

الام : لا اكيد قصو عليش ,, و انتين مفهيه هبله

زينب : لا لا لان هذيلين من لبنان مو من سوريا ههههه

الام : و ان شاء الله ويش الفرق بين هني ولبنان ؟

زينب : امممم لبنان ماركه بس هني هرار بسرعه يعدمون

الام : مره فانيه لا تاخذين هل المركه فاهمه ؟

زينب : مو مركه ماركه ههههههههه

الام : اي لا تاخدينها مره فانيه

زينب: ان شاء الله

بعدين قاموا الاوادم راحوا وصلو و خلصوا صلاة

محمد : اماه ابغي بيزات

الام : لويش بعد ؟

محمد : اماه لا تحرجيني ,, جي انا جاهل تقولين ليي لويش ؟

الام : يوو جي بس الجهال يقولون ليهم لويش ؟ عادي

محمد : ابغيهم وبس

الام : انزين قول الى اختك تجي

محمد : ويش دخل فاطمه في السالفه الحين ؟

الام : لانها مسكينه قايله تبغي قبلك ولا عطيتها

محمد : انزين الحين اعطيني واذا طلعت اعطيها

الام : انزين هاك خد ولا تلعب بهم

محمد : ان شاء الله يا احلى ام في الدنيا

الام :

راح محمد السووق يبغي يشتري الى الحبيبه هدايا هههه

قام يتسوق و يرووح محلات البنات و يشوووف البنات هناك ويش ياخدوون اخر المووضه ويقوم يقلد عليهم لان مسكين ويش عرفه بذوقنا احنا البنات

المهم اشترا الهدايا الحلوه ههههههه و راح البيت

انزين الحين جيفه يعطيها زينب ؟

ما دخل الشقه الا هناك مريم مقعده تلعب وي ايمان

محمد:

مريم :

محمد : مريم ؟

مريم : ها

محمد : انتين هنا ؟

مريم : لا هناك

ايمان :ههههههههههه

محمد : ههههههههه شحوالش

مريم : زينه

محمد : شحوال اختش

مريم : توني اليوم متهاوشه وياها

محمد : افا ,, لويش عاد

مريم : لان تقول ان اني فشلتها في الباص

محمد : هههههههههههههههه

فاطمه : محمد

محمد : وي

فامه : هذا وي الي عندك ؟

محمد : ها ,, ما يهمش

قام محمد راح الحجره وخشاهم ههههههه عشان لا تشوفهم فاطمه وتكشفه

فاطمه : محمد ,, انت ويش سالفتك اليوم ؟

محمد : ويش سالفتي ؟

فاطمه : شفت عندك اليوم جياسه و الحين جياسه هذا كله الى من ؟

محمد : يعني ما فاد فيش الصراخ اليوم ؟ قلت لش لا تحققين ويايي,,و انتين من عشان تتسألين فيي ؟

فاطمه : فيي فضووول

محمد : و تعترف بعد انها فضوليه بعد صدق مسخره

فاطمه : انت المسخره

الام : سكتوا تتهاوشون قدام البنيه ؟

فاطمه :عجل من وين ليه كل هل الاشياء ؟

الام : عاطتنه بيزات مفل ما عطيتش

فاطمه : لا هو عنده اغراض واجد شايفتنهم اليوم قبل لا تعطينه

الام : اغراض ؟

محمد : ويش عليش منها ,, هي غير مجنونه

الام : محمد ويش صاير ؟

محمد : كل ما في السالفه ان انا اليوم متسلف من عند واحد من الربع بيزات عشان اشتريي ليي اغراض بس

فاطمه : وهذيلين الاغراض بعد الى من الي توك خاشنهم ؟

محمد : لا طالت وشمخت اشووف انتين ما ينفع فيش الا الضرب يمكن

قامت فاطمه انخشت ورى الام

الام : بس يا محمد صل على النبي بس

محمد يقول الى فاطمه : شوفي الحين بسكت على شان امي ها ,, لو امي مو هني جان قتلتش

فاطمه :

مريم :

المهم راح محمد واخد هدية زينب و طلع بها

الحين جيفه يعطيها اياها

قام طق الباب

طلعت الام

الام : نعم ؟

محمد : هني امي ؟

الام : لا مي هني .. هي علمي بها في بيتكم

محمد : اها مشكووره

سكرت الام الباب

محمد : جان زين طلعت القمر

راج رجع البيت وعقب مده

راح رد طقطق الباب

طلعت زينب

زينب : نعم ؟

محمد : شكرا على الهديه الروعه ,, و هذي هديتش

زينب :

اخذت زينب الهديه بسرعه بسرعه عشان لا احد يشوفهم و دخلت

الام : من عند الباب ؟

زينب: ها ,, هذي رفيقتي

الام : هذا ويش الي عندش ؟

زينب: هذي رفيقتي مشتريه ليي هديه

الام : من هي هل البنيه ؟

زينب : ما تعرفينها

دخلت زينب الحجره و بطلت الجياسه

زينب : الااااااااااي

تدرون ويش جاب ليها

نعال حلييو ,, و فانيله فلته ,, و شنطه ناااعمه و الوانها كشخه , و ميداليه حليوه على شكل قلب مكتوب فيها احبك بعد ههههههه و خاتم

و زينب طايره من الفرح

زينب : حلي ذوقه هل القمر << مثل الكلام الي قاله عنها

**************************

يتبع ...

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7631/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Tue Dec 27, 2005 11:11 am     
الرد بملاحظة

Laughing


حلووة


يسلموووووووووو

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Tue Dec 27, 2005 12:58 pm     
الرد بملاحظة


تسلمين على التواصل
بحط لكم اليوم حلقتين

( 1 )

***********************************

انقضت ايام سوريا و صار لازم يمشوون البحرين

راحوا بيت حجي ناصر المحطه

ركبوا الناس الباص و صلوا على النبي ومشى مشى متوجه الى الوطن

مريم : مع السلامه يا سوريا

زينب : وانتين هذي شغلتش يوم نطلع من البحرين و يوم نطلع من سوريا بكبري ما ظنيت اجي البحرين

مريم : ادري ,, بس لازم اودع سوريا

الجده تقول الى ام علي : الحين ايدي اذا رحت البحرين بداوونها ليي لو لازم هنه ؟

الام : لا اكيد بداوونها له , جي هني غير هناك عادي

زينب : تسوي رحها ما تدري بعد حضرتها

الجده : يلا سكتي انتين

زينب : اني ويش قلت الحين

مريم : تطنزين بجدتي

زينب : اصلا هذي جدتش ام مشاكل ,, حتى اذا الواحد يمزح وياها تاخذه جد والله

مريم : كيفها

زينب : اني اول مره اشوف وحده ايدها مكسووره وتحب تتهاوش

مريم : و اني بعد اول مره اشوف وحده ما صار ليها سبوع من طاحت دوره و تتهاوش

زينب : انتين من حشرش ؟

مريم : كيفي

قامت زينب تشرب ماي الا عليها النعال الي محمد جايبنه ليها

مريم : ههههههههه توها رفيقتها جيبه ليها النعال امس ولبسته

زينب : سكتي انتين

سمع محمد ويش تقول مريم

محمد استحمق على مريم لانها فشلت زنووب

محمد : مريم ولاخير وياااش صوتش موصل للسواق

مريم : كيفي

محمد : كيفش في بيتش

مريم : هذا بعد بيتي لاني بقعد فيه يوم كامل

محمد : لا مو بيتش

عاد جت زينب تبغي تطووف له بس محمد واقف و هو ما يدري انها بتطوف

و محمد ضارب حجي وي مريم

و مسكينه زينب تبغي تطوووف

مهلت واجد وهو موقف

زينب : لو سمحت ابغي اطووف

محمد : ها ,, تفضلي سوري ما كنت ادري

مريم : داسك لوري

زينب : مريم سكتي

محمد :

بعدين قعدت زينب مكانها

قام البااااص يمشي وااااااااااااااااجد لين ما وصلو السعووووديه يعني قريب بوصلوون البحرين

نزلوا عشان يفتشوونهم

راعي الحمله : يلا يا حريم دخلوا هني عشان يفتشونكم

دخلوا مساكين مكان التفتيش وهناك في نسوان سودان يخوفون ديابه

المره الديبه تقول الى الام : حر ها

الام وهي خايفه : اي ,, مره حررر محنا قادرين

المره الديبه : و آنه شسوي فيج بعد ؟ والله

الام في قلبها : دهشه دهشتش في عيونش

و قعدت تفتش فيها لين ما وصلت الى مريم

و مريم خايفه

المره : شفيج خايفه ؟ لا يكون عندج شي خاشته ؟

ما شافوا مريم الهي ميته من الصياح

مريم : ما عندي شي

المره : الحين شله تصيحين ؟

و تقوم مريم تروح تشبق امها و تصرخ

مريم : امااااااه

المهم خلصوا من مريم و زينب بعد و جا دوور الجده

الجده : اني يما ما عندي شي ,,

المره : يعني ما نفتشج ؟

الجده : لا بس يعني اقوول

تالي قعدوا يفتشوون فيها و شافوا في مخباها

المره : شنو هذا

الجده : هذا غير دوا

المره الديبه : لا هذا مب دوا هذا اكيد رصاص

الجده : دواهي ,, هذا الا بليلج عن وجع البطن

تعرفون البليلج شكله اسود جنه رصاص هو هههههههههههه

المره : لا انتين تقصين علينا تعالي معانا للضابط

و قاموا النسوان الي في الحمله كلهم يضحكون على المره ههههههه

ام محمد : ويش هل الحاله مره ما تعرف البليلج

المهم راحت الجده الى الضابط

الضابط : انتين تقولين ان هذا دوا , شلون يستخدمونه ؟

الجده : هذا ينقعووونه في ماي و يشربووونه او يدقوونه لين ما يصير ناعم ويبلعوون عليه ماي

الضابط : طيب شربيه الحين هني عشان نضمن

الجده: انزين هداني باكلها بكبرها

مسكينه الجده اكلتها بكبرها و لا تدري بالدنيا من الخووف

بعدين جا دوور بيت محمد خلصوا منهم وباقي ختهم فاطمه

شافوا عندها صور عن الحسين والخميني و الشيووخ يعني

المره : هذا شنو

فاطمه :

مسكينه فاطمه و دووها بعد للضابط و حقق وياها و تالي مشوا

راعي الباص يقول الى النسوان : امشوو اركبوو يا البلا

تالي ركبو و قعد الباص يتابع المشي و وصلوا الي الجسر

مريم : الاااااي وصلنا الجسر يعني باقي شوي و نوصل بحريننا

زينب : ايييي

قام محمد من وصلو الجسر سوى رنه الى زينب

زينب :

مريم: من الي سوى لش رنه ؟

زينب : هي رفيقتي ويلا سكتي

محمد :

*****************************************
( 2 )

وصل الباص البحريـــــــــن

قامت زينب اتصلت الى علي اخوها

علي: الوو ... هلااااا وصلتوون ؟

زينب : ايي هدحنا في المحطه تعاال لينا

علي : الحين جاي ليكم

الام : يا علي هني حرر مووت و هناك في سوريا الجو ويش حلاوته

الجده : هداني ماني قادره

الابو : يلااا شيلوا الشنطات عشان الحين بجي علي

شالوا بيت حجي ناصر شنطاتهم و حطوهم على صوووب وقعدوا يحارسووون

جا علي

مريم : هاكو علي جا

راح علي ليهم وقعد يسلم عليهم و امه مستانسه انها شافته المهم تالي ركبوا السياره و ركبوا الشنطات بعد

علي : اماه ,, هاكم خالتي و ندى بت خالتي يحارسوونكم

الام : في بيتنا ؟

علي : اي

وصلوا بيت حجي ناصر الى فريقهم

مريم : الاااااااااي فريقنا اشتقت اله

زينب : اني بعد افادي فيــــــه ,, يا علي ما ضنيت اجي

وصلوا بيتهم و نزلوا و مريم من وقفت السياره على طووول بطلت الباب و تركض الى بيتهم حتى شنطه ما شالت

ما دخلت الا هناك ندى

ندى : مريوووم .. شخبااااارش

مريم : ندى ,,

و شبقوا بعض

و مسكينه ندى تحارس على الباب

دخلت زينب

زينب :

ندى : زينب ,, شخبارش

زينب : زوينه ,, انتين شخبارش

ندى : مشتاقه ليكم

زينب في قلبها : الله على الشوق عاد

دخلت الام وكلهم قعدوا يتشابقوون و يسلموون على بعض

بعديـــــــــن ,, قامت الخاله تحط ليهم غذا هي مسويتنه ليهم

الام : تعبتين روحش يا اختي

الخاله : لا عااادي ,, لا تعبت روحي ولاشي ,, الله يخلي ندى تساعدني له

ندى :

زينب :

بعدين قاموا ياكلوون

مريم : خالتي تسلم ايدش الغذا عجايب

الخاله : بالعافيه حبيبتي

جت العصر و راحت زينب تعبااانه تبغي تنام ليها جم ساعه

توها بتحط راسه على الوساده

الا رنة التلفوون

زينب : الوو

محمد : هلا بهل الصوووووووت هلااا

زينب :

محمد : شخبارش

زينب : توك شايفني من شوي

محمد : ويش اسويي .. اشتقت لش

زينب : ههههههه بهل السرعه ,, اشتقت ليي

محمد : وانا ما اشتقتين ليي

زينب : طول اليوم اشوووفك

محمد : ههههههه ,, اقوووول

زينب : قول يا حلو قووول

محمد : انا حلو ؟

زينب : ايي و نص

محمد :

زينب : قووول له

محمد : الهدايا الي جبتينهم ليي ,, كيووووت ,, بس انتين احلــــــــــى

زينب : ههههههههه عجبووك ؟

محمد : اييييييي ,, شكلهم غاليين بعد

زينب : ما يغلك عليك شي ,, يرخص الغالي لك انـــــــت

محمد :

زينب : انت بعد الهدايا الي جبتهم كووووووول ,, يا كووول

محمد : صدق ,, وانا اقول ما بيعجبوونش

زينب : لا كانوا حلوين ,, من حلاوة النعال لبسته

محمد : عليش بالعافيه يا قمووره

و هم قاعدين يتكلموون قام علي طق الباب

زينب : يلا حمودي بقووم

محمد : وين ,, ما صار لينا شي من تكلمنا

زينب : علي يطق الباب باي

محمد : اووكي

طلعت زينب

علي : وين هديتي ؟

زينب : اووو صحي نسيت

علي :

زينب : هاك

علي : بس ؟

زينب : نعال له

علي : صدق برصه ,, امي بس بروحها جابت ليي شدة فوانيل ونعاااال و بجامه و بوووك ,, وانتين بس نعال ؟

زينب : بدل ما تقول ليي شكرا قاعد تصرخ عليي وتهاوشني ؟

علي : شكرا ,, بس اتوقعت اكفر

زينب : لا لا تتوقع

علي : عجل اذا رحت سفره باجيب لش بس هديه

زينب : اوووووووه

تالي راح علي

و طلعت زينب بره الا هناك ندى مسكينه مقعده متملله

زينب : اماااااه ... شفتين ولدش ؟

الام : ويش صاير بعد ,, ما صار لينا فلاف ساعات من جينا و انتين تهاوشتين

زينب : مو عاجبتنه الهديه الي جايبتنها له

الام : و ان شاء الله ويش تبغيني اسويي لش ؟

زينب : افففف ,, الغلط مني قاعده احاجيش انتين

و ندى قاعده تطالع زينب

زينب : نعم ؟ اي طلب ؟

ندى : لا ولا شي خيتوو

زينب : و الله

راحت زينب مره فانيه الحجره

الا هناك مريم قاعده تحووس في اغراضها

زينب بصوت عالي : مريم

انزهقت مريم لان مره وحده صرخت زينب عليها

مريم : يمـــــه

زينب : ويش قاعده تسوين

مريم : ما اسويي شي

زينب : اطلعي برا يلا

مريم : انزين ,, بس ابغي الهتفوون انتين عطيتيني اياه تالي رديتين اخذتينه

زينب : اخذيه وروحي برا ,, و مره فانيه لا تقعدين تنبشين في اغراضي فاهمه ؟

مريم : زين

سكرت زينب الباب

و اتصلت الى محمد

محمد : هلااااا

زينب : هلا

محمد : ويش فيش مگشره ؟

زينب : هذا اخويي عكر مزاجي يقول اني برصه

محمد : ههههههههه ,, ما يحتاج تزعلين ,, طنش تعش


ما شافت زينب الا الباب مره فانيه ينطق

زينب : اففف ويش هل الحاله

محمد : ويش فيش يا الدلوووعه ؟ ليش مستحمقه ؟

زينب : هههههههه ,, بس الباب ينطق لحضه

راحت زينب وفتحه

مريم :

زينب : ويش تبغين ؟

مريم : زينب ,,, لو مثلا يعني جاهل صغير ما يفهم وكسر الهتفون مالش

زينب : ايي

مريم : بتضربينه ؟

زينب : ما ادري ,, الحين ويش تبين ؟

مريم : باقول لش شي بس لا تستحمقين

زينب : اييي خلااص عرفنا انش كسرتينه ,, ثانيا انتين منتين جاهله ما تفهمين ,, انتين فووره حتى الفوور اصغر منش

مريم : لييييييي؟

قامت فلتت الهتفوون وهو مشلخ ما فيه فايده ومشت

زينب : صدق فارغه

و راحت تبغي تواصل الكلام وي محمد الا الخط انقطع من زمان

اتصلت له

زينب : لويش قطعته ؟

محمد : انتين من اول ما رحتين تفتحين الباب انا قطعته

زينب : لويش ؟

محمد : اخاف يصرف عليش لا

زينب : ما تفوت ولا شي داهيه

محمد : هههههههه ’’ صدق ممله هل القطوه

زينب : يووو ما ماتت له ؟

محمد : شرعنها ,, لويش تقولين عنها جدي زنووب؟

زينب : بل لهدرجه تحبها

محمد : اي احم

زينب : اي اكثر اني لو هي ؟

محمد : لا لا طبعا انتيــــــن ,, تقارنين روحش بها

زينب : ههههه الحين هي ويش تسوي

محمد : تمسح عليي مستانسه ان انا جيت

زين : حلاوتها ,, سلم عليها

محمد : تبغين تسمعين صوتها

زينب : ههه اي

محمد : اووكي

قام محمد حط السماعه صووب القطوه هههههه عليه حركات

القطوه : ميييييياااااو

زينب : وه يمه

محمد : سمعتين صوتها هههههههههههههه

زينب : ايي خفت

محمد : هههههههه بسم الله عليش ,,هذي كل ويايي تحبني

زينب : بس اني احبك اكثر

محمد :

زينب : اذا جيت بيتكم مره ثانيه باخلي فاطمه تراوييني اياها

محمد : ايي و تكلمي وياها وبتعلمش عن سوالفي كلها

زينب : و تتكلم بعد ها ؟

محمد : اي لا قطوتي عجيبه غريبه

زينب : يا حلاوة سوالفك

و قعدوا يسولفوون مستانسين ,, صار ليهم 22 يووم ما تكلموا وي بعض عدل له

**************************************************

انتظروا الحلقه القادمه

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7631/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Tue Dec 27, 2005 3:36 pm     
الرد بملاحظة

هههههههههههههههههههههه

والله حالة


يسلموووووو

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Tue Dec 27, 2005 11:02 pm     
الرد بملاحظة


واليوم بعد بحط حلقتين wink

***********************************
(1)

مرت فلافة ايام

الام : ما ادري متى تجي ساره ,, لا تتصل ولا شي

علي : يوم الي جيتون من سوريا اتصلت تقول بتجي باجر ,, جي ما قلت ليكم ؟

الام : يووو , ما قلت لينا

مريم: يعني باجر بتجي ساره باروح اقول الى زينب

راحت مريم تخبر زينب

مريم : زينب

زينب: وي

مريم : باجر بتجي ساره

زينب : صدق ,, و اخيرا

رن تلفون زينب

زينب : مريم قومي اطلعي برا

مريم : لويش ؟

زينب : ما يهمش ,, في حجرتي و تتدلع بعد يلا برا

مريم :

طلعت مريم برا

زينب : هلاااا

محمد : شخباااااار

زينب : زينه ,, انت شلونك شخبارك عساك بخير

محمد : تمام ,, ابغي اقول لش شي

زينب : ويش قوول

محمد : احـــــم بـــــــاجر عيد ميلادي

زينب : احلف كل عام وانت بخير ,, سنه حلوه يا جميل

محمد : و انتي بخير

زينب : بصير عمرك جم الحين ؟

محمد : 21

زينب : العمر كله يااا رب ,,

محمد : وانتين عمرش جم الحين ؟

زينب : من زمان صرت 19

محمد : العمر كله

زينب : ,, ابغي اجيب لك هديــه ,,

محمد :

زينب : بس متحيره شنو اخد لك ,,

محمد : كل شي منش حلوووو

زينب : امممم

محمد : شفيش؟

زينب : افكر ابغي شي حليو لك

محمد : ثانكس سويت هارد << سويت هارد يعني حبيبتي بلعنجليزي

زينب :

محمد : يلا ,, الحين انا بقووم

زينب : وين

محمد : باروح وي رفيقي ندور لينا شغل

زينب : بتشتغل ؟

محمد : اي لا

زينب : لويش يا القمر ما تقول ليي

محمد : هدانا قلت لش

زينب : اقصد من قبل

محمد : ,, يلا باااي ادعي ليي يقبلوني

زينب : ان شاء الله

سكروا التلفون و زينب طايره من الفرح

زينب : ابغي اشتر ليه هديـــه الحين ,, بس جيفه اعطيه اياه

علي: زينب ويش فيش؟

زينب : ما فيي شي ,, علي ودني السوق

علي : لوي؟

زينب : ابغي ارووح

علي : اوكي ,, عجل يلا البسي و امشي

زينب : انزين

علي : قولي الى مريم تجي بعد

زينب : زين

راحوا يلبسون

مريم : زينب عطيني شالش

زينب : وين شالش انتين ؟

مريم : ما ادري عنه

زينب : البسيه و ايانا بنرووح اشتري لش من هناك

مريم : انزين

ركبوا السياره و مشوا متوجهين الى السوووق

علي : باقطكم هني و تالي اذا خلصتون اتصلوا ليي اوكي

زينب : انزين

راحوا يتسوقون ينب تبغي تشتري الى محمد هديه و مريم تبغي شال

زينب : امشي ندخل هني


دخلت زينب محل للعطورات تبغي تشتري له عطر <<< مثل الي جابه ليها

اشترت زينب العطر

مريم : يقول البياع هذا العطر رجالي لويش تاخدينه لش؟

زينب : عادي

مريم :

راحت زنبوو بعد تبغي تشتري بطاقه و و باقة ورد احمر

مريم : هذا الى من ؟

زينب : هذا الى رفيقتي ما اخذت ليها هديه من سوريا

مريم : لويش تودين ليها باقة ورد احمر ؟

زينب :لان عيد ميلادها بعد

مريم : اها ’’ هذي من البنيه ؟

زينب : يلا عاد عن اللقافه الزايده ,, بسش اسئله

اشتروا و مر عليهم علي و في السياره

علي : ويش اشتريتين زينب ؟

زينب : عطر ليي

علي : بس ؟

زينب : ايي

علي : وهذا الورد الى من ؟

زينب : الى رفيقتي عيد ميلادها

علي : اهاا

و قعدوا يسولفون لين ما وصلوا البيت

دخلت زينب الحجره

الا برنة التلفون

زينب : الو

محمد : هاي

زينب : ها ويش صار

محمد : عطيتهم ملفاتي وشهاداتي و يقوولون بردون عليي عقب فلافة ايام

زينب : يااا ربي يقبلونك ,, اشتريت لك هديه بس ابغي اعطيك اياها شلون؟

محمد : ,, اممممم

محمد : باطرش اخويي الصغير حسين ما يفهم , وانتين روحي واعطيه الهديه وهو بجيبها

زينب: يوو استحي

محمد : عادي

زينب : وين اروح ,, صوب وين

حدد ليها محمدووو المكان المحدد

راحت زينب و هناك كان حسين مسكين موقف

زينب : انت حسين له ؟

حسين : اي

زينب : هذي الى اخوك محمد

حسين : اي قال ليي

اخذ حسين الجيس و الورد و وداه الى محمد

محمد : حليو العطر ,, الورد كشخه

اتصل ليها

محمد : كشخه الورد و العطر ,, ثانكس

زينب : العفو و تستاهل اكثر

*******************************************
(2)

يوم فاني اتصلت ساره

علي : هلا ساره ,, وصلتون المطار ؟

ساره : ايي هداني باجي بجيبوني بيت عمي

علي : اوكي ,, نحارسش

الام : الحين بتجي ؟

علي : اي هكي في الطريق

قاموا بيت حجي ناصر مستانسين ينتطرون جية ساره له

و مدام هم قاعدين يحارسون الا بصوت الباب يعني شكله احد جاي تقوم مريم تركض

مريم : جت ساره

و يقومون كلهم يشبقون بعض و يسلمون على بعض

ساره : افادي فيكم

الام : امايي احنا بعد صار افادنا فيش ,, ان شاء الله استانستين ؟

ساره : اي حليو ,, بس اشتقت ليكم

زينب :

مريم : وين هديتي ؟

الام : صبري ما مداها تستريح و انتين تبغين هديتش

مريم :

ساره : لا تخافون كلكم جبت ليكم هدايا حلوه

بعدين قاموا يسولفوون و ياكلون و يشوفون الهدايا ,, تعرفون اذا واحد جاي من السفر محمل بالمفاجآت والاخبار

تالي عقب ما خلصوا و كل شي وصاروا عادي

جا علي و هم قاعدين في الحجره

علي : اماه

الام : ها

علي: باقول ليكم شي

الام : ويش صاير ؟

علي : خير ان شاء الله

الام : قول له

علي: انا نويــــــت اخطــــــب

الام : صدق هذي الساعه المباركه

زينب : بتخطب من ؟

الام: قول منهي

علي: هي كلها ادب و اخلاق و جمال

الام : الحمد لله خوش بنت

زينب : انت ويش فيك قول منهي

علي : عمرها 19 قد زينب

الام : اي .. هو لغز

زينب شكت في انها تكون ابرار رفيقتها

زينب : لا يكون ابرار

علي : اي ابرار لا مي ابرار

زينب : عجل من

علي : نويت اخطب نــــــدى بنـــــــت خالـــــــــتي

الام : هذي الساعه المباركه ,, افضل الصلاة والسلام عليك يا حبيب الله محمد وآل محمد كلللللللللووووووووووووووووش

زينب : ندى ,,, بنت ,,, خالتي

الام : اي ويش فيها مؤدبه وحليوه

زينب : لا مافي ,, ندى لا تاخدها

علي : جي على كيف انتين ,, انا الي باخدها لو انتين

الام : ويش دراني ,, يلا روحي

زينب : انتين سكتي ,, انت يعني ما تفهم ... ما تدري يعني بهل الامراض التي تصير الاوادم ؟

علي : اي امراض

زينب : امراض الوراثيه ,,

علي : اييييي ,, انا ما يهمني

زينب : يلا خد .. لهدرجه ميت عليها

علي : ايي

زينب : عجل خلك بتجيب صمخان

الام : شرعنه و اسم الله عليه ,, بدل ما تباركين تدعين عليه

زينب : هي الحقيقه

الام : ما نبي حقيقتش ,, و الصمخان على قولتش اذا في العائله هذا المرض ,, احنا الحمد لله عائلتنا ما فيها هل الصمخ

زينب :اني ابغي اعرف وي عندكم وي هل المعصويه ؟ في بنات احلى منها ,, علي اني بخطب لك وحده قمر

علي : اولا : ما اسمح لش تقولين معصويه و ثانيا : ما ابغيش تخطبين ليي و يلا ولي

الا بدخلت الخاله


الام منحرجه : هه حيا الله اختي و بت اختي

دخلت الخاله و قعدوا يسولفون

قامت الام قالت كل شي الى الخاله يعني ختها روح بالروح ما تغبي عليها شي

الخاله :

ندى :

الام : هو على ندى يعني اذا هي موافقه خلاص

الخاله تطالع في ندى :

الام : خليها تفكر يومين وترد

الخاله : هي الحين هاكي مستحيه

تالي قامت الخاله تساسر الام

الخاله : هي شكلتها موافقه بس تستحي

الام : اي ,, خليها تفكر

و ندى مستحيه على حدها

ندى:

تالي قام جا علي يبغي يسلم عليهم وهو ما يدري ان الام من زمان شخلت الحجي الى الخاله

علي : شحوالش خالتي

الخاله : حياك الله و النبي ,, شحوالك علي

علي : تمام ,, شحوالش ندى

ندى: زينه

علي :

و الام و الخاله يطالعون فيهم

تالي عقب شوي جت زينب و هي شايفه روحها على ندى

زينب : سلام خالو

الخاله : عليكم السلام

زينب : لويش تضحكين ؟

الام : عجل كأنش ديج حاطه لش هل الريش فوق راسش

هي كانت حاطه ليها كبوس من ريش فوق راسها تبغي تفوشر على ندى عن يا حسب

زينب : والله هذي الموضه

الام : يلا روحي افصخيه جنش سباله صايره لينا

زينب : لا والله ,, اني سباله ؟

ندى:

زينب : وانتين ان شاء الله تضحكين على ويش؟ ها ؟

ندى :

زينب : شايفه روحش على ويش ؟

ندى : اني ما سويت شي بس انتين مسويه روحش .....

زينب : اي اي كملي قولي اركوز و مهرج قولي

الام : يوو تتهاوشين وياها و هي قريب بتصي مرة اخوش

ندى :

زينب : قلتين ليهم ؟

الام : اي و ليش اغبي عنهم ؟

زينب : صدق مشخال كل شي فرغتينه ليهم خلال دقيقه؟

الخاله : زينب ويش فيش ,, جدي جدي بتقول لينا له

زينب : على فكره اني مو موافقه

تالي قعدوا كلهم يضحكون حتى ساره ماتت من الضحك

زينب : لا يكون اني عندكم غوريلا تتمسخرون عليي و تتضحكون مالت عليكم

و مشت

راحت تتصل الى محمد مسكينه هبله ويش نسوي فيها

محمد : هلا زنووب

زينب : شفت ؟

محمد : ويش شفت ؟

زينب : يطنزون عليي و يتمسخرون كأني جاهله عمري 12 ما افهم

محمد : من هذا الي يطنز عليش ؟

زينب : كلهم ,, لكن لو انت تجي تخطبني جان يشوفوني كبيره

محمد : هذا انا قاعد ادور شغل قالوا بردون عليي

زينب : هو لازم هل الشغل ,, تقول عندك في البنك تعال واخطبني له

محمد : الشغل لازم عشان اذا جيت اتقدم بيسألوني ويش تشتغل حزتها ويش اقول ليهم ؟

زينب : انزين ما دريت ؟

محمد : وي ؟

زينب : ندى بتنخطب

محمد : صدق

زينب : ها اشوفك مستانس ليها و تحبها بعد اهيييييء اهيييء

محمد : لا بس يعني تفاجئت ولا تصيحين لا تقطعين قلبي

زينب : بيخطبها اخويي

محمد : والله زين لا

زينب : و اني بقعد احرس على ما يجي هل الشغل

محمد : يعني انتين غايره منها انها بتنخطب

زينب :

محمد : غيوره مرتي

زينب: اوووو يلا سكت

محمد :

************************************

سي يو في الحلقة القادمة smile

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7631/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Wed Dec 28, 2005 11:13 am     
الرد بملاحظة

ههههههههههههه


يسلمووووووو

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Wed Dec 28, 2005 12:57 pm     
الرد بملاحظة


يوم فاني رن تلفون زينب

زينب : هلا حمودي

محمد:

زينب : ويش فيك ؟

محمد : حبيت اخبرش بشي

زينب : قول

محمد : انا ما احبش اوكي ؟ و لا بخطبش خلاص عاد خلصت التمثيليه فاهمه

زينب : محمد ويش فيك

محمد : ما فيي شي ويلا ولي عني دلعناش وايد ,, خلاص يا اختي ما احبش غصب ؟

زينب : بس انت تقول تحبني و بتخطبني

محمد : كنت اجدب عليش ,, انا على اخر عمري اخد وحده تكلمني منه والطريق ويش يضمني انتين ما تكلمين واحد غيري ها ؟ انا ابغي وحده مؤدبه مو مثلش تكلم كل من هب ودب

زينب : انت مو قد الكلام ,, كل يوم لك كلام ,, انت تلعب بالقلووب ,, انت جاهل بالغرام

محمد : اووووو يلا فكينا انتين ,, كل يوم ما هريتين لينا بهرار مثل ويهش

زينب : ارجوك محمد اسمعني ,, اني احبك

محمد : روحي مناك يلا يلا ,, وامسحي رقمي من تلفونش ولا تفكرين ان انا احبش ها

زينب : لا لا لا لا لا لا لالالالالالالالالالالالالالالالا

و تطفر زيــــــــــــنب من الحلمــــــــــه

زينب : اه اشوه حلــــم

راحت زينب وهي فزعانه من الحلم على طول الي كتبا تفسير الاحلام

طلع التفسير ان

محمد يحبها وبيخطبها قريب

زينب : اشوى

و توها جدي الا برنة التلفون

زينب : الووو

محمد : هلا زنووووب

زينب : شخبارك

محمد : تمام لا ,, جاي اقول لش بشاره

زينب : قووول

محمد : اتصلوا ليي الشغل وقالوا ليي من باجر ارووح اداوم

زينب : احلف

محمد : والله معاشي 150 بس اذا برقوني بسووونه 200

زينب : الحمد لله

محمد : اخلي امي الليله تتصل الى امش

زينب : لا مو الحين اذا خلصنا من خطوبة اخويي له

محمد : براحتش

و قعدوا يهدرون ’’ بعدين خلصت زينب الكلام وياه و سكروا التلفون

طلعت برا حجرتها

الا هناك الام قاعده تتكلم وي علي

علي : اماه متى قلتين ليهم

الام : امس له قلت ليهم ,, و توها خالتك متصله تقول الليله نرووح بيتهم عشان المعادل

علي : الليله ؟

الام : عجل تبغي متى ,, مو المجله يا ولدي اقصد المعادل اني

علي : ادري اماه ,,

الام : يا علي ولدي حياويي مره

علي :

زينب : ويش السالفه هني

ساره : الليله علي وي امي بروحون بيت خالتي عشان المعادل

زينب : صوبه

ساره : هو غير معادل

زينب : باروح وياكم

الام : ما يحتاج

علي : خليها تجي حتى ساره خليها عادي

الام : يوو لويش ؟

علي : عادي يترواى ليي

الام : كيفك

المهم جت الساعه الي لازم يروحون بيت الخاله

علي : ساره تعالي شوي

ساره : ها

علي : ويش البس هل القميص لو هذا

ساره : هذا احلى

علي : انزين البس عليه هذا البنطلون حليو مو ؟

ساره : اي كشخه

جهزوا كلهم و صار لازم يروحون

وصلوا

الخاله : هلا هلا

الام : شحوالكم

الخاله : حياش الله ,, تفضلوا تفضلوا


و هناك قعدوا يسولفون ويتشاورون عن الشبكه والمهر و و و......

و حددوا ان المجله تصير ليله فانيه و الحنه عقبها و تالي الخطوبه

الام و الخاله : افضل الصلاة والسلام عليك يا حبيب الله محمد وآل محمد كلوووووووووش ,, عليك بالعافيه يلي خذاها

علي : اماه وخالتي للحين ما صار شي ما يحتاج كل هذا

الام : كلها جم يوم تنخطبون له

ندى :

و قعدوا يصفقون ويغنون وهو للحين ما صا شي

في هل اللحضه رن تلفون زينب

زينب : الوو

محمد : هلا

زينب : ها حمود ويش صاير ؟

محمد : ما صاير شي بس ابغي اسولف وياش

زينب : الحين اني في بيت خالتي و كلهم صوبي

محمد : اها ,, اوكي عجل اخليش

زينب: باي

الام : هذا من ؟

زينب : ها ,, هذي رفيقتي ابرار له

الام: و لويش ما تكلمتين وياها ؟

زينب : لان هني واجد فوضه قلت ليها اني ابغي اقعد وياكم مو متفرغه ابغي اصفق له

الام : اييي

بعدين رجعوا البيت

زينب : اماه باقي فلافة ايام عن الخطوبه و اني ما اشتريت ليي ولا شي

الام : ليلة الجايه اشتروا ليكم انتين و اختش

زينب : لا اني ابغي اشتري الليه

الام : تعالي تبغين تشترين ويش ؟

زينب : فستان له

الام : لا ما يحتاج نفنوف هاكو مال خطوبة اختش للحين بحلاوته البسيه

زينب : لاااااااااا ؟

الام : اي عجل وي

زينب : لا والله هداك الفستان كل من شافه عليي و لا بلبسه

الام : يلا مناك ما صار له شهرين بجدادته و انتين تبغين ترمينه خساره

مريم : اماه اني بعد ابغي جديد

الام : لا ما في تخسرونا بيزات ,, لبسته ليله وحده وتبغي ترميه

زينب : ما قلت برميه بلبسه في الحنه له ,, بس ليلة الخطوبه جديد

ساره : اماه عدل كلام زينب ما يصير تلبسه ليلة الخطوبه

الام : يعني بس خساره

ساره : لا مو خساره

الام : عجل باقول الى ابوكم تالي وباجر روحوا اشتروا

زينب : لا الحين قولي له

الام : تالي

الابو : ويش هست ؟

الام : بناتك يبغون بيزات عشان يشتروون ليهم نفانيف لخطوبة اخوهم

الابو : زينب و مريم

الام : اي

الابو : جم تبون ؟

زينب : ابغي ....

مريم : اني بعد

راحوا عشان يعطيهم الابو بيزات

زينب : اماه يلا قولي الى علي يودينا

ساره : يا المجانين حارسوا باجر بروح وياكم اني

زينب : لويش ما تجين الحين ويانا

ساره : انتون تعالوا باجر ويايي احسن ,, لا يفوتكم ذوقي

مريم : اي اني بروح وي ساره الجميله

زينب : اوكي عجل اني بعد بارووح باجر ,, عاد متى نروح ؟

ساره : العصر له

زينب : اوكي

راحت زنبوو تتصل الى محمد

محمد : هلاا

زينب : هلا ,, محمد

محمد : نعم

زينب : باجر بشتري ليي فستان حق خطوبة اخويي اخد اي لون ؟

محمد : اختار لش لون من ذوقي ؟

زينب : اي

محمد : اخدي اصفـــر

زينب ما عجبها اللون

زينب : انت تحب لون الاصفر ؟

محمد : لا بس يعني قلت وبس

زينب : اختار لون ثاني

محمد : هههههههههههههههه اوكي اخدي لون عنابي ما ادري ويش

زينب : اي عنابي حليو

محمد : اشوى انه عجبش

زينب : يا علي ذوقك حليو مثلك

محمد : بس الاصفر ما عجبش اول شي

زينب :

*************************************************

تابعونا في الحلقه القادمه wink

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7631/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Wed Dec 28, 2005 4:48 pm     
الرد بملاحظة

Cool

يسلمووووووووو

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Wed Dec 28, 2005 7:49 pm     
الرد بملاحظة


(1)

يوم فاني العصر قامت زينب و ساره و مريم يجهزون عشان يروحون يشترون فساتين

ساره : زينب قاعده تتهاوشن وي مريم على لون الفستان ؟

زينب : اي اني قايله قبلها ابغي لون عنابي تجي تنط تبغي هي بعد

مريم : اني من يوم ما قال علي بيخطب اني مقرره اخد عنابي << تجدب

زينب : عاد قررتين لو لا اني ما يهمني

ساره : مريم اني عندي لش لون حليو

مريم : ويشو ؟

ساره : تعالي باقول لش

تالي قامت ساره تساسرها

زينب :

مريم : اي هذا اللون حليو باخذه

زينب : زين بعد

علي : ها جهزتون

ساره : اي له

تالي ركبو السياره و زينب و مريم ورى يتعايون

مريم : والله بصير فستاني احلى من فستانش

زينب : زين سكتي

علي : بدينا بالهواش جنكم جهال

زينب : اني ماني جاهله لو سمحت ,, الي بتخطبها قدي

علي : ادري بس لا تتهاوشون

وصلوا السوق و نزلوا و دخلوا محل فساتين

ساره : تعالي مريم شوفي هذا الفستان واجد حليو

مريم : مو حليو

ساره : بالعكس انتين شوفيه لونه مفل الي قلت لش عليه بعد

مريم :

زينب : اني باخد مفله << عشان تقنع مريم تاخده

مريم : اني باخده لا تاخدينه انتين

ساره :

اخدوه ليها و اقتنعت به

ساره : يلا زينب امشي نروح مكان فاني

راحو و شافوا مكان فساتين بعد

و هم يتمشون لمحت زينب فستان لونه عنابي

زينب : ساره ساره امشي ندخل هذا المحل

دخلوه و اصرت زينب على انها تاخده وفعلا اخدته

بعدين ساره بعد اخدت فستان كشخه

و رجعوا البيت

الام : ساره اخدتين ليهم نفانيف عدله ؟

ساره : اي اماه حليوين

الام : اي مو مفلات هديك اليوم زينب نفونفها حالته حاله

دخلت زينب حجرتها و هي مستانسه بالفستان

راحت اتصلت الى محمدووه

زينب : الووو

محمد : هلا

زينب : اشتريت فستان لونه عنابي

محمد : صدق ,, باشوفه

زينب :

محمد :

زينب : ويش تاكل شكلك تاكل شي ما شيات

محمد : اسكريم الاميره

زينب : امبى

محمد : بكبرش اميره تاكلين اسكريم الاميره

زينب :

راحت زنبو طلعت حلاوه وقعدت تاكل فيها

محمد : ويش تاكلين ؟

زينب : حلاوه

محمد : امبى

زينب : بكبرك حلاوه تبي تاكل حلاوه

محمد :

وقعدوا يهدرون واجد ادن ادان المغرب و بألف وقعه قالوا باي

طلعت زنبوو برا

الابو : وين علي ؟

علي : ها ابويي

الابو : بجي الشيخ الساعه 8 انزين ؟

علي : اي كلنا بنكون هناك

صلوا بيت حجي ناصر كلهم و راحوا بيت الخاله

و دخلوا هناك الا ريحة البخوور و العطورات و هناك الخاله تعدل في بتها ندى

الام : شحوالكم

الخاله : حياكم الله دخلوا

دخلوا وقعدوا ,,

راحت ساره الى ندى

ساره : الله الله شهالزين

ندى :

الخاله : وين هو علي ؟

الام : هكو هو و ابوه دخلوا المجلس

الخاله : اي ( ابو ندى ) يحارسهم هناك

عقب مده جا الشيخ

طلع ابو ندى عشان يدخله المجلس

الام : يلا يا ندوي حبيبتي جهزتين البطاقه و كل شي ؟

ندى: اي

الام : ما يحتاج تخافين هههههههه عادي

الخاله : يلا امشو ندخل

زينب : باروح وياهم

مريم : اني بعد

و قاموا حنشل دخلوا داخل

الام : يو لويش جايين كلكم فشيله

زينب : اوووه روحي اني بدخل

الام :

دخلوا كلهم المجلس و عقد الشيخ عليهم و طلع

الام والخاله : لا اله الا الله ,, حضر محمد و علي ,, و الشر عنهم ينجلي , عليك بالعافيه يلي خذاها ,, عليك بالعافيه تمشى وياها

ندى :

علي:

ساره :

زينب: ساره شوفي علي ويهه طماطيه ,, ما خلى الا ندى شي

ساره : اي سكتي

الام : يلا صفقوا و غنوا

الخاله : الفال لش يا زنووووب

الام : ان شاء الله ,, اشوفكم كلكم زافينكم

زينب :

بعدين طلعوا برا كلهم وخلووا العروسين بروحهم في المجلس

زينب : شفتون مريم جيفه تتقمز و هي تصفق

ساره : اي اني بدل ما اصفق ماني قادره من الضحك عليها وعلى علي

مريم :

الا برنة التلفون

ساره : زينب ويش فيش

زينب : لا هني فوضه

طلعت زينب برا

محمد : ويش فيش سنه على ما تجاوبين

زينب : لا بس طلعت برا عنهم

محمد : اها يعني انتين مو في بيتكم ؟

زينب : لا في بيت خالتي

محمد : ابغي اقول لش الليله لا تتصلين ليي

زينب : لوي ؟

محمد : لان بانام من وقت باجر اداوم

زينب : اي صحي اوكي ما بتصل لك ,, روح نام نوم العوافي

محمد : باي

زينب : بااي

رجعت زينب الصاله وياهم

ساره : من كان على التلفون .؟

زينب : هذي رفيقتي من زمان ما شفتها تسأل عني

ساره : اها

***********************************************

(2)

عقب يومين يعني صارت الحنه يعني الليله الخطوبه هههه

بيت حجي ناصر راحوا الصالون

كلهم راحوا صالون واحد الي فيه ندى

و زينب عن بدها تسوي تسريحتها مفل ندى و كل شي مفل ندى بس ما يصير هديك عرووس د

زينب : ويييي اني ما احب التسريحات المعقده احب الناعمين << تتعلف بندى

ندى : اي بس العرووس لازم مقعده شوي تسريحتها له

زينب : الحين من تكلم وياش

ندى : يووو ما في الا اني وانتين في هني تتكلمين وي من يعني ؟

زينب : اتكلم بروحي

ندى :

بعدين قاموا يمكيجونهم و زينب تتأمر و تبغي مفل ندى

المره الى تمكيج : انتين الي تبغينه مكياج حق عرووس

زينب : ادري

المره : اوكي براحتش

المهم تمكيجوا كلهم و صارت زينب حالها حال ندى مفل الكشاخه بس ندى فستانها مال عروس يعني

تالي جا الابو عشان ينقلهم الى الصاله

ساره : يلا زينب كلهم ركبو الا انتين

زينب : و انتين يا حظي لويش ما ركبتين وياهم ؟

ساره : اني بجي ليي خطيبي

زينب : باروح وياكم بعدين

ساره : لويش يعني ؟

زينب : لان ابغي اصور

ساره : انزين

مشوا الام و مريم وي الابو

و راحت زنبو تصور

ساره : زينب يلا امشي جه محمد

زينب : انزين

راحوا الصاله وهناك المعازيم كلهم متجمعين

و الجهال يراكضون على المسرح و و المعازيم مقعدين على الطاولات يسولفون ويبربرون

زينب : بل متى جو هذيلين توها 9

ابرار : هلاااااا ,, صايره حليوه

زينب : هلا ما شفتش

وراحوا وي بعض

و هناك مريم تراكض على المسرح و تلعب وتتعلف

ايمان : مريم

مريم : اموووون

المهم جت الساعه 10 ونص

و تدخل ندى الصاله و هي صايره مره حليوه و علي وياها

و الناس يصفقون و يغنون و يفلتون بيزات و حلاوه

و مريم تبغي ترقص

الام : مريم اعقلي يلا بلا قلالة حيا

مريم : هاكم في جهال يرقصون بعد

الام : ويش علينا منهم

مسكينه مريم

بعدين جت المصوره عشان تصور العروس والمعرس

و يصورون وياهم الاهل بعد

انزين مريم من دفاشتها قامت تركض و يشير فستانها في كرسي من الكراسي

و ينشق

مريم :

ايمان : ويش صاير مريم ؟

مريم : انشق

ايمان :

راحت مريم تركض الى امها

مريم : اماه فستاني انشق

الام : يوو قلعتش يا الدفشه عجل وحده عليها نفوف و تراكض مني و مناك

زينب : ويش صاير الناس تصفق وانتون هواش ؟

الام : هل الهبله شقت نفنوووفها

مريم : ما شقيته هو انشق

الام : انق منه و الطريق من دفاشتش

ساره : بس خلاص اماه لا تزيدين الطين بله خلاص

مريم :

زينب :

الام : بس لا تصيحين بيتخرب مكياجش له

مريم : الحين تخرب

الام : لا ما اتخرب بس سكتي

و سكتت مريم بس ضايق خلقها

و هديك الحزه يقوم يرن تلفون زينب

زينب : الو

محمد : ها شخبار

زينب: تمام

محمد : واجد فوضه المكان اطلعي

زينب : هداني اطلع

محمد : اليوم رحت الشغل

زينب : ويش صار هناك ؟

محمد : ما ادري بس يعني الشغل زين ,, هناك في شباب قدي تعرفت عليهم

زينب : زين

محمد : هناك جت وحده تشبهش ضبط حسبتها انتين اول

زينب : احلف

محمد : والله

زينب :

محمد : ويش فيش استحمقتين ؟

زينب : تالي بتحبها

محمد : لا ما احبها ’’ انتين احلى منها بعد

زينب :

محمد : يلا اخليش تستمتعين في الحفله

زينب : اوكي

سكروا التلفون وراحت داخل الصاله

الام : زنبو وين رحتين ,, امشي نبغي نصور صوره جماعيه

زينب : اوكي

و صوروهم صوره جماعيه اهل المعرس والعرووس هم بكبرهم اهل

خلصت الحفله و راحوا بيت ندى يزفونهم هناك

**********************************************

تابعونا في الحلقه القادمه

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7631/10414
   |   EXP   74%    362/489
أمير القلوووب الجنس:ذكر
العضو الذهبي

العضو الذهبي




البلد::
$field_name

تاريخ الإنضمام: 01 Aug 2004
المشاركات: 6743
المدينة/البلد: البحرين
المشاركةتم ارسالها: Thu Mar 16, 2006 5:05 pm     
الرد بملاحظة

مشكورة أختي إشراقة الأمل تسلمين على القصة الجميلة

أنا ما قريتها كامل لكنها حلوة Smile

_________________




¨¨¨° سبحانك لا إله إلا أنت إني كنت من الظالمين °¨¨¨
الرجوع للأعلى
عرض الملف الشخصي للعضو كتابة رسالة خاصة
   
الدرجة: 57 HP   12%    1718/14317
   |   MP   100%    6836/6836
   |   EXP   13%    47/359
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Thu Mar 16, 2006 8:24 pm     
الرد بملاحظة


اشكرك اخوي امير القلوب على الرد
ترى القصة جدا رائعة
بكملها لكم الحين كلها بس لا تتمللون واقروها كلها
صج طويلة لكن ما تملل ابد
تشوق الواحد يقرا الجزء اللي بعده وبعده لين يوصل للنهاية

( 1 )
*********************************************

مر شهرين و زينب و محمد هم على هل الحال تلفونات و مسجات واتصالات

و جا اليوم الي محمد لازم يقول الى امه انه بيخطب

محمد : اماه انا ابغي اقول لش شي

الام : اي قوول

محمد : انا ابغي اخطب

الام : صدق منهي سعيدة الحظ ؟

محمد : تعرفين بيتحجي ناصر ’’ الي كانوا ويانا في السفر

الام : اي

محمد: بتهم زينب

الام :

محمد : اماه ويش فيش ؟

الام : لا ما فيي شي ,, بس مستغربه يعني انت شفتها في السفر و عشقتها

محمد : اي

الام : باجر باروح الى امها

محمد : لويش باجر ,, روحي الحين هي سالفه

الام : عطني صورتك

محمد : لويش الصوره

الام : عشان تشوف البنيه شكلك له

محمد : هههه اي لحضه

راح محمدو يدور له احلى صوره

محمد : ها

الام : حلاوة ولدي

راحت الام بيت حجي ناصر

و طقت الجرس

طلعت الام ليها ودخلتها داخل و قعدوا يسولفون و تنط ام محمد في الموضوع

ام محمد : اني جايه يا ام علي هني ,, اخطب بنتش زينب الى ولدي محمد

ام علي : يا هلا ويا مرحبا فيكم ,, هذي الساعه المباركه

ام محمد : و هذي صورة ولدي محمد جان تعطينها زينب تشوفه

ام علي : اي , ما عليه

ام محمد : ولدي يشتغل في شركة ...... و عمره 21 سنه ,,

ام علي : اي ,, الرجال بشغله وبأدبه ,, احنا بنسأل البنيه وبنعطيها صورته وبنعطيكم خبر ان شاء الله عقب فلافة ايام

ام محمد : ان شاء الله

و هم جدي الا بقبلة الجده

الجده : شحوالكم

ام محمد : حياش الله والنبي ,, شحوالش ام ناصر

الجده : حياش الله ,, عفر انتين من ؟

ام محمد : اني ام محمد له

الجده : الي كسر ايدي و خلاني ماليي حال

ام علي : عمتى هو ماكان يدري

الجده : ايه ’’ الله يسامحه

ام محمد : احنا جايين يا ام ناصر طالبين القرب منكم

الجده :

ام علي : ولدها محمد طالب ايد زينب بتي

الجده : ايه ,,

ام محمد : يلا اني الحين باقوم ,, و الي فيه خير بصير

ام علي : ويش عاجلنش ؟

ام محمد : ما عال عليش عدو ,, باقووم الجهال بروحهم في البيت ’ مع السلامه

ام علي : الله يسلمش

و طلعت

الجده : تعالي شوفي ايدي صارت زينه وداني خليل الدختر و داووها

الام : اي هاكي شكلتها زينه صارت

الجده : اي ما تعورني مفلات لول

الام : الحمد لله

راحت الام داخل حجرة زنبوو وهناك زينب حاطه الاغني على حدهم

و من دخلت الام قصرت على الاغاني

زينب : ويش اماه

الام : بندي هل المنكر

زينب : هدحنا بندناه

الام : امشي قعدي باقول لش شي

زينب : قولي

الام : تعرفين محمد الي صار ويانا في السفر

زينب : ايي

الام : جايه امه ,, خاطبتنش له

زينب :

الام : هاش صورته شوفيه

و اخدت زينب صورة محمد لو تشوفونه في الصوره حليو مصور ديجيتال

زينب في قلبها : ويش هل الجمال

الام : فكري و بنرد عليهم عقب فلافة ايام

زينب : انزين

من طلعت الام برا ,و على طوول قامت زنبوو اتصلت الى محمد

محمد : الوو

زينب : لويش ما قلت ليي ان امك بتجي

محمد : مفاجأه

زينب :

و قعدوا يسولفوون << صدق ثنائي مصرقع

جا علي و وياه ندى

سمع علي صووت زينب تضحك فووول و تتكلم وي واحد يعني الكلام الي تقوله الى صبي

و قعد يتصوخ

ندى : علي ويش صاير ؟ لويش تتصوخ

علي : زنبووو بطلي الباب

زينب : محمد ,, باي

وقطعته

زينب : نعم ؟

و يقوم علي ويسطرها هداك السطار

علي : تتكلمين وي من ها,, حمودي هذا من يطلع

زينب :

ندى :

علي : اتحجى وياش انتين ,, هذا من

زينب : ما لك حق تضربني و تهيني قدام هذي

علي : هذي مرة اخوش وبنت خالتش مو غريبه لا تغيرين الموضوع هذا من لا اقتلش

زينب : ما ادري يلا روح ول

و توها بتدخل الحجره يقوم علي يستحمق و ياخدها و يطيح فيها ضرب

ندى : علي لا تضربها بس خلاص

علي : بتقولين من لو تبين ضرب بعد ؟

و زينب ما قدرت تتحمل الضرب هو ما ضربها واجد بس لانها واجد دليعه قامت طاحت دوره

ندى :

علي :

الام : علي ويش فيك واقف هني << ما تدري بشي كانت فوق

علي :

الام : زينب بتي قتلوها يمه ويييييييليييييييي على بتي ماااتت

قامت ندى تصبصب عليها مياهه و اوتعت

زينب :

علي : هكي اوتعت ودوها حجرتها

و شالوها و ودوها حجرتها

عقب مده

الام : انت لويش ضربتها بدل ما تبارك ليها وي على افادي تطيح فيها ضرب يا الخانس

علي : ابارك ليها على قلالة ادبها ,, لو على وقاحتها

الام : ويش صاير

علي : بتش ,, سمعتها تتحجى وي صبي و يوم قلت ليها تتكلمين وي من قامت سوت روحها طايحه دوره

الام : بتي زينب تتحجى وي صبي ,,, صاااااااقعه غمرتني

علي : هذي التربيه السنعه

الام : هي هاكي متقدم ليها صبي ويش ليها تحاجي صبي فاني من حاله

علي : من متقدم ليها ؟

الام : هاكو ابوك قول له يعلمك

الابو : ويش صاير

قالوا له السالفه

الابو :

علي : خوش تربيه

الابو : و انت مقتنع من الكلام الي تقوله

علي : اذا مو مصدقني روح سحب من عندها جلام و بتعترف

راح الابو وي زنبوو و زينب مسكينه تصيح

دخل وياها و قعد

الابو : صدق الي سمعته

زينب :

الابو : من اليوم ورايح ما في تلفون ... ولا طلعه من البيت ..فاهمه

زينب : ابويي اهييء اهييييييء

الابو : كل هذا يطلع منش يا زنوووب ما هقيتها منش

زينب : بس بس اهييييييييء

الابو : جيبي التلفون

زينب : عاد ابويي خله عندي

الابو : ما في عقب الي سمعته ما في ولا شي

زينب :

*********************************************

( 2 )

صار بيت حجي ناصر هديك الحزه معفووس الجده تصرخ مني تبغي يحطون ليها عشا و الام والابو و علي ضايق خلقهم و ساره برا وي خطيبها رايحين يتعشون و زينب ميته من الصياح

الابو : هكي ساره ما شفتها سوت مفل الي تسويه هل النحيسه هي

علي : انا للحين ما فترت حرتي فيها كل ما ادكرها جيفه تضحك عن بدي اقتلها

الام : بس انت اسكت مو كفايه فشلتها

ندى :

الابو : انا الحين خليتها بروحها هكي ميته من الصياح ,, تلفونها عندي و قلت ليها ما في طلعه

علي : تستاهل

عقب مده قاموا حطو العشا

الجده : ما هي حاله هي ,, كل ليله اني من زمان نمت و الليله حظنا على الله

الابو : اكلي اماه هكو حطيناه

الام : باروح باشووفها جان تجي تاكل ليها شي

راحت تطقطق الباب

زينب : اهيء من اهيء ؟ <<< مي قادره حتى تنطق بجلمه من الصياح

الام : اني يا خلف عمري بطلي الباب

بطلت الباب و دموووعها اربع اربع

الام : بس لا تقتلين روحش من الصياح ,, بخلصون دموعش وتالي بتعمين

و تقوم زينب تزيد في الصياح كأن قايلين ليها صيحي

زينب : اهييييييييييء اهيييييء

الام : يوو ,, امشي يا حبيبتي اكلي

قامت الام اخدت بتها وراحت وياها الصاله

علي : مسويه روحها كلش ,, الحمل الوديع

الام : انت يلا اسكت ما تشوفها حالتها حاله

الابو : علي بس اسكت

علي: ان شاء الله

و هناك مسكينه ندى تطالع في زينب

ندى : what

زينب : Crying or Very sad

الام : اكلي له

زينب : Crying or Very sad

الام : بسش من الصياح يووووو

علي : انتين ولاخير وياش كأن ماكلين حلال ابوها

زينب : انت اسكت اهييييييء

الام : علي لا تتحجى وياها فاهم

قام الابو اخد بته زينب وراح وياها الحجره

الابو : ممكن تقولين ليي السالفه كامل لان انا الحين مو فاهم شي بس اشوفش تصيحين ولا ادري على ويش

زينب : علي اهييء

الابو : ويش فيه ؟

زينب : ما خلاني حتى انطق بجلمه سيده جا وعطاني سطار و ضربني قدام ندى

الابو : لويش ضربش ؟

زينب : هو كنت اني اتكلم وي رفيقتي

الابو : اي

زينب : تالي الهي تقول ليي هاش كلمي اخويي الصغير حمودي

الابو : انزين

زينب : اخوها صغير عمره 3 سنوات وقعدت ادلعه حمودي حمودي ,, و هو حليو يعني قعدت اضحك على كلامه

الابو : بس ؟

زينب : اي ,, ما شفته الا جاي و ضاربني

الابو : يعني الغلط من علي جا منا والطريق و ضربش

زينب: اي

الابو : الحين اراويش فيه , شككني في بتي الحليوه المؤدبه و فوق هذا ضربش ,,, الحين بشوف

طلع الابو و هو مستحرق على علي ولده

الابو : علي

علي : ها ابويي

الابو : جيفه تفتري على اختك جدي و تضربها

علي : انا افتريت عليها

الابو : تدري انها ما كانت تكلم صبي على قولتك

علي : ها عجل تكلم عمتي

الابو : Evil or Very Mad

علي: و حمودي و الكلام الي تتكلمه الى صبي مو الى بنيه

الابو : اي كانت تكلم اخو رفيقتها الصغير اسمه احمد و تدلعه حمودي

علي : smile

الابو : لكن لو انت تفكر قبل لا تتهور و تسوي شي جان ما صار هذا كله من اساس

علي : انا ويش دراني ابويي من سمعتها تقول حمودي راح بالي الى شي فاني

الابو : ويش تبغاني اسويي فيك ؟ ها ؟

علي : Sad

الابو : روح استسمح منها الحين

علي : ان شاء الله ,, ما يصير خاطرك الا طيب

راح علي حجرة زينب

علي : زينب

زينب :

علي : سامحيني حبيبتي اختي ,, و حقش فوق راسي

زينب :

علي : هاش هذي خمسه دينار .. لان ضربتش

زينب :

علي : اخديها لا

زينب : جيبها

علي : سامحتيي ؟

زينب : تقريبا مو اكيد

جا الابو و اعتذر بعد الى زينب على انه شك فيها

الابو : سامحيني يا بتي ,, وهذا تلفونش

زينب : مسموح ابويي

الابو : قومي باروح وياش السوق

زينب : انزين

مريم : اني بعد ,, عجل باصيح اني بعد وباطيح دوره و عاملوني مفل ما تعامولنها

الابو : انزين ويش قلنا ’’ امشي انتين بعد

قاموا راحو السوق و استانسوا

و محمد هناك قاعد على اعصابه ما يدري ويش السالفه

قام اتصل ليها و هي في السياره

زينب : confused

الابو : هذا من ؟

زينب : ها ,, هذي رفيقتي مسكينه الي كنت اتكلم وي اخوها الصغير

الابو : اها ,, مسكينه ردي عليها

زينب : هي واجد تهدر و اني الحين باوصل السوق و لا ابغي امشي في الطريق واني اتكلم

الابو :

زينب : بقطعه

و قطعته

محمد : اكيد كان اخوها او ابوها صوبها

رجعوا الابو و مريم وزينب البيت

يوم فاني

الام : زينب ,, الحين على سالفة الصبي انتين موافقه لو لا ؟

زينب :

مريم : اي صبي ؟

الام : تعرفين محمد الي ويانا في السفر

مريم : اي ولد ام محمد اعرفه

الام : متقدم الى زينب

مريم :

الام : ويش فيش

مريم : محمد بيخطب زينب

الام : اي

زينب : ويش مو تارس عيونش ؟

الام :

مريم : لا بس يعني ,, استغربت شوي

زينب :

مريم : و انتين موافقه

زينب:

الام : سأل عنه ابوش قالوا عنه خوش صبي ,, و بعد هو معروف في الديره

زينب : اي

الام : ويش الحين موافقه لو لا ,, على ما تطلع الجلمه طلعت روحنا

زينب : موافقه

الام : افضل الصلاة و السلام عليك يا حبيــــــــــــب الله محمد و أل محمد كلللللللللوووووووووووووووشششش

مريم : عرست زنبوووو عرست

زينب : للحين ما صار شي

مريم : وجهش صار احمر

زينب : اوووووه

الام : حناش عجين زنووووب حناش عجين ,, واذا زفووش غلى رجلش لا تستحين

زينب : embaressed

مريم : ايوه ايوه

ساره : ويش صاير

الام : اختش بتنخطب

ساره : حلفوا زينب بتنخطب

الام : اي بتنخطب على ولد اخو رجلش ,, يعني رجلش يصير عمه

ساره : بعد

مريم : و اسمه محمد بعد

ساره : بعد

الام : smile

***********************************

( 3 )

وعلى فكرة رقم محمد مسجل في تلفون زينب باسم حنان
هع
ويش رايكم بالاسم؟
***********************************************************
اتصلت ام محمد عشان تشوووف رد زينب

ام محمد : شحوالكم

الام : حياش الله شحوالش

ام محمد : حياش الله , ها بشري ؟

الام : ان شاء الله موافقه

ام محمد : حصل خير

الام : تعالو الليله ,, وان شاء الله نحدد موعد الملجه

ام محمد : عقب الصلاه جايينكم

الام : انزين

ام محمد : يلا مع السلامه

الام : الله يسلمش

راحت الام تقول الى زينب

الام : زينب تعالي

زينب : نعم

الام : هكي ام المعرس متصله وقلت ليها تجي الليله هي و المعرس وابوه زين ؟

زينب : زين

الابو : بجون الليله ؟

الام : ايي مو تطلع عقب الصلاه لان بجي هو و ابوه هني

الابو : ان شاء الله

و زينب هي مستانسه و هي خايفه

راحت حجرتها وبطلت كبتها

زينب : ويش البس هذا لووو هذا ؟ امممممم

ساره : ويش عندش ؟

زينب : ساره اي احسن البس هذا او هذا ؟

مريم : اني بقول لش اي هو احسن ,, البسي الوردي

ساره : اي الوردي احلى

زينب : انزين ,, ساره سشوري ليي شعري

مريم : هي انتين مجنونه هذي مو ملجه هذا معااااادل

زينب : انتين روحي ويش فمهش

ساره : ويش فيها اذا سشورته

مريم : تسشوره الى من يا حظي ما بشوفها احد

ساره : اي بس بتشوفها ام المعرس له ,, واذا طلع شعرها يعني هههه يطلع ناعم و مرتب ما يطلع معفس

مريم : ويييي دلاعه

زينب : من فضلش انتين اطلعي من هني

مريم : بطلع بدون ما تقولين

زينب: يا فاك فك

و قامت زينب تحاتي و تجهز من عصر

انزين مريم قاعده تاكل جبس وعسكريم

زينب : اذا اكلتين هذا لا تفلتينه هني افلتيه في الخمام زين

مريم : لويش كل هل الاهتمام

زينب : احم احرص على نظافة بيتنا

مريم : لا والله تونا سامعين هل الخبر

زينب : مريموووو ما ليي خلق ها ,, اني مشغوووله

مريم : يمه بتنخطب وبتغربلنا

زينب : وييييي مشكل عاد

الجده : هذا ويش هل الريحه

الام : هه هذي ريحة البخور

الجده : مره ريحته قويه تدخل في حلقي ,, شيلوه من هنه

زينب : اماه انتين ويش عليش منها ,, خلي البيت يتبخر عدل

الجده : شيلووه دخل في بوزي اح اح

وقعدت تساااعل

زينب : والله حاله

ساره : بس خلاص شيلوه لصقت الريحه في البيت

بعدين اذن الاذان و زينب بسرعه صلت هل الصلاة العميه

زينب : اماه يلا

الام : ويش؟ ما لحقنا حتى نصلي صلاتنا

زينب : الحين بجون الاوادم له

الام : مو الحين ههههههه صبري الناس يصلوون حالهم حالنا

زينب : انزين

بعدين عقب ساعه طق الجرس

الابو : تفضلو ,, حيا الله من جانا

ابو محمد : الله يحيك

دخل محمد و زينب تطل من حجرتها

شافت محمد

زينب :محمد

ساره : زينب هكم جو

زينب : ادخل المجلس ؟

ساره : لا الحجره,, هناك ام محمد و خالته و فاطمه اخته

زينب : ايي

ساره : بس مو الحين تدخلين بعدين عقب شوي

زينب : انزين

قعدوا النسوان يسولفوون في سوالف مني و مناك تعرفون يعني مو ينطون سيده في الموضوع

و الجده مقعده وياهم و كلحين ما قالت (( ها ))


الخاله : وينهي العرووس بنشوفها

الام : ههههههه الحين بقول ليها

راحت الام الى زينب و هي هناك في حجرتها

الام : يلا زنووب امشي دخلي

زينب : انزين

الام : عدلي شعرش

زينب: هكو عدل له

الام : اي افصخي الشال لويش تلبسينه

زينب : استحي

الام : يلا بلا دلاعه افصخيه

دخلت زينب والام وياها

زينب : السلام

ردوا عليها : عليكم السلام

الجده تطالع في زينب

الجده : هذا حاط لش ديرم ؟ << ديرم يعني حمره

زينب :

ام محمد : ايه ,, ويش طلباتكم آمرو

الجده : احنا ما نبى شي ,, الرجال بأدبه مو بيزاته يمه

الام : احنا ما نبغي يعني نتشرط ,, و لا نبغي واجد ,, الف و 200 بس

ام محمد : اي,, محمد مستعد يدفع

الجده : اكيد مستعد يدفع ,, عجل جاي لويش ,, المفرووض ليي بيسات على كسار ايدي يعوضها ,, انتين ما تشوفين اذا واحد دعمووه و انكسر منه شي يعطوونه حقوق ,, اني بعد ليي حق و لا ببري دمته ليوم الموقف

الام :

زينب :

ام محمد : ايه بنعطيش ان شاء الله اذا الله احيانه

الجده : ويش قصدكم يعني اني باموت ؟

ام محمد : لا شرعنش ’’ انتين تبغين جم ؟

الام : لا تكلفون روحكم ما يحتاج

الجده بصرااااخ: ويش لا تكلف روحها ,, كسار ايدي مو بلاااااااااااااااش ؟

ام محمد : تبغين جم ؟

الجده : جان تعطوني 200 دينار

و تضرب ام علي نغزه الى ساره انها تطلع الجده

ساره : جدتي يبغونش في التلفون

الجده : من يبغاني ؟

ساره : عمي خليل

الجده : وي على عمري باقوم اشوف ويش يمبى

طلعت الجده وي ساره

الجده : وينهو التيلفون ؟

ساره : تعالي جدتي شوي

الجده : وين ؟

راحت ساره وي الجده حجره فانيه وقعدت وياها جان لا تفشلهم يا ها الربع

بعدين اتفقوا على كل شي

ام محمد : ان شاء الله الملجه ليلة الجمعه

الام : ان شاء الله

و هناك الرجال بعد اتفقوا و صار لازم الحين كلهم يطلعووون خخخخخخ

توهم بيطلعون الاوادم

الجده : تعالوووو

ام محمد : خير ؟

الجده : هاكم هل الگسام ,, بركه من المولد مفضل عندي

ام محمد : الله يغنيش

الجده : اي ’’ انتين بعد نبى نقول لش الله يغنيش ,, جان تعطوني بيسات كسار ايدي

ام محمد : ان شاء الله ما يصير خاطرش الا طيب

الجده : الحمد لله على كل حال ,, اني خاطري كل طيب

ام محمد : يلا مع السلامه

الجده : الله يسلمش من الشر

و اخيرا طلعو

زينب : انتين ويش في حبايبش ؟

الجده : حبايبي يمه ,, هداني اباكم تدفنوني صوب حبايبي

زينب : مخرفه ما عليش شره

الام : زينب عيب

زينب : اي عيب انتين , فشلتنا قدام الناس

الام يصوت خفيف : ما تفهم

الجده : اني ما افهم ,, لكن الشره مو عليش الشره عليي الي قاعده في بيتش ,, والي فيه خير يقول ليي تعالي ويانا جان انعل جنيزه ,, باروح بيت خليل ولدي ,, هناك كل من يحبني و يعزني ,, مرته و جهاله ما احد قال ليي ما افهم ,, بس انتون تزمرون عليي ,,, يلا

الام : عمتي ,, انتين مو من جم يوم تقولين مرة خليل كل تزمر عليش له

الجده : ها ؟ لا ما زمرت عليي ,, وحتى لو تزمرت لان فالصه ولدها فلصه و صارت زرقه و مسكينه استحمقت عليي و تزمرت ,, يعني ما تزمرت قالت مو عدله عليش يا عمتي تفلصين جاهل

ساره :

الام :

زينب : انتين مخلوقه من ويش امبى اعرف

الجده : مخلوقه من طين ,, ما شفتين ابليس ما سجد الى ادم لان ادم من طين و هو من نار ,, طاح حظه يقول انا من ناااااار اسجد الى واحد من طين ,, قلاعه الي من طين احسن منه

زينب : اففففف

ساره : بس خلااص ,, الحين الملجه ليلة الجمعه

الجده : لاني حاضره ملجتها ولا ملجة الي كسر ايدي

زينب : صدق ,, وا فرحتاااااااه

*************************************

( 4 )

عقب ما طلعوا الاوادم ,, قعدوا بيت حجي ناصر يصفقون ويغنون

الام : هذا المبارك بينهم لا فرق الله بينهم ,, كللللللللللللوووووووووش

ساره : مباركين عرس الاثنين ليلة ربيع ليلة قمرا

مريم : عرست زنبو باركو اليها ,, عرست زنبو باركو اليها ,,

زينب :

الام : الحين ليلة الجمعه الملجه له

ساره : اييي

الام : روحي يا مريم جيبي ورقه وقلم خل نكتب اسامي المعازيم

مريم : انزين

قعدت الام تكتب المعاااااازيم و المعارف كلهم

ساره : كتبتين بيت زليخه ؟

الام : ده نسيت زين ذكرتيني

زينب: اماه ,, كتبي بيت رفيقتي ابرار

الام : اي كتبت ,, باجر باروح بعزم

زينب : الحين متى باجهز اغراضي باقي يومين عن الملجه

ساره : ايي بنروح باجر من الصبح

زينب : انزين

جت يوم فاني الصبح و راحوا السوووق و اتأجرت فستان كشخه لونه احمر للملجه و مشمر احمر مطرز من فوقه لتحته ويييييش حلاوته ,,, و تأجرت وياه قبقب الي يحطونه فوق راس العرووس من ذهب

بعدين راحو الصالون عشان تحجز الى ليلة الملجه

ساره : خلاص خلصنا ؟

زينب : اي

رجعوا البيت العصر الساعه اربع و هم طالعين من 10

و جوا محملين بأغراااض و اجيااااس

الام : باااشووف هل الخيرات

مريم : اني بعد باشوووف

زينب : يا علي تعبانه ,, هاكم شوفوا اني باروح الحجره برتاح

الام : حلاااوة هل المشمر مره حليو

ساره : اي هذا حق ليلة الملجه

مريم : الاااااااااااي حليو القبقب بلبسه

ساره : خليييه لا تشوفش زينب تضربش


راحت زينب فوق حجرتها و توها داخله

زينب : اووووووووه صحي نسيت سفرة العجم من وين اجيبها الحين

ردت طلعت زينب ,,

زينب : سااااره

ساره : ويش صاير ؟

زينب : سفرة العجم نسيناها

ساره : لا ما عليه ,, اني عندي وحده مالت ملجتي له

زينب : اشووه ريحتيني

توها بتدووور بترجع الحجره و تشوووف مريم لابسه القبقب و شاگه البوز من الفرحه

زينب : مريم شفتش ,, حطيه مكانه الحين

مريم : انزين صايره مغرووره على حساب بتنخطب

الام و ساره : هههههههههههههههه

زينب : كيفي

ساره : امشي شيليهم وياش مره وحده

الجده : هذا وي ؟

زينب: بل هي من وين جت

الجده : جايه من التسموووع ,, حتى التسمووع ما تبونا نروح

الام : لا مو قصدها جدي

الجده: هذا مشمر من هل الحليو ؟ مفل مالي يوم عرسي ,, هديك اليوم كان عمري 14

الام : ايي ههههههههه ,, هل المشمر مال زينب

الجده : ايه مره حليو ,, بس ما تستاهله

زينب : سكتي انتين عجوز النار

الجده : علايل علتش ,, وينهي مريم اهو بعطيها الگسام باحرش

الام : ويش صايرعمتي لويش عاد

الجده : عجل تزمر عليي و ما تسويي فيي سوايه و تبيني احبها مفلات ما احب ساره و مريم

الام : بس خلاص صلوا على النبي

الجده : اللهم صلي وسلم على محمد وآل محمد ,, الا بس هي يعني تقهرني

زينب : اني ما ليي خلقش ,, باروح انام احسن ليي

الجده: نومه بلا قعده

ساره : يو جدتي لش كل هل الدعاوي

الجده : سليمه تصفعكم كلكم ,, هداني باروح حجرتي و خلكم تستانسون

المهم

زينب دخلت الحجره ووقعدت و الا محمد متصل ليها

زينب : الوووو

محمد : هلاا زنووووب

زينب : هلا فيك شخبارك

محمد : انا زين لا ,, صار ليي يومين ما تكلمت وياش

زينب : اني بعد اشتقت لك و الى سوالفك و الى صووووووتك

محمد : يا عمري ,,

زينب :

محمد :

زينب : امس شفتك ,, انيق

محمد : حلفي

زينب : والله ,, كنسلت على القمر

محمد : لهدرجه

زينب : اي

محمد : باقي ليلتين و نملج

زينب : اي

محمد : صحي للحين صورتي عندش؟

زينب : اي ,و من اتملل اطالع فيها و يروح الملل

محمد :

زينب : هداني اسمع صوتك واشوووف حلاوتك في الصوره

محمد : صدق ,, خساره ما عندي صوره حقش

زينب : ليلة الملجه بعطيك صوره حقي

محمد : انزين ,, باحطها في فريم و بحطها صوبي

زينب : اني حاطتنها في بوكي

محمد : ,, يلا زنووب انا بقووم

زينب : وين ؟

محمد : اخواني مبلوشيني قالوا ليي اذا بتخطب لازم تودينا محل العاااب ,, لان انا وعدتهم اذا بخطب اوديهم

زينب : اها ,, اي الرجال عند كلمته ,, يلا روح ودهم

محمد : مع السلامه

زينب : الله يسلمك ,, تحمل بروحك

محمد : ان شاء الله

و سكروا التلفوون

عقب شوي ما شافت زينب الا مريم جايه ليها تركض

حتى الباب ما طقطقته

زينب : وي .. و ويعه ويش فيش مصرقعه جدي ؟

مريم : توني شايفه محمد يمشي في السياره وياه فاطمه و حسين و ايمان

زينب : انزين

مريم : و شافووني رايحه اشتري و سلموا عليي ,, ها و تالي قالوا ليي تبين تجين ويانا محل الالعاب

زينب : تالي

مريم : قلت ليهم اي ,, قال ليي محمد اركبي ويانا ,, قلت ليه لحضه بسأل امي و بقول الى ابويي عشان يعطيني بيزات

زينب : كملي

مريم : والحين امي وافقت و ابويي عطاني بيزات

زينب : صدق مجنونه ,, روحي يحارسونش له

مريم : ادري يلا باااااااي

راحت زينب على طول صوب الباب عشان تطل تشووف محمد

الام : زينب وين بتروحين ؟

زينب : ها ما بروح مكان

الام : ..

زينب :

الام : بس اختش مريم بتروح لانها جاهله

زينب : ادري اني ما ابغي ارووح

الام : ادري عنش ,, تبغين تشوفين الـــ.....

استحت زينب على حدها و رجعت حجرتها و متفشله

المهم ركبت مريم وياهم

ايمان : الاااااااااي مريم بتجي ويانا

محمد : شحوالش مريم

مريم : زينه

حسين : انتين لويش جايه ويانا ؟


ايمان : احنا قايلين ليها

و قعدوا الجهال ورى يهدرون واااااااااااجد و لاهم راضيين يسكتون ,, وجان زين حجيهم فيه فايده الا كل هرار

مريم : ايمان ,, تدرين انا احنا بنصير نسبه

ايمان : ههههههههههه اي

و قعدوا يطالعون في محمد وهم يضحكوون ,, صدق جهال

محمد : ويش صاير

ايمان : ما في شي

مريم : ايمان ,, تدرين انا اني باصير بت عمش

ايمان : اييييي صدق

محمد : من وين جبتين هل الشلخه مريم

مريم : صدق محمد اذا عرست على زينب بتصير انت ولد عمي

محمد : لا مريم مي سهله ,, طلعت تفلت صواريخ بعد

فاطمه :

ايمان : لا والله .. مريم ما عندها صواريخ ولا تفاگه

مريم : تالي بانادي عليش في المدرسه :: يا بت عمي ::

ايمان: اني بعد باقول ليهم هي بت عمي

محمد : هي انتون مجانين ؟ بس انا اقول الى زينب بت عمي

فاطمه : ويش عليك منهم ,, لو تشرح ليهم ما بيفهموون

تالي مروو على ماگدونالز

محمد : تبون اسكريم ؟

ايمان : اي ابغي فلافه

محمد : .. في الرجعه بنشتري

فاطمه : لويش ؟ عقب ما شفيتهم

محمد : عشان نشتري الى زينب

ايمان و مريم :

*********************************************

( 5 )

بعدين راحوا الجهال يلعبووون و استانسوا هناك في مكان اللعووب

و في الرجعه

ايمان : محمد اشتر لينا اسكريم انت قلت في الرجعه

محمد : ادري,, تبغين على ويش . ؟

ايمان : امم ابغي على كاكو

مريم : اني بعد

محمد : وانت حسين على ويش

حسين : انا ابغي مفلك

ايمان : اما حسين قليد كل يقلد على محمد

مريم : ايي

فاطمه : اني ابغي عادي على فانيلا

محمد : زين

قام محمد اشتى ليهم من ماگدونالز العسكريم الحلوو

و اشترى واحد الى زينب

و راحوا بيوصلون مريم

محمد : هاش الاسكريم اعطيه زينب

مريم : باخده

محمد : فدمتش

مريم : زين زين ,, اني اخاف اذا واحد يقول ليي في دمتش

محمد : في دمتش في دمتش اذا ماعطيتينه اياه

مريم :

فاطمه :

دخلت مريم البيت

الام : استانستين هناك ؟

مريم : ايي واشترى لينا اسكريم

الام : اكليه له لا يذووب

مريم : هذا مو ليي الى زينب

الام : مشترينه ليها

مريم : اييي

زينب : ويش صاير

مريم : هذا من عند محمد ,, اخديه

زينب :

الام : اكليه مشترنه لش

راحت زينب حجرتها و هي مستحيه هههه

مر اليوم بالنسبه الى محمد و زينب و اخيرا بتجي ليلة الملجه

مريم : امــــــاه ,, هاكو ابو محمد يطق الجرس

الام : قولي الى ابووش ,, اكيد جايبين القدعات

راح الابو و علي يدخلون كوارتين كوارتين من الفواكه و المكسراات و الكيك و و و .....

مريم : اكل واجد

الام : هذا للقدووع مو للعبه

مريم : اني بارووح اكل

زينب : اماااااااه تعالي شوفي

الام : ويش

زينب : المشمر احطه جده لو جده << و زينب معدله و مكيجه توها راجعه من الصالون

الام : جده احسن ,, بس مو من الحين تلبسينه ,, هو الشيخ للحين ما جا يا بتي

زينب : ادري بس اجربه

الام : حلاوة بتي هل القمر

زينب :

علي : اماه ,, وين ساره ؟

الام : رايحه تجيب سفرة العجم


ساره : هكو جبت كل ما يلزم الى سفرة العجم ,,

مريم : باشوف

زينب : مو الحين

الام : جيبي باجهزها

بعدين راحوا يبخروون البيت و يعطروونه ويجهزوون و البيت صاير فوضه شوي يعني

الابو : وين زينب ؟

الام : هكي داخل ,, جو بيت المعرس ؟

الابو : هكم جو و دخلتهم المجلس

الام : من منهم جا ؟

الابو : جو بس رجال

الام : ده و النسوان ما بجون له

الابو : لا

الجده : ويش هل الحاله الدگره صايره هنه

الام : عمتي امشي قعدي

المهم دخلوا الرجال كلهم في المجلس

ساره : جا الشيخ

الابو : اي جا ,, امشوا دخلوا الحجره هكو هناك الشيخ

الام : انزين

علي : انتون ولاخير وياكم الشيخ يحارس

الخاله : شحوالكم

الام : حياش الله ,, امشي هدحنا بندخل الحجره بيملج عليها

زينب :

الام : ده ,, تصيحين ليلة ملجتش

زينب : اخاف

الام : يلا بلا هرار امشي

مريم : اني بدخل

علي : ان شفتش داخله الا اقتلش

مريم :

بعدين دخلت زينب و وياها الخاله والام و ندى و ساره

و هي تنتفض مي قادره من الخوووف

الام تساسرها : لا تصيحين لا يتخرب مكياجش

تالي قعدوا وهناك الشهود و الشيخ

الشيخ : وين البطاقات السكانيه ؟

و عطوه البطاقات السكانيه و زينب خايفه باقي وي و تصيح هههههه

و بعدين ملج الشيخ عليها

الام : كللللللللللللللللللللللللووووووووووووووووووووووووو
ووويييييييييييييييييي

الخاله :كلولولوووش

ساره :

ندى :

زينب :

بعدين الشيخ راح المجلس عشان يعقدون على محمد

و عقد على محمد

الشيخ : بالمبارك

محمد : الله يبارك فيك شيخنا

و الرجال يسمعون الجباب و الصفاق و لا بعد يتقمزون

بعدين قعدوا الرجال يباركون الى محمد و على ما طلعوا ساعه تقريبا

ام محمد : بالمبارك يا حبيبي ,, قوم عشان تشووف العرووس في الحجره

محمد :

قام محمد عشان يروح الحجره الي فيها زينب

محمد : يا الله

ام محمد : تغطوا بيدخل المعرس

الام : حياك الله دخل

و من دخل محمد كل النسوان الي هناك قعدوا يجببون

و زينب مغطيه بالمشمر الاحمر المطرز

و محمد مو عارف ويش يسويي مرتبك

ام محمد : اقعد يا حبيبي ,, يلا شيل المشمر من عليها

و هناك النسوان كلهم

شال محمد المشمر و هو مستحي و زينب بعد مستحيه على حدها

و يوم شاله قعدوا يجييون كللللوووووووووووووووووووووووييييييييي و يصوررروونهم و يصفقوون ويتقمزوون و يغنوون ,,

زينب :

الام : اللهم صلي و سلم على محمد وآل محمد << عشان لا يحسدونهم له


ام محمد : زنووووب دللوها دللوها ,, بغت محمد عطوها عطوها

مريمو ايمان : عاااااااااااشو يا سلااااااااام

الجده : اهو صوروني وياهم

و راحت مسكينه صورت وياهم

الجده : بالمبارك الله لا يفرق بينكم ان شاء الله

ساره : ان شاء الله

و قعدت الجده تغني و النسوان يصفقون وياها

الجده : جل جلال الله ,, الله اكبري ما في جمال الخلق شرواك يا علي
مرت على التينه و التينه ما اثمرت ,, اثمر بها الرحمن كرامه لعلي

الام: صلوا على احمد اي والله ,, يا حاضرينه

مريم : اي والله

الام : نور تشعشع اي والله بأرض المدينه اي والله اي والله

و زينب و محمد يطالعون بعض بعيون وحده و مستحين

**********************************************

( 6 )

بعدين عقب ما صفقوا النسوان و جببوا طلعوهم برا وخلو العروسين بروحهم

ام محمد : يلا خلوهم بريحاتهم

الام : اي يلا اطلعوا برا اكلوا قدووع يلا

مريم : اني ماني طالعه

الام : اطلعي لا احوسش فلصه

مريم : ابغي اشوفهم

الام : هدنتين شايفتنهم ما شبعتين ؟

مريم : لا

ام محمد : امشي يا حبيبتي خلهم يقعدون بروحهم امشي

مريم :

بعدين كلهم طلعوا برا يصفقون على المعاريس و ياكلون القدووع

و محمد و زينب بروحهم في الحجره

عم الصمت لمدة 5 دقايق

بعدين محمد نطق بجلمه

محمد : شخبارش

زينب : زينه

محمد : دووم

و ردوا سكتوا بعد ,, مساكين ما عندهم سوالف و يستحون من بعض

مسكين محمد في موقف محرج لازم هو الي يبدي الكلام

محمد : صايره حليوه زنووب

زينب :

محمد : قمر

زينب :

محمد : ويش فيش ما تتكلمين

زينب : ويش اقوول

محمد : تستحين مني

زينب : هههههههه

بعدين صارت الاجواء عاديه يعني اشوى ,, صاروا يتكلمون شوي وي بعض

المهم بعدين قام محمد عشان يطلع له

محمد : يا الله,, يا الله

ام محمد : تعال يا حبيبي .. مش طووف

طاف محمد و طلع راح بيتهم خلاااااص

بعدين نزلت العرووس تحت الصاله و قعدوا يغنون عليها

الام : يا نسمات لو لو يا نسماته ,, رسول الله يا محلى وجناته

الخاله : كلللللللللووووووووووووووووووووووووووووووييييييييي ..

الجده : شيل الله يا ابو الحسن شيل الله ,, شمس ردت لعلي عقب الصلاه

مريم : عاشوا .. عاشوا ,, عاشوا و الله.. عاشوا

خلصت حفلة الملجه و جت الليل و كل من راح بيته بيته امه وابوه في خيشه هههههه

ساره : زنوووب مبررروووك

زينب : الله يبارك فيش عمري

ندى : متباركه زينب

زينب : الله يبارك فيش

مريم : اماااااااااااااااااااااه

الام : وييي ؟

مريم : خلصت الحلوى الحمرا ماني ماني

الام : فيه واااجد يا المقرووده

مريم : ادري بس ما في الا خضران

الام : ويش الفرق يعني .. امشي نامي بسش اكل و حلاوه

مريم :

راحوا بيت حجي ناصر يناموون ,, و زينب بعد راحت تبغي تنام

توها بتنام الا محمد متصل ليها

زينب : هاي

محمد : هايات

زينب :

محمد : اليوم شفتش قمرررررر ,, زين ما طحت دوره من جمالش

زينب : هههههههههه لا تبالغ ,, بسم الله عليك يا عيوني

محمد : لا صدق ,, كنتين قمر ليلة تمامه

زينب : انت بعد جميل ,, صاير عسل بالبدله الي عليك

محمد : عجبتش ؟

زينب : اييي لونها حليو ,, اقول لك ذوقك حلو مثلك

محمد : شكرا من ذوقش الحلو

زينب :

محمد : ضحكتني مريم اختش اليوم

زينب : ههههه هبله

محمد : حتى اذا تصفق ربشه

زينب : ايييي

محمد : مو ياني نووم ,, انتين تبغين تنامين ؟

زينب : لا لا ,, ابغي اسولف وياك

محمد : سجلت اسمش في تلفوني تدرين بأسم ويش ؟

زينب : شنو

محمد : حبيــــــــبتي

زينب : ,, عجل اني بعد بسجله بأسم حبيبي

محمد : تذكرين يوم اتصل لش اول مره و اقول لش ابغي اتعرف ؟

زينب : ايييي ,, واني اقدر انساها

محمد : اي .. شوفي شلون الله مكتب لينا ان نلتقي و يجمعنا مع بعض يا عمري

زينب : اي ,,

محمد : زينب

زينب : نعم عمري

محمد : انا ,, امووووووووووت فيش

زينب : و اني اكثر يا زوجي و حبيبي و سندي و مالي و هلي و ناسي

محمد :

المهم قعدوا يسولفون ,, واجد مستانسين بعض و بعدين ناموا

قعدت زينب الصبح

الام : هلا بالعروووووووس هلا .. صباح الخير

زينب : صباح النوور

مريم : لويش توش قاعده

زينب : توني قاعده

مريم : قعدتين تتكلمين وياه مو ؟

زينب : اوووو يلا سكتي

الام :

عقب مده ,, جا علي و ندى

علي : هاش مريم اخدي هل الكيكه

مريم : الااااااي من وين ,, حلوه

زينب : و اني ؟

علي : في طلعتي ببامر و بشتري لش و ليها زين ؟

زينب : اي اني ليي فنتين و مريم وحده بس لان هي توها ماخده

مريم : لييييييييييييي؟ اذا انتين فنتين اني فلاف

زينب : شوفي مريم ,, ما يصير تاخدين اكفر مني

ندى : زينب ويش فيش كأنش جاهله ,, تتهاوشين على حساب كيكه

زينب : انتين من حشرش في الموضوع

ندى : لا بس يعني ما يحتاج كل هل الهواش قلنا مريم جاهله تصيرين مثلها انتين الكبيره

زينب : يعني اني جاهله ما افهم ها

ندى :

زينب : مالت عليش ,, حماره

ندى:

الام : زينب ويش تقولين ؟

ندى : تقول ليي حماره

زينب : اني قلت حماره ؟ جذااااااااابه

ندى : عجل ويش قلتين ؟

زينب : اني اقول لش على ,, هل الحمره يعني حمرتش مو عاجبتني

الام : حمرتها ويش حلاوتها لونها وردي

ندى : تجدب هي قالت ليي حماره ,, حتى هديك المره قالت ليي كلبه

زينب : يا علي ,, وزززززز طاح السقف من الشلخ ,, اني قلت كلبه لش؟

ندى : اي

زينب : جدابه ,, كنا قاعدين نتكلم عن الكلاب سندويش ,, مو هو فيه اربع قطع له يعني جمع اسميه كلاب ,, بس الوحده اسميها كلبه قلت ليها تحبين الكلبه ؟ ,, الهي تقول اني قايله ليها كلبه << كله شلخ في شلخ

ندى : من وين تطلعين هل الهرار

زينب : انتين اصلا ام هواش

علي : الحمد لله والشكر ,, وحده يوم فاني من ملجتها تتهاوش

زينب : ادب مرتك ,, هي الي بدت

ندى : علي ,, بس خلااص ماني قاعده هني

الام : يووو قعدي يا حبيبتي قعدي

ندى :

*****************************************

( 7 )

بعدين عقب ما زعلت ندى

ندى : علي ابغي ارووح بيتنا

علي : انزين ,, امشي و لاتزعلين ,, وانتين زينب هي اخر مره لشش تتعلفين ها

زينب : انتون عميااان ما شفتونها يوم تتعلف بي ,, بدل ما تدافعون عن العروووس تدافعون عن هل الـــــ....

ندى : اي كملي سبيني اكثر

زينب : والله اني مؤدبه مو مفلش اسب كل من هب و دب

علي : بـــــــــــس خلااااااااااااااااص ,, امشي ندى

راحت ندى وي علي

الام : انتين يا زينب بدل ما تصيرين ناعمه و هادئه تقومين تتهاوشين

زينب : يعني الي يدافع عن حقه يتهاوش ؟

الام : انزين ,, بس خلاااص الحين انتين عرووس ,, لا تصيحين

زينب :

مريم: الله الله يا عبد الله ,, يدلعونها بعد

زينب: اي طبعا لاني عروووسه

مريم : والله فناتك انتين ,, عرووسه وتتهاوشين .؟

زينب : اوووه يلا انطمي ,, كريهه

الام : ما قلتين ليي ,, متى بتروحون تتسوقون و تشترون اغراض الخطوبه ؟

زينب : ما ادري يمكن باجر ارووح احجز صاله و فستان و صالون

الام: ايييي

ساره : و طقم الذهب ؟

زينب : ما ادري يمكن بعد باجر

الام: اي له ,, لان ما باقي شي عن الخطوبه كلها سبووع

مريم : وا اني مره فالفه بشتري فستان بعد

الام : هل الحاله وي ,, كل مره نفنوووف

ساره : عاادي , هي ليلة عمر

زينب : ساره ,, ويش اخذ لون فستاني

ساره : مو اني الي تسأليني اسألي رجلش

زينب : اوكي عجل

مريم: بياخد لش لون ازرق غامق

زينب : وي ,, اصلا هو ذوقه كشخه

الام :

راحت زينب تتصل الى محمد

محمد : هلاا

زينب : هلا حمودي ,, شخبارك

محمد : زيــــــــــــــن ,, انتين شخبارش

زينب : دام انت زين اني زينه

محمد : دووووم

زينب : محمد

محمد : عيون محمد

زينب : ابغي لون حليو من ذوقك حق فستان الخطوبه

محمد : انا اختار ؟

زينب : اي

محمد : اخدي لون وردي

زينب : الااااااااااي ,, حليو الوردي

محمد : خلاص عجل اخديه

زينب : اكيـــــــــد باخذه مدام انت مختارنه

محمد :

زينب : اقووول

محمد : قولي حبيبتي قولي

زينب : ويش رايك باجر نروح ناخد الفستان و ... و ....و ...

محمد : اوكي ,, امرش يا حلوه

زينب : و بناخد طقم الذهب

محمد : و الدبل

زينب : اي

محمد : تعالي بسألش ,, تقول اختي ليي ليلة الحفله البسش الطقم صحي ؟

زينب : اي عجل ويش تحسب

محمد : احسب انتين تلبسينه

زينب : يا علي على الجمال و البراءه

محمد : يعني بلبسش السلسله

زينب: اي حتى التركيه تلبسني اياها

محمد : بعد .؟

زينب : اي

محمد : خخخخ ,, تالي بنشرب بعض العصير هههههههه

زينب: اي

محمد : و بنصور في الاستديو

زينب : اي ..

محمد : بعد ويش

زينب : وبنقص الكيكه

محمد : اي خخخخخخ

زينب :

بعدين قعدوا يتذكرون كل شي و يهدرون وي بعض

و الحين بقولون عن يا حسب باي

زينب : يلا باي

محمد : باي

زينب : باي

محمد : باي
زينب : ,, ما قادره اقطعه في ويهك

محمد : عجل بنحسب من ا الي 3 و افنينه بنقطعه في مره

زينب : اوكي

محمد و زينب: 1 2 3

و قطعووه في مره

زينب :

محمد :

طلعت زينب برا الصاله

و ينطق الجرس

راحت تفتحه

زينب : من ؟

ابرار : هلااااا

زينب : هلااااااا ... شخبارش

ابرار : تمام , انتين شخبارش

زينب : بخير ,, تفضلي دخلي حيااااش

ابرار : مبروووووك ,, سامحيني البارحه ما قدرت اجي لش

زينب : يا الكريهه لويش ؟

ابرار : كان راسي يعورني ما قدرت اجي

زينب : عاد حتى اتصال ما تتصلين

ابرار : بعد

الام : ابرار شحوالش

و قعدوا يسلمون على بعض

مريم : ابرار متنانه

ابرار : ويش اسويي بس آكل

مريم : بسش اكل

زينب : شوف من يحجي ,, خذ اسمك وسميني به

مريم :

زينب : هي الي تشوفينها ما تخلي شي ما تاكله ولا تمتن

ابرار : اي هي مفل اخويي

زينب : انزين مريم قومي اطلعي برا

مريم : لا والله ,, هي مي حجرتش جان اطلع

زينب : عجل ابرار قومي تعالي حجرتي احسن

مريم : هي انتين ... ابرار مي ابرارش

ابرار :

زينب : لكن رفيقتي

بعدين راحوا الحجره و قعدوا يسولفوون

ابرار : اوه اوه حتى لون الفستان خليتينه ياخده بعد

زينب : اي

ابرار : زينب انخطبت

زينب : ويش فيش

ابرار : لا يعني ماني مصدقه

زينب : الفال لش يا ربي

ابرار : ان شاء الله

زينب : ليلة الخطوبه خلش ما تجين بتشوفين ,, في صالة ...... اوكي؟

ابرار : انزين بس ليلة ويش

زينب : ليلة الجمعه

ابرار : يصير خير

و هم يسولفون و الا بتلفون زينب

زينب : محمد جايب ليي مسج

ابرار : الله الله ,, اقرأيه

زينب : هههههههه يضحك المسج شوفيه

ابرار : قوليه

زينب : على قولة الشاعر : الدنيا شمحليها ...؟ قالو وجووود زنوووب القمر فيها

ابرار : كشخه كشخه ,,

زينب : بطرش له مسج

ابرار :

قامت زينب طرشت له مسج

وصله المسج

محمد قعد يقرأه

ممكن تبتسم؟
Please
وغلاتي
فديت هالبسمه عساها ما تفارق شفاك


ممكن تغمض عيونك دقيقه؟
فديت عيونك
شفت الظلام؟
هذي حياتي بدونك!

محمد : عمري هل القمر

بعدين رد طرش ليها مسج صارت لعبه هي

وصلها المسج

و قعدت تقرأه

صدقني ما حبيت غير اربعه :

همسك ,, ضحكتك ,, قلبك ,, و حرووف اسمك

زينب : حليو المسج

ابرار : اي فن ,, الله على الحب

*********************************************

( 8 )

يوم فاني مر محمد على زينب عشان يروحون يختارون الاغراض الي للخطوبه و وياهم ساره

انزين الحين بيركبون السياره ,, و زينب تركب قدام

زينب : السلام

محمد : عليكم السلام

ساره : شحواك محمد

محمد : بخير الحمد لله

و بعدين مشوا راحوا السوووق

في السياره

ساره : محمد نبغي نرووح ........... عشان نحجز فستان تدليه ؟

محمد : اي لا

ساره : اشوى عجل

و زينب طول الوقت ساكته

و صلوا المكان الي ياخدون منه الفساتين

و نزلت ساره و زينب

دخلوا و هناك الفساتين الكشخه معروضين

زينب :

ساره : اختاري

زينب : صبري باشووف توني داخله

البنيه الي تشتغل : من العروس .؟

زينب : اني

البنيه : خطوبه او زواج ؟

زينب : لا لا خطووبه

البنيه : عجل تعالي هني و بتلاقين فساتين توها نازله اخر موضه

راحت زينب و شافت انواع و اشكال من الفساتين الكشخه

و طاح عيونها على فستان وردي ,, هي ناويه تاخد وردي لا

زينب : باخد هذا عجبني

ساره : اي ,, حليو

و بعدين قعدوا يتكلمون وي البنيه عن الاجار و حاله

و حجزت ليها الفستان الوردي

بعدين ركبوا السياره

ساره : الحين تبغون تروحون وين ؟

زينب: ابغي اروح احجز صالون

محمد : اوكي

و وداهم و حجزا ,, وبعدين بعد راحوا حجزوا صاله و استديو للتصوير

و كل الاجراءات كملوها , وبقى عليهم يروحون سووق الذهب و يا عيني على الذهب

دخلوا المكان و وياهم محمد عشان يختارون الطقم و الدبل

ساره : يلا يا محمد انطق بجلمه ,, هي تحارسك تختار

محمد : انا عجبني هذا

زينب : اي واحد

محمد : هذا

ساره : الله الله ذوقك يا محمد مو سهل

زينب : حليو ,, عجبني

ساره : اكيد بيعجبش مدام مختارنه محمد

زينب :

محمد :

بعدين اخذوا الطقم و خلصوا المشواار و رجعوا البيت تعااااابه

و صلوا البيت

ساره : مع السلامه

محمد : اله يسلمش

زينب : مع السلامه

محمد : الله يسلمش

و دخلوا البيت ,, في دخلتهم هناك الجده

الجده : رحتون و جيتون و ما اخذتون الا هل الجيس بس ؟

ساره : رحنا كل نحجز ما نشتري ,, بس اشترينا ذهب

الام : باااشووف الطقم

زينب : ها

الام : حلاااااااوته ,, يبرق ,, اللهم صلي على محمد وآل محمد

زينب :

مريم : هاويش صاير ؟

زينب : مشتريه طقم الذهب

مريم : باشوفه , بلبسه

الام : وي ؟ هذا دون لأختش

مريم : احسب ليي

ساره : يا علي على الهباله

الام : يلا يا خلف عمري خشيه اهو

زينب : انزين

الام : اسمعي ,, متصله خالتش مستحمقه عليش

زينب : من ويش ما تستحمق عليي و السوسه فاره مخها عليي

الام : لا تقولين سوسه

زينب : الا سوسه و نص

علي : من هي السوسه ؟

زينب : مرتك

علي : مي سوسه ,,ندى طيبه اطيب منش و احسن منش

زينب : شفتين اماه ,, ندى سيطرت عليه و فرت راسه بعد ... تالي بتفر راسه عليش ,, جاينش الدور

علي : هي انتين حدش ها ,, انا محترمنش لانش على ذمة رجال جان من زمان كفختش هني

زينب : اذا مسيتني بتشووف

الام : بس روحي حجرتش ويش هل الحاله ,, و انت علي اسكت

علي : انا اصلا بطلع الحين

زينب : اطلع ,, ابركها من ساعه

و هم جدي و يرن تلفون زينب محمد متصل

تقوم زينب تروح حجرتها

مريم : هذا اكيد محمد

الام : و انتين ويش يهمش خليها ولا تراقبينها

مريم : اني ويش قلت يمه

ردت زينب على التلفوون

زينب : الوو

محمد : هلا

زينب : هلا و غلا

محمد : هههههه عجبش صدق الذهب .؟

زينب : ايييي لان انت مختارنه

محمد : انا اصلا ما اعرف شي بس قالت ليي اختش اختار شفته في ويهي و اخترته

زينب : و لو , بس لانك اخترته عجبني

محمد : اسمعي ,, الليله نبي نطلع

زينب : انزين ,, وين بنروح

محمد : السينما

زينب : اوكي

محمد : بمر عليش الساعه 9 ,, ويش تبغين تطالعين ؟ يعني تبغين كوميدي , رومانسي , اكشن , رعب ويش تبغين ؟

زينب : رومانسي

محمد : انزين

و قعدوا يهدروون واااااااااجد ,, ولا يشبعون من بعض مساكين بحسدهم

تالي بألف وقعه سكرو التلفوون

طلعت زينب برا

الام :

زينب :

مريم : باروح وياكم

زينب : ويش دراش بنطلع ؟

مريم : سر المهنه

زينب : قولي تصوختين

مريم : اي

زينب: هذي اخر مره لش تتصوخين

الام : مريم ,, مره فانيه لا تتصوخين فاهمه

مريم : لويش

الام : عيب

زينب : والله

الام : وين بتروحين زنوب الليله وي خطيبش؟

زينب : السينما

الجده : ها ,, السينما ؟ حرررااااام ,, لا تروحين و تطالعين مناكر

زينب : يلا عاد ,, ويش يسكتها

الجده : لا تروحين

زينب : مو على كيفش ,, بروح وي خطيبي مو بروحي

الجده :

الام : عادي يا عمتي

الجده : خلكم ,, اني امرت بالمعرووف و نهيت عن المنكر ,, ما يهمني

***************************************

( 9 )

جت الليل و قعدت زينب تجهز و تتكشخ ,, بتطلع وي الحبيب هع

و قعدت تحارسه

و محمد في الطريق جاي ليها

وصل محمد و قعد يضرب هرن احم

طلعت زينب و ركبت السيااره

زينب : هااااي

محمد : هااااياات

و قام محمد يمشي السياااره و حط اغاني

محمد : هل الاغنيه اذا اسمعها اتذكرش

زينب : ههههه ليش

محمد : ما ادري ,, ايام التلفونات وياش كل اسمعها

زينب: ههههههه

محمد : لان الحب فطر قلبي شسوي

زينب :

و قعد محمد يمشي السياااره لين ما وصلوا السينمااا

دخلوا هناك و اخذوا بطاقات و دخلوا ,, اخدوا فلم روووومااااانسي هع

عاد زينب و محمد وراهم صبياان مرااهقين هههههه تعرفون المراهقين له ما يسوون سوايه قاعدين يفوشروون على بنات صوبهم صدق ما يستحوون

واحد من الصبياان يقول الى رفيقه : تصدق انا احب الافلام الاكشن و الرومانسيه

رفيقه : ايييي عشون عيل ,, احم

صبي فاني : سكتوا الحين ببدي الفلم

محمد : والله حاله الله يعينا عليهم طول الفلم ,, كل شي بعلقون عليه بعدين

زينب :

بعديبن بدأ الفلم و الكل اصتاخ له يطالعه

و فعلا كل شي يصير في الفلم يعلقون عليه الصبياان ويضحكوون كروه

بعدين سكتوهم لان يمللون

و خلص الفلم و طلعوا

زينب : حليو الفلم

محمد : اي قصته حليوه تقريبا مفلنا

زينب : امممم , بس غير شوي يوم يتعرف عليها

محمد : اي

بعدين راح وياها مطعم عشان يتعشوون

محمد : ويش تبغين تاكلين

زينبب : اي شي

محمد : لا تستحين اطلبي زنووب

زينب : ابغي مثلك

محمد : انا باخذ ....... و ...... تبغين مفلي ؟ قولي لا تستحين

زينب : اي ابغي مثلك

محمد : اوكي بناخد بعد عصير و سويت

زينب : اوكي

بعدين جابوا ليهم الطلبيه و قعدوا ياكلوون

بعدين خلصوا وركبوا السيااره و وصلها البيت

زينب : مع السلامه

محمد : الله يسلمش ,, تيك كير

دخلت زينب البيت الا صخه كلهم نامو بس امها قاعده تحارسها

زينب : اماه مقعده للحين

الام : ما اعرف انام و انتين ما جيتين البيت

زينب : يا بعد عمري يا امي ,, هداني جيت

الام : استانستين ؟

زينب : اي طالعنا فلم حليو و تعشينا

الام : اي ,, عليكم بالعافيه

زينب : الله يعافيش

الام: باجر ندى معزومه على الغذا

زينب : بل

الام : صيري زينه وياها انزين ؟

زينب : اذا تعلفت بتعلف بها

الام : بس حاولي ما تسوين هوشه وياها ما نبى مشاكل

زينب : بشووف ,, يلا اماه تصبحين على خير

الام : و انتين من اهل الخير

راحت زينب تنااام و قبل لا تنام طلعت صورة محمد و قعدت تطالع في جماله

زينب : قمر

و بعدين نامت و هي تفكر فيه << الحب ويش نسوي بعد

و قعدت الظهر الساعه 1

طلعت برا الا مريم تراكض مني و مناك ويش صاير

زينب : مريم ويش فيش تراكضين

مريم : لان ندى بتتغذى ويانا

زينب : الحمد لله والشكر و الفرح يسوي فيش جده ؟

مريم : كيفي والله احب ندى

زينب: وي من قال لش لا تحبينها حبيها

و هم جدي الا علي جاي وي ندى

مريم : هي هي ندى جت هي هي

ندى : شحوالش مريم

مريم : زينه تعالي قعدي في الحجره

و جودت مريم ايد ندى و تسمت فيها

ندى : شحوالش زينب

زينب:

ندى :

و راحت قعدت في الحجره

الام : زينب امشي جهزي ويايي

زينب : اني توني عرووس و العروس ما تشتغل

مريم : هي انتين ما اخطبتين جان تقولين عرووس

زينب : بس بعد عرووس

الجده : اهوا حطوا غذا نبى ناكل جواعا

الام : الحين الحين بنحطه

بعدين حطوا الغذا و يكرمون في ندى و يجيبون صوبها كل شي و يقولون ليها اكلي و يدلعونها

زينب : مريم جيبي دقوووس ,, كل شي منصبينه صوب هي

ندى : تفضلي

زينب : اني قلت الى مريم مو الش

ندى :

الام : ما صار شي

الجده : هذا ويش من صواقع ؟

الام : ويش صاير عمتي

الجده : متروووس فلفل اني ما اقدر آكله

الام : اي لان صوبش مريم تارسه صوبها كل فلفل

الجده : عجل باقوم بقعد هني

الام : امشي

زينب : وييي على المصاعه الفلفل اصلا مو حار بس نكهه

الجده : لا الا حار يشلوط

زينب : عجل الله يعينش على ما بلاش

الام : زينب

زينب : زين ما يمدينا ننطق بجلمه

ندى : هههههه حتى جدتي ما تشتهي الفلفل ما تقدر عليه عادي

زينب : << تدور جلمه تقهر ندى

الام : ايي

مريم : لانهم عجايز

الام : مريم

مريم : لويش يستحمقون اذا قلنا ليهم عجايز هم عجايز صدق

الجده : يلا انطمي انتين

مريم :

زينب :

ندى : ههههههه

زينب : انتين ويش فيش تضحكين بالفوول ,, تفلتين عليي ويع

ندى مسكينه انحرجت

ندى : اسفه

زينب : اسفه هي وين اصرفها ؟

الام : زينب

زينب : اففففف اماه جيفه اسكت و هي تفلت عليي تفال لوع جبدي

و راحت زينب تسوي روحها كلش الله يغربلها تتعلف بندى مسكينه

بعدين طلعت و راحت حجرتها

عقب مده خلصوا من الغذا و راحوا الصاله يطالعون تلفزيوون

و ندى مسكينه رايحه تغسل مواعين طيبه و على نياتها

الام : يوو ندى لا تغسلين خلهم عنش اني بغسلهم

ندى : لا عاادي خالتي اني بغسلهم

و حاولت لام وياها و لا في فايده تبغي تغسلهم

طلعت زينب برا

الابو : زينب بتي اغسلي ليي هل القلاااص

زينب : ان شاء الله

راحت ليها

زينب : فجي بغسل قلااص حق ابويي

و الهبله غسلته مو عدل

الابو : هذا ويش يا زينب حتى القلاص ما تعرفين تغسلينه مو مغسول عدل

زينب : مو اني الى غسلته هذي ندى

ندى:

زينب : جيب بغسله اني ابويي

راحت زينب و غسلته عدل ما عدل

زينب : ابويي تفضل

الابو : اي هذا الغسال العدل مو هذاك

زينب : اي هذاك ندى غسلته

ندى استحمقت و حس في قلبها و جتها الصيحه بس جودتها

و راحت الى زينب في حجرتها

و زينب تتكلم وي محمد

طقطقت ندى الباب

زينب : حمودي لحضه بشوف الباب

فتحته الهي ندى قامت زينب تتدلع عليها

زينب : الوو حبيبي حمودي الحين بسكر التلفوون و بعدين بتصل لك اوكي ؟

محمد : اوكي

زينب : نعم ويش تبغين خليتيني اقطع كلامي وي حبيبي على حسابش

ندى :اولا : ما يحتاج تفوشرين بحبيبش لان عندي اني بعد حبيب ثانيا مو من حقش تجدبين على عمي و تقولين له ان اني الي غسلت القلاص مو عدل


زينب : و الله عاد انتين الي غسلتينه مو عدل اني ما جدبت

ندى : جدبتين ,, اني ابغي اعرف ليش تسوين ليي جدي مو احنا كنا ربع ليش من ديك اليوم تهاوشتين ويايي

زينب : لا تسوين روحش ما تفهمين ,, ترى انتين ساحره وعقربه تحت الحصير من تحت لتحت تسوين روحش طيبه وانتين ما فيش اسم الطيب ,, اظهري على حقيقتش

ندى : انتين تتكلمين عن ويش مو فاهمه شي

زينب : ويش يخصني فهمتين لو نار تحرقش ,, يلا برا اطلعي من حجرتي

ندى : ويش السالفه فهميني

زينب :

*******************************************

( 10 )

و ندى و زينب يتهاوشون و يقوم يرن تلفون زينب ,, طبعا محمد متصل ليها

زينب : اوكي اذا عندش حجي قوليه ليي بعدين لان الحين ابغي اتكلم وي خطيبي

ندى : لا ,, الحين ابغي اقوله ما ابغي أأجل

زينب : ويييييي اطلعي اطلعي ما ليي خلقش اففف

ندى : يعني ما تقدرين تقولين له ان عندش كلام وي بنت خالتش ؟

زينب : لأ ,, ما ابغي اكسر بخاطره توه متصل ليي و اقوم اطلع له اعذاار تافهه

ندى : ويش قصدش

زينب : قصدي الي فهمتينه يلا براا

ندى: اني بطلع ,, بس حسابي للحين ما صفيته وياش

زينب : اففف برااااا ,, طلع لش لسان بعد

بعدين طلعت ندى و ردت زينب على التلفون

محمد : زنوب ؟ ويش فيش ما تردين

زينب : هذي ندى بت خالتي مأذيتني كل تتعلف و تتهاوش ويايي

محمد : للحين ما تطيقون بعض؟

زينب : اي

محمد : من الي يبدي بالهواش ؟

زينب : اكيد هي

محمد :

زينب : تمللني

محمد : انزين انتين صيري وياها زينه و حاجيها ها

زينب : احاجيها ؟

محمد : اي ويش فيها

زينب : محمد انت تدري ان اني ما اشتهيها جيفه احاجيها

محمد : عشان خاطري

زينب : كل شي و لا كسار خاطرك يا الغالي

محمد : بتحاجينها؟

زينب : بشووف

محمد : ما عندي خاطر عندش ؟

زينب : بلى عندي و نص .. بس ابغي اعرف شي

محمد : ويش

زينب : انت ليش تدافع عنها

محمد : هههههههه

زينب : ليش

محمد : بل صحتين ؟ بسم الله عليش لا تصيحين

زينب : عجل ليش كل تبغاني اصالحها و تستانس ليها و .. و...

محمد : والله ما احبها ,, ويش فيش

زينب : بلى

محمد : دلع عيني دلع ,, دلع روحي دلع يناسبها الدلع

زينب :

محمد : هل عندك شك انك احلى و اغلى امرأة في الدنيا .. هل عندك شك ؟

زينب : ههههههه الا صرت كاظم الساهر ,,, صوتك عسل

محمد : اصلح مغني .؟

زينب: وي حتى لو تصلح ما بخليك

محمد : لويش

زينب : بكبرك حليو و تصير مغني .. تبغي البنات ياخدونك مني لا لا تخسي

محمد : ما تفوتين شي ,, دااهيه

زينب :

محمد : انزين زنووب صدق ها حاجيها

زينب : بصالحها على شانك بس

محمد : عمري المطيعه

زينب :

محمد : اقوول الليله تعالي بيتا

زينب :

محمد : بمر عليش و بوديش بيتنا عشان تشوفين بيتنا و تشوفين الشقه

زينب :

المهم قعدوا يسولفوون واجد وبعدين سكروا التلفون

طلعت زينب الصاله و هناك ندى قاعده

زينب : ندى تعالي

ندى: نعم

دخلوا الحجره

زينب : سامحيني ندى ,, اني غلطانه في حقش و اتمنى ان نرجع مفل اول

ندى: مسمووحه يا بت خالتي

و بعدين صاروا زينين وي بعض مفل اول و قعدوا يسولفون

مريم : ندى قاعده وي زينب ؟

زينب :

مريم : يعني تصالحتون

زينب: اي تصالحنا

مريم : باروح اقول الى امي و علي

راحت مريم تخبرهم

الام : صدق ,, الحمد لله

علي : زين ان شاء الله دووم

جت الليل

و زينب معدله و مكشخه و مكيجه

الام : زينب على خير ؟

زينب : بروح بيت خطيبي له

الام : لويش ما قلتين ليي

زينب : هداني اقول لش

الام :

مريم : باروح وياااش عااااد

زينب : تجين ويايي ؟

مريم : اي ابغي اشوف ايمان

زينب : انزين الحين لويش تصيحين ؟

مريم : لان ابغي اروح

زينب : عاد صحتين لو لا ما بوديش

ويجي محمد ديييييد ديييييييد

زينب : يلا ماه مع السلامه

الام : الله يسلمش

مريم :

طلعت برا زينب و ركبت السياره

محمد : هلا هلا

زينب : هلا وغلا

محمد : هكم بيتنا يحارسونش

زينب : صدق

محمد : اي ,, اول ما ندخل بجبون على رجايلنا ماي ورد و مشموم

زينب : ادري

وصلوا بيت محمد و من دخلت زينب الباب الا كلهم يصفقون وينفرون حلاوه على العروسين

زينب :

ام محمد : بالمبارك كلووووووووووووووييييييي

و بعدين جبوا عليهم ماي ورد و مشموم و سلموا على بعض و دخلوا داخل

و قعدت زينب وياهم و جابوا ليها القدووع و بعدين بعد عشوووها

فاطمه : زينب ,, ويش لون فستان مال الخطوبه

زينب: ههههه بخليه مفاجأه ليكم

محمد : انزين قولي ليي انا

زينب : تدري اني ما ابغي اقول ليهم عشان انت لا تعرف

محمد : و انا اقوول

فاطمه :

*************************************

( 11 ) والأخير

مرت الايام مر السحاب و جا اليوم الي زينب تروح فيه الصالون حق ليلة الخطوبه

قعدت مريم الساعه12

مريم : امااه ,, زينب راحت الصالون ؟

الام : اي من زماان و انتين في سابع نومه

مريم : احنا متى بنرووح ؟

الام : يعني متى فدمتش ؟ بنتغدى و بنرووح كل مره جدي

مريم :ساره وين ؟

الام : في حجرتها

راحت مريم الى ساره

مريم : ساره ,, انتين بتروحين ويانا الصالون .؟

ساره : اي كلنا حتى خالتي في مثل الصالون الي فيه زينب

مريم : اها

ساره : يلا روحي اسبحي لان بعدين بنتغذى و بنروح

مريم : انزين

و زينب في الصالون قاعده تاكل اجبااس حضرتها و وياها ندى

بعدين تغذوا بيت حجي ناصر و خلصوا و تجهزوا

مريم : امااه ,, شعري احط فيه كريم لو لا ؟

ساره : لا تحطين فيه شي لأن بسشورونه يا الهبله بس مشطيه

مريم : انزين

علي : ما جهزتون انتون انا عندي اشغال بعد لا

الام : جهزنا يا حبيبي

ساره : تدلي الصالون ؟

علي : اي هدانا مودي ندى

ساره : اها

بعدين جهزوا كلهم و ركبوا السياره

وصلهم علي الصااالوون

الام : رحم الله والديك ويسر الله لك

ساره : مشكوور علي حبيبي

مريم : مع السلامه

دخلوا الصالون و هناك زينب مبديين في شعرها فيه الرولات

مريم : انتين هبله لويش صابغه شعرش

زينب : ويش فيها لو صبغته يعني

مريم : بس حليو لون الصبغه

زينب : مشكووره

مريم : اماه شوفي بصبغ شعري جدي

الام : مافي ويلا سكتي

المهم بعدين قعدوا في الصالون واجد يسوون شعرهم و يكميجونهم

و جت الساعه 8 , زينب جهزت

صايره حليوه كشخه ,, و فستانها كان اروع من الفساتين حتى البنات الي في الصالون انبهروا من حلاوته ,, وفستانها كان لونه
فوشي (( وردي غامق )) مع وردي فاتح مرعص بالفصوص الورديه ,, ومكياجها كان رووعة ,, واللي زاد من جمال عيونها الكحل المرسوم حوليها كان بطريقة فينة ودقيقة ,, أما عن التسريحة كانت تجنن ولا أروع ,, لان شعرها طويل وناعم فما حبت ترفعه بالكامل ، طلبت من الموظفة تسوي لها تموجات على طول شعرها وتخليه على الجنب وبالزاوية وقريب من أذنها حاطه 3 ورود ورديه طبيعية ومن نفس نوعية الورود الي في الباقه ، وحطت فوق راسها الطرحه لونها وردي فاتح نفس لون الفستان ومرعص فيها فصوص من نفس النوع .. و طلعت ويش حلاوتها
اتصلت الى محمد عشان يجي ليها و يروحون الاستديو يصورون

محمد : هلاا بالعروووس

زينب : هلا حمود .. تعال الصاالون ليي عشان نروح نصور

محمد : جهزتين

زينب : اي توني جاهزه و اتصلت لك

محمد : اوكي الحين باجي لش

الام : ساره انتين بجي لش خطيبش ؟

ساره : اي و باخد ويايي مريم عشان انتين و ندى و خالتي وي علي

الام : اي

ساره : الحين بجي ؟

زينب : اي بنروح الاستديو نصور

بعدين جا محمد

ديد ديد

ساره : هكو جا ,, يلا زينب

زينب : لبسيني المشمر الاخضر و فوقه الدفه

ساره : انزين

زينب : لا تتعفس التسريحه حاسبي

ساره : لا ما بتتعفس ,, امشي بروح وياش السياره

زينب : انتون متى بتروحون الصاله

ساره : عقب شوي لان كلنا جهزنا بس امي عليها المكياج

زينب : انزين

و ساعدت ساره ختها زينب في ركووب السياره ,, لان فستانها مال عرووس ,و مو فستان عادي تعرفون يعني

و السياره مالت محمد مزينه بالزينه

ركبت زينب وي محمد و محمد متكشخ لابس بدله ويش حلاوتها

محمد : الله الله , ويش هل الحلاوه

زينب : حلوت ايامك

بعدين محمد قعد يمشي وحط اغنية :: كل ما تكبر تحلى ,, تصير احلى و احلى :: و هو يغني وياها و يطالع في زينب

زينب : انت موتك كاظم الساهر

محمد : اي لان اغانيه فن

بعدين وصلوا الاستديو ,, و صورو لمدة 3 ساعات

و هناك الفلبينيه تقول ليهم سوو جدي و جدي و هم مساكين يسوون , و يطخطخونهم صور

بس لو تشوفون الحركات طلعت حلوه فلته

نرجع لبيت حجي ناصر و الخاله و ندى

ندى : يلا هكو جا علي عشان نروح الطاله

الام : يوو جا ..

ساره : اي يلا اماه ,, يحارسكم

طلعت ندى و الام والخاله و ركبوا السياره و راحو الصاله

مريم : و ان شاء الله احنا متى نروح ؟

ساره : يو الحين بجي محمد ويش فيش

مريم : اتصلي له

ساره : انزين

اتصلت ندى الى محمد خطيبها

محمد خطيبها : الحين جاي ليكم

ساره : اوكي

مريم : بجي ؟

ساره : اي الحين

بعدين جا محمد و ركبوا السياه و راحو الصاله

وصلوا الصاله و هناك الصاله فيها خوات محمد و اهله و اهل زينب بس للحين ما جو المعازيم ,, و توهم واصلين الا جايه الملايه الي تغني في الحفله و قعدت تقرأ المولد و بدأو الناس يجون الصاله شوي شوي لييييييين ما انترس المكان بالنسوان و الجهاال و الفوضه

و مريم كالعاده تراكض وي ايمان << زين ما ينشق فستانها مره فانيه

و ساره واقفه وي ندى و الام واقفه وي الخاله و ام محمد يسولفوون مستانسين ,, و لابسين الفياب الكشخه و تساريحهم بعد حليوه ويش حلاوتها كشخه كشخه

و الموضفات يوزعون الوجباات والعصير و الحلاوه

بعدين قعدت الملايه تغني : يا باني الغرفه على السيف بنها على ساس قويه ,, محمد مجمع له الافات ناوي على عرس البنيه

الام : كلللللللللللللللللووووووووووووووووووويي

و كل حين تغني الملايه اغنيه فانيه : هلي هلي هلي يا نجمة البحرين هلي هلي هلي عروسنا من وين ,, من لبنان لا لا لا من الامارات لا لا لا من البحرين اي نعم اي نعم هذي عرووس الزين

سمها غدير لا لا لا ,, سمها ايمان لا لا لا ,, سمها زينب اي نعم اي نعم هذي عروس الزين

و مريم المشدوخه هي و ايمان مو مسويين سوايه كل ياخدون وجبات

مريم : اني اخدت فلاف وجبات

ايمان : اني بعد

مريم : امشي نروح نراكض على المسرح

ايمان : يلااااا

بعدين جت الساعه 11 و جو المعاريس

الام : جو المعاريس

و تقوم الفوضه في المكان كل من يبغي يشوف العرووس كلهم يوقفوون و الجهال كلهم تاكضوا عشان يشوفون الملاك الهي العرووس يعتبرونها ملاك

ساره : ويش هل الغفصه انزحوا شوي بندخل العرووس ما يمديها حتى تتنفس

زينب : ساره تعالي عدلي طرحتي

ساره : انزين ’’ هل الجهال غافصينا غفااص

و زينب مجوده ايد محمد ,, و الباقه في الايد الفانيه و لو تشوفون محمد جيفه مستحي و في نفس الوقت مستانس

بعدين جو اهل محمد و زينب وراهم يزفوووونهم

و المايه تغني : يا هلا ويا مرحبا بجية الزينه يا هلا و يا مرحبا باركوا لينا ,, لا اله الا الله ,, حضر محمد وعلي و الشر عنه ينجلي

و الناس يصفقوون و يجببون و يغنون

الملايه : بارك الينا يا علي بارك بارك

و مريم و ايمان يصفقوون ويتقمزووووون

مريم و ايمان : زنووب دللوها دللوها بغت حموود عطوها عطوها

بعدين ركبوا المسرح و قام محمد شال الطرحه من على زينب

و بعدين لبسها الدبله وقام الصفااااق و التجبب

و نفروا حلاوة و مشموم و بيزات عليهم و مريم تلاقف هي و ايمان

مريم : حصلت ربيتين

ايمان : اني فلاف

و محمد و زينب يضحكون

بعدين لبسها الطقم كاامل ,, و افنينهم مستحيين ,, وبعد تالي قصوا الكيكه و مريم تبغي قطعه منها

الام : تالي بنعطيش سكتي و مرض

مريم :

الهي جايه الجده تصفق و تغني و تقول : اعطونا من هل الكيكه

الام : تالي عمتي

وقاموا زينب و محمد يأكلون بعض من الكيكه يشربون بعض من العصير

و عقب ما خلصوا من جدي قامت الام عطت مريم تودي العصير و هي الهبله اخدته تبغي توديه بدفاشه و يقوم وينكسر واحد منهم

ندى : يوو ويش سوتين يا مريم

مريم : اني كنت ما ادري و انكسر

الام : ويش هل الحاله ,, لازم بلوى وياش خليه بتشيله الفلبينيه

مريم : انزين

تالي قاموا النااس جوا يباركون الى العرووس و المعرس و من ضمنهم ابرار راحت تلم على زينب

ابرار : الف الف مبروووك

زينب : الله يبارك فيش

ابرار : مبرووك

محمد : الله يبارك فيش

بعدين صورو الاهل صوره جماعيه على المسرح

و قعدوا الاهل و يصفقوون وااااجد للعروسن
http://paginas.terra.com.br/lazer/danidisn...asal/casal2.gif


هذي احدى الصور لمحمد و زينب

عاشوى حياة سعيده و جابوا بت اسمها حنان و ولد اسمه عبدالله
http://paginas.terra.com.br/lazer/danidisn...asal/casal5.gif

و هذي ساره و محمد ,, جابوا ولدين ناصر و احمد ,,
http://paginas.terra.com.br/lazer/danidisn...asal/casal6.gif


ندى و علي جابوا توام بنات سموهم بيان و بينات

و عاشو كلهم حياااه سعيده مليئه بالحب و الفرح و السعاده

و اشكركم على حسن المتااابعه

و اتمنى انكم استمتعتوون بقصة محمد و زينب

تحياتي ،،،

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7631/10414
   |   EXP   74%    362/489
فتى العلي الجنس:ذكر
العضو الذهبي

العضو الذهبي




البلد::
$field_name

العمر: 37
تاريخ الإنضمام: 14 Dec 2005
المشاركات: 2403
المدينة/البلد: الدوحه
المشاركةتم ارسالها: Fri Mar 17, 2006 10:00 am     
الرد بملاحظة

يعطيكي الف عافيه واحلى تصفيقه



مشكوره خيتي

_________________
منتداي الغالي..
إليكم فقط اخط كلماتي..
أغرقتني بمعانيك الصادقه..
أثرتني بكلماتك البليغه..
وبحروف من نور أقول لك..
أتمنى أن تكون دائما في الطليعه..

ما راح تحس فيني الين توقف على قبري وتقول هذا الذي كان بالامس يموت فيني
الرجوع للأعلى
عرض الملف الشخصي للعضو كتابة رسالة خاصة Send e-mail
   
الدرجة: 39 HP   4%    187/4676
   |   MP   100%    2232/2232
   |   EXP   63%    102/160
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Fri Apr 21, 2006 10:57 am     
الرد بملاحظة


اشكرك اخي فتى العلي على مرورك
يعطيك العافية
بس عسى القصة عجبت الكل
تحياتي ،،،

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7631/10414
   |   EXP   74%    362/489
جيتي مكحكح الجنس:أنثى
مشارك جديد

مشارك جديد



البلد::
$field_name

العمر: 26
تاريخ الإنضمام: 24 Jan 2007
المشاركات: 6
المشاركةتم ارسالها: Wed Jan 24, 2007 11:52 pm     
الرد بملاحظة

شكرا شكرا شكرا شكرا شكرا على القصة الحلووووووووووووووووووووووووووووووووووووووووووة حلوة حلوة و من اقرا حوار الجدة و زينب افطس
الرجوع للأعلى
عرض الملف الشخصي للعضو كتابة رسالة خاصة
   
الدرجة: 1 HP   0%    0/18
   |   MP   100%    8/8
   |   EXP   55%    5/9
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Thu Jan 25, 2007 2:19 pm     
الرد بملاحظة


هههههه تسلمين اختي جيتي كحكح
بعد حجي العجايز يضحك لكن شحليلهم وشزينهم صح
مشكورة على مرورج ويعطيج الف عافية
واهلا وسهلا فيج في المنتدى
ناطرين مشاركاتج وردودج
تحياتي ،،،

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7631/10414
   |   EXP   74%    362/489
عرض المشاركات قبل:   
الصفحة 3 من 3 انتقل الى صفحة السابق  1, 2, 3
كتابة موضوع جديد   الرد على الموضوع
لا تستطيع المشاركة بمواضيع جديدة في هذا المنتدى
لا تستطيع الرد على المواضيع في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع التصويت في هذا المنتدى
لا تستطيع ارفاق الملفات في هذا المنتدى
تستطيع تنزيل الملفات في هذا المنتدى
اضافة هذا الموضوع الى القائمة المفضلة
Printable version
تعيين الموضوع غير مقروء
انتقل الى:  
تم إنشاء الصفحة في 0.94 ثانية. SQL إستعلامات: 142