منتديات البحرين




اذا لم تظهر الصفحة مباشرة! إضغط هنا
 

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

Content on this page requires a newer version of Adobe Flash Player.

Get Adobe Flash player

 

كتابة موضوع جديد   الرد على الموضوع
الموضوع السابق :: الموضوع التالي
انتقل الى صفحة السابق  1, 2, 3  التالي
Remove Highlighting :: يوميات محمد وزينب بلهجه البحرانيه (قصة روووووعة)
الكاتب رسالة
BLACK JEWEL الجنس:أنثى
عضو مميز

عضو مميز




البلد::
$field_name

العمر: 106
تاريخ الإنضمام: 06 Sep 2005
المشاركات: 914
المشاركةتم ارسالها: Fri Sep 09, 2005 6:28 pm     
الرد بملاحظة

مشكورة اختي
فن القصة ننتظر الجزء اللي بعده

تحياتي

_________________
Black Jewel

اللهم صل على محمد و آل محمد
الرجوع للأعلى
عرض الملف الشخصي للعضو كتابة رسالة خاصة
   
الدرجة: 26 HP   1%    16/1637
   |   MP   100%    781/781
   |   EXP   96%    75/78
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Fri Sep 09, 2005 11:58 pm     
الرد بملاحظة


هههههههههه
ياااااااي كل ما لها الاحداث تتطور للاحلى
يالله عاد خيو وين الباقي
احنا ننطر على احر من الجمر
تحياتي wink

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7663/10414
   |   EXP   74%    362/489
بقايا جراح الجنس:أنثى
عضو مميز

عضو مميز




البلد::
$field_name

العمر: 28
تاريخ الإنضمام: 04 Dec 2005
المشاركات: 96
المدينة/البلد: بحرين
المشاركةتم ارسالها: Thu Dec 08, 2005 8:16 am     
الرد بملاحظة

مشكورة ضوء القمر على القصة الرائعة .. وبننتظر الجزء الي بعده على احر من اجمر.... يالله عاد خيو كملي القصة باقرب وقت ممكن ..من جليها تحلى القصة احلى واحلى وشكرا
الرجوع للأعلى
عرض الملف الشخصي للعضو كتابة رسالة خاصة
   
الدرجة: 8 HP   0%    0/159
   |   MP   100%    76/76
   |   EXP   78%    15/19
العـــ الحزين ــاشـق الجنس:ذكر
عضو مميز

عضو مميز




العمر: 36
تاريخ الإنضمام: 27 Jun 2005
المشاركات: 298
المدينة/البلد: البحرين
المشاركةتم ارسالها: Sun Dec 11, 2005 9:39 pm     
الرد بملاحظة

فعــلا قصة حلوة smile

مشكورة اختي wink

_________________
من المؤسف أن تبحث عن الوفاء في زمن الخيانة ...

و أن تبـــحث عــن الـحــب في قلـــوب جــبانــة ....




الرجوع للأعلى
عرض الملف الشخصي للعضو كتابة رسالة خاصة
   
الدرجة: 16 HP   0%    0/556
   |   MP   100%    265/265
   |   EXP   15%    6/39
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Sun Dec 25, 2005 4:55 pm     
الرد بملاحظة


اخواني واخواتي انا لقيت القصة كاملة
واسمحي لي اختي ضوء القمر اني اكملها للشباب

***************************
راحت زينب ومريم الشقه الا هناك الريووق قاموا زينب و مريم من كثر جوعهم اكلووه كله <<حشى ذيابه

زينب : احح شبعت

مريم : اني بعد

جو بيتهم من السيده وهم مساكين جواعه

الام : وين الريوووق مره جوعانه

زينب في قلبها : الحين ويش اقول ليهم ,, اكلناه كله اني و مريم

الام :يووو هذا الريووق مأكووول ؟

مريم : ايي له اكلناه كله

زينب :

الام : يووو واحنا ويش ناكل ؟

الجده : وانتون مجاعة افريقيا تاكلونه كله؟

مريم : ويش نسويي جواعه

الابو : عليكم بالعافيه ,, بس لا تعيدونها مره ثانيه

الجده : فنتين وياكلوون صينيه بكبرها اني ما اصدق

زينب :

حل الابو المشكله واشترى ليهم ريووق وسكتوا

زينب : افف ملل

مريم : ويش تبيني اسويي لش ؟

زينب : زين اكلتيني بقشوري

مريم : امشي نروووح السووق عن الملل

زينب : اي خوش فكره بقول الى ابويي يعطيني بيزات

مريم : اني بعد

راحوا ثنتينهم يركضوون الى ابوهم

مريم و زينب : ابويي

الابو : ها

مريم و زينب : نبى بيزات عشان نروح نتسوق

الابو : ويش بتشتروون ؟

زينب : ما ادري الي يعجبنا بنشتريه

الابو : انزين هاش اخذي

مريم : واني

الابو : هاااش

مريم : يلا مع السلامه

الام : تحملوا عن الشارع ولا تعطون هل السوريين وجه طايحين الحظ

زينب : انزين

الجده : تعالي يا مريم اشتري ليي روبه

مريم : انتين ما تشبعين من الروب ؟

الجده : لا ما اشبع هاش اخذي

طلعوا زينب ومريم من الشقه

الا محمد للحين مقعد على الدرج << ما اتملل

محمد : وين بتروحون يا آنسات ؟

مريم : والله احنا بنروح السووق

محمد : اهااا ,, تصدقون انا بعد قايل بروح صدق قلبكم على قلبي

زينب :

محمد :

مريم : يووو بتجي تمشي ويانا ؟

محمد : لا من قال ؟

مريم : احسب بعد

محمد : هههههههه لا بس يعني بروح السوق الحين يمكن امشي وراكم

زينب :

محمد : عادي ؟

زينب : لا

محمد: مو عادي ؟

زينب : لا مو عادي

محمد : انزين ما علي ما برووح الحين

مريم :

زينب : ههههه

محمد :

راحت زينب مريم السووق

وقعدوا يتمشوون ويتسوقون

بياع سوري : تفضلوا يا حلويين

زينب : ما بنتفضل زين ؟

البياع : اي ليش ؟

زينب : تكلم عدل تالي بتعرف ليش

البياع :

راحوا زنبوو ومريم يتابعوون التسوق واشتروا ليهم كل اكل وثياب وخرابيط

رجعوا البيت

مريم : اماه شوفي ويش اشتريت ليي

الام : دواهي ....هل الفانيليه على قدش ؟

مريم : لوي ويش فيها ؟

الام : هي على قد وحده عمرها سنه

مريم : لا هذي سترچ

الام : و لويش تشرين لش جده ؟

زينب : يوو اماه عادي هكو اني بعد اشتريت ليي

الام : يخلف الله عليكم بعقل

الجده : وين روبتي ؟

مريم : اوووه نسيت

الجده : كأني ادري ,, جيبي البيزات ما منش فايده

جت الليل

و راحوا السيده زينب و صلوا وخلصوا وكل شي و جوا

وقعدوا في الشقه يسولفوون

زينب في قلبها : ملل ,, ما ليي الا اطلع يمكن هناك حمودي موقف

راحت زينب تطلع وقعدت تدور محمد في الممرات

زينب في قلبها : يا ربي وين راح هذا ابغي اشوفه

محمد : احم

زينب :

محمد : تدورين من ؟

زينب : ها ... ما ادور احد

محمد : عجل ويش فيش تطالعين يمين ويسار ؟

زينب :

و مشت راحت تسوي روحها تنزل تحت << ترگع الفشيله و على طوول ركبت اللفت

محمد في قلبه : بروح اركب اللفت انا بعد

توها بتسكر الباب زينب الا محمد داخل

زينب :

فجأه










فجأه








انطفت الكهربا و هم في اللفت << يا حراااااام


زينب لا ارادي : يماااااااااييييي

محمد :

زينب :

محمد : الحين بيعلقون الكهرباء

زينب: ماني ابغي ارووح الى امي

و يقوم محمد يعلق ليت مال تلفوونه عشان شوي يضويي

زينب :

محمد : الحين بيعلقون الكهربا لا تخافين

زينب وهي خايفه على حدها : و اذا ما علقوها

محمد : اكيد بيعلقون الجيلينيتر

وخلال ما هم جذي

بيت زينب حالتهم حاله

الام : ما ادري وين راحت بتي يمااااااا جان ما ضاعت

الجده: اكيد رايحه تشتري

الام : هي ما تطلع الا وي مريم ويش يطلعها بروحها والكهرباء منقطعه جان مو خطفووها

تالي مره وحده علقت الكهرباء

الجده : اللهم صلي وسلم على محمد وال محمد

و زينب و محمد في اللفت

زينب:

محمد: هاكم علقووها خلااص

زينب : ادري

محمد: ما قلت لش ما بيمهلون شي

زينب : اييي

طلعت زينب و راحت الشقه

الام ": وين رحتين ؟ خليتيني بلا راي

زينب : هاا ,, رحت اشتري

الام : مره فانيه لا تطلعين الا وي اختش

زينب : انزين

الام : امشي تعشي يا حبيبتي

و راحت زينب تتعشى و هي تفكر في محمدووه الي ماخذ عقلها
عقب فلافة ايام

جا الابو يقول الى بيتهم بشاره

الابو : تعالو بقول ليكم شي حلييو

زينب : ويش ؟

الابو : مريم تعالي بقول ليكم شي حليو

مريم : ويشوو ويش صاير ؟

الابو : باجر بنرووح الزبداني

مريم : صدق ؟ الااااااااي

زينب : اخيرا بنطلع بنرووح مكان

مريم: ايي حليوه هناك نقعد في بستان كله فواكه وخضره ,, حلييييو

زينب : ايي بس تنبط جبدي اشووف الصبيان يسبحون في البرجه واني مقعده اطالعهم


الام : بس اي حزه بنرووح الزبداني ؟

الابو : ان شاء الله من الساعه 9 الصبح الى المغرب الساعه5

الام : من غير تقديم على الله

بعد مده

مريم : ما ادري ارووح الى ايمان خت محمد اتعرف عليها

زينب : اي روحي له

مريم : بس هي واجد دليعه و شايفه روحها

زينب : ايي عكس اخوها

مريم : ويي حتى اخوها اهبل

زينب :ما اسمح لش ها

مريم : زينب انتين ويش عندش وياه اشوفش واجد تدافعين عنه ؟

زينب : اني ؟

مريم : ايي ,, لا يكون تحبينه ؟

زينب : لا احبه ولا شي ,, يعني انتين تحبين هداك الهندي الي في الدكان,,, هديك المره قعدتين تدافعين عنه يعني تحبينه ؟

مريم : اني على اخر عمري احب هندي ؟

زينب : انتين الي تقولين كل من يدافع عن واحد يعني يحبه

مريم : بلا شلخ

زينب : المهم انتين روحي مري على اخته

مريم : انزين

راحت مريم

طق طق طق

ام محمد : نعم ؟

مريم : سلاام

ام محمد : عليكم السلام ,, شحوالش

مريم : زينه ,, هني ايمان ؟

ام محمد : اييي تبغينها ؟

مريم : ايي

ام محمد : دخلي تفضلي له

دخلت مريم الشقه

ولا دخلت الا هناك محمد مسدووح عليه شورت وفانيل

مريم : هههههههه

محمد : انت ويش جابش هني ؟

ام محمد : محمد ؟ ويش هل الكلام ؟

محمد : هههههههه اماه هذي رفيقتي

مريم : يجدب ماني رفيقته

ايمان : اماه من يباني ؟

ام محمد : جايه لش مريم بنت جيرانه

ايمان :

مريم : جايه عشان نلعب

ايمان : انزين تعالي الحجره نلعب

محمد : صدق جهالوووو هههههههه

راح محمد الملقوووف اليهم داخل الحجره

ايمان : رووح ويش تبغي ؟

محمد : جب

ايمان :

محمد : مريم شخبار اختش وامش وابووش << عشان لا يميز زينب

مريم : زينين

محمد : ها الا خايفه ,, عاادي لا تخافين هع

مريم : اني اصلا ماني خايفه

ايمان : رووح نبغي نلعب

محمد : انزيين العبوا عاادي انا ويش باسويي غير قاعد

ايمان : تقعد تطالعنا رووح

محمد: ههههههههههه انزين

طلع محمد وهم قعدوا يلعبوون

قامت مريم تمشط شعر اللعبه

ايمان : هييييييي لا تمشطين شعرها بعدين يتعفس ويصير مو حليو

مريم :

ايمان : شفتين هكو صار مو حليو

مريم : انزين باعدلها

ايمان : ويش اسويي فيها اخذيها

مريم : ما ابغيها عندي بس ما جبتهم وياي

ايمان :

مريم : اني بقووم

ايمان : لا لا تقومين قعدي العبي ويايي

مريم : انزين

جت حزة الغذا

ام محمد : يلا حبايبي قوموا تغذوا

مريم : لا اني بقووم اتغذى في بيتنا

ام محمد : لا يوو قعدي ويانا له

محمد : قعدي بتغذا وياكم احم

ولا سمعوا الا الباب

طق طق طق


راح محمد يفتح الباب

زينب : سلام

محمد : عليكم السلام يا هلا

زينب : هني مريم ؟

محمد : ايي هني خليها تغذى ويانا

زينب : لا امي تبغيها

محمد : لا عادي قولي ليها بتتغذى في بيتنا

زينب : لا قول ليها تجي

محمد : افاااااا ما تبغونها تتغذى ويانا

زينب : لا بس جايبين على قدكم ما يصير تنغص عليكم وهو على قدكم

محمد : لا لا عاادي

ام محمد : هلا زنوووب شحوالش ,, وانت ويش عندك واقف روح

محمد : اماه وييش فيش ؟

ام محمد : خلوها تتغذى عندنا هي مستانسه وي ايمان هههههههه

زينب : انزين ,, يلا مع السلامه

محمد : تعالي انتين بعد لا

زينب :

راحت زينب ودخلوا ام محمد ومحمد داخل

ام محمد : انت ما تجووز عن سوالفك ؟

محمد : هيهيهي عااادي

ام محمد : يلا مش اتغذى

وقعدوا يتغذوون و مريم طبيعتها ما تاكل شي تاكل فلاف مدات وتشبع <<< ضعيفه

محمد : مريم ؟ ويش فيش ما تاكلين ؟ تستحين ؟

فاطمه : اكلي له

مريم : لا ما استحي بس اشبعت

فاطمه : يوو مريم شبعتين ما اكلتين شي

مريم : اكلت

ايمان : اني بعد شبعت

محمد : هههههههههه الجهال كل جذي اذا رفيقتهم شبعت هم بعد تيس تبع

ايمان : اني ماني تيس ها

محمد : جب ولا كلمه

ايمان : اوووه روووح ,, يلا مريوومه قومي نغسل ايدنا

نرجع الى بيت زينب

الام : هل الهبله ما دورت ترووح ليهم الا حزة الغذا

الجده : ويش فهمها بالدنيا

الابو : انزين ويش صار لو غذووها

الام : لا يعني فشيله الغذا على قدهم وهي تروح تتغذى وياهم

زينب : بس هم شكلهم يبونها

الابو : يلا تغذوا كل تكبرون السالفه

الام : عقب شوي روحي ليها,, يعني ما تقدر ما تهووم مني و مناك

زينب : انزين

عقب ما تغذوا راحت زينب الى بيت محمد وطقت الباب ,, قام محمد الملقوووف على طوول راح يفتح الباب لان يدري زينب جايه الى ختها

زينب : ابغي زينب

محمد : هلا وغلا ,, لا سلام ولا كلام

زينب :

محمد : الحين اروح اقول ليها

راح محمد يقول الى مريم تبغيها ختها

محمد : مريم تبغيش اختش

مريم : انزين يلا مع السلامه

الام : قعدي ويانا له

مريم : لا برووح

ايمان : مع السلامه ,, كل يوم تعالي

راح محمد يسوي روحه بيوصل مريم الى الباب

محمد يطالع زينب : تحملي بروحش

مريم : انزين

محمد :

زينب : ههههههه

محمد : عسى هل الضحكه دوووم

زينب :

مريم :

محمد :

تالي قاموا دخلو الشقه

مريم تطالع في زينب : <<< شاكه

زينب : ويش فيش تطالعين فيي جدي

مريم : لا ولا شي

زينب :

الام : مريم ,, لويش رايحه بيت الناس ؟ ما دورتين تتعرفين على بتهم الا حزة الغذا ؟

مريم :

الام : تالي باروح ويا السووق

مريم ك لوي ؟

الام : عشان اشتري لش اغراض مدرسه قمصان و جواتي

مريم : انزين

زينب : اني بعد ابغي اغراض

الام : اغراض وي ؟ حياة حظش في الجامعه يا الخانسه يا الكسلانه

زينب: اووووووه روحي ولي

الابو : زينب عيب تسوين الى امش جدي

زينب : عجل ليش ما تبغاني اشتري لي

الابو : انا بعطيش بس اذا خلصنا اغراض اختش

زينب : هذا اذا خلصو

******************************************

اراكم في الحلقه القادمه

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7663/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Sun Dec 25, 2005 6:00 pm     
الرد بملاحظة

مشكورة اختي اشراقة على التكلمة

والله يوفقج وتكميلنها لنا بسرعة

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Sun Dec 25, 2005 7:38 pm     
الرد بملاحظة


تسلمين اختي دموع الحزن على المرور
وهذي التكملة

***********************************

في الطحين عشان يحصل الحلاوه

و لو تشوفون وجهه حالته حاله مترووس طحين

مريم :

زينب : يلا محمد يلا

تالي


راعي الباص : حصلتها ؟

محمد : اييي

راعي الباص : الفايز هووو محمد يستاهل الهديه

زينب :

محمد :

شاف محمد زينب جيفه تشجعه و تصفق اله ... ونسى انه تسابق عشان اخته

راح يبغي يخش الهديه حضرته يبغي يعطيها زينب

ما شاف الا ايمان جايه تركض

ايمان : جيبها

محمد : اجيب وي ؟

ايمان : الهديه له

محمد : اييي انزين اخذيها

و هناك مريم و زينب يتهاوشون

زينب : ما قلت لش انه بيغلب ؟

مريم : لانه غشاش

زينب : كل من يرى الناس بعين طبعه يمكن انتين الي قعدتين تغشين في الالعاب تقولين هو

مريم : اوووه فكينا زين

**************************************يوم فاني

مريم : حليو كان هناك ,, خساره خلص اليوم

زينب : هههههه بعد بنرووح اماكن فانيه يا الهبله

مريم : ايي صحي نسيت خخخخ

زينب : شفتين امس ايمان اخت محمد يا علي دليعه الله يعينهم عليها

مريم : اي دلووعه عدل

ما شافت زينب الا تلفوونها يرن

زينب : الووو

علي : هلا زينب شخبارش

زينب : هلاا عليييي اني زينه انت شخباارك و شخبار ساره

علي : انا زين ,, ساره امس اتصلت ليي من ايران تقول هي مستانسه هناك

الام : هذا علي ؟

زينب : ايي

الام : جيبي باجالمه

علي: الووو اماه

الام : امايي , شحوالك يا خلف جبدي

علي : حياش الله

و قعدوا يسولفوون و يهرهروون

زينب : خلصت البطاقه بس

الام : يلا مع السلامه ,, اتحمل برووحك يا حبيبي

وسكرو التلفوون

و راحت زينب حجرتها تنبش في اغراضها

مريم : ويش فيش جنش قطو ينبش في خمام

زينب : انتين ما تقولين جلمه عدله ,, هبله

لمحت مريم شي في كبت زينب مخشوش

مريم :

زينب : ويش فيش تبققين عويناتش ؟

مريم :هذا قوطي الايس تي الي هداك اليوم خشيتينه ؟

زينب : ايي

مريم : ويش تبغين فيه خاشتنه ؟

زينب :الحين بتشووفين ,, بس ابغي منش طلب

مريم : ويش ؟

زينب : روحي اشتري جلاده و شلوشن (( ستاكچيب ))

مرمي : و لويش كل هذا ؟

زينب : انتين روحي وبتشوفين

نفذت مريم الاوامر وراحت كل عشان تشوف ويش ناويه ختها تسوي

مريم : هاش جبتهم

زينب : عفيا يلا راقبيني

قامت زينب قصت القوطي من فوووق و اخذت جلاده وجلدته

زينب : هذي كل السالفه

مريم :صدق فاضيه ,, و ويش بتحطين فيه يا حظي

زينب : بحط فيه اقلام

مريم : انزين لويش كل هذا ؟ في المكتبه يبيعون جذي ما يحتاج تسوين

زينب : لان هذا القوطي غالي

مريم : بچم ؟

زين : ههههههه قصدي غاليي عليي

مريم : لويش غالي عليش ؟

زينب : بس , يلا بسش اسئله مللتيني

مريم : ربي يخلف عليش بعقل

ما سمعوا الا الباب يطق

الام : نعم ؟

ام محمد : شحوالكم

الام : حياش الله ,, حيا الله ام محمد تفضلي

ام محمد : زاد فضلش

الام: شحوالش و شحوال الجهال

ام محمد : هداني ما ليي حال

الام : عسى ما شر ويش صاير؟

ام محمد : الشر ما يجيش ,, بس ولدي محمد من جينا امس من الزبداني و نام ما صبح الا راسه جنه ضو ,, و وجهه جنه كركم

الام : يوووو ,, ما يشووف شر ,,و تلاقينه جاي من برى و دش في الايسي و صادته لفحه

ام محمد : ايي اني قلت جدي و قلت يمكن من هل البرجه الي تسبح فيها

الام : اييي حتى ولدي علي اذا يرووح هل البرچ الگشره لازم يمرض

ام محمد : ايي ,, واني طبيعتي اذا واحد يمرض من ولادي اخاف عليه واجد حتى لو المرض عاادي ما ادري لويش يصيدني هوس ,, حتى بناتي يقولون جان زين نمرض عشان يدلعوونا

الام : ما يشووف شر ,, بس انتين وديتينه الدختر ؟

ام محمد : ايي اليوم الصبح يوم قعدت وشفته يون خفت وقمت بلا راي و رحت وياه العياده و عطووه دوا

و قعدوا يسولفوون ,, تعرفوون سوالف النسوان ما تخلص

تالي طلعت ام محمد

زينب : مهلت واجد ,, ويش قاعدين تهدرون كل هل المده ؟

الام : مسكينه , ولدها مريض

زينب : اي ولد منهم ؟

الام : العوود ,, الي اسمه محمد

زينب :

الام : مسكين مريض فيه صخوونه و ماله حاال

زينبو يوم سمعت الخبر لا ارادي راحت تركض الحجره وقفلتها عليها

الام : زينب تعالي ويش فيش ؟

و زينب راحت على السرير و اخذت قوطي الايس تي الي سوته و العطر الي عاطاه اياها و حضنتهم وقعدت تصيح <<< حنونه

الام : زينب بطلي الباب الحين الحين

سمعت زين صووت امها وعرفت انها شكت فيها قامت مسحت دموعها و غسلت وجهها و طلعت تبطل الباب

زينب: نعم

الام : ويش فيش قعدتين تصيحين وتقفلين عليش الباب ؟

زينب : ما فيي شي بس يعني عور افادي مسكين الصبي توني شايفتنه امس يلعب و مستانس والحين ما له حال

الام : اييي مسكين ما يستاهل ,, هو واجد طيب

زينب : اي

الام : انزين ما له داعي تصيحين ,, هو اختش يوم مرضت ما صحتين

زينب : انزين

الام : ابغي اسويي شوربه جان تودين ليهم , لان الشوربه زينه للي فيهم صخونه

زينب: ايي سوي و اني بوديها

قامت الام و قعدت تسوي الشوربه و خلصت منها

مريم : الاااااي ريحتها خنينه حطي ليي بشرب

الام : هذي الى بيت ام محمد ولدها مريض بنودي ليه

مريم : محمد ؟

الام : اييي , ها روحي وديه ليهم

زينب : اماه اني قلت باوديه

الام : انزين هاش

راحت زينب تودي الشوربه

زينب : طق طق طق

ام محمد : من ؟

زينب : اني زينب

ام محمد : تفضلي حبيبتي دخلي

زينب : هذي شوربه من عند امي تقول الى محمد

ام محمد : الله يغنيكم ,, دخلي له

دخلت زينب و هناك محمد مسكين منبطح و لو تشوووفوونه مسكين

ويش اقوول ليكم ,, يعني وجهه اصفر و يون و يحن

شافت زينب محمد

زينب :

محمد :

الام : تعالي زينب دخلي الحجره

و راحت زينب ودخلت ومحمد مسكين و هو بمرضه وهو يطالع فيها << ما يستاهل


دخلت زينب الحجره

ام محمد : سامحينا بيتنا عفسه ,, ويش اسويي منشغله بمحمد مريض

زينب : عاادي

محمد : اماااااااه

ام محمد : يا عليييي ,, كل شي تاكله ترجعه ما بيدخل مصارينك شي

محمد :

جت الام الى زينب

ام محمد : هذا هوو من ياكل شي يرجعه

زينب : الله يشافيه ولا يشووف شر

ام محمد : اقدعي له

قدعت زينب و هي ضايق خلقه على محمد

زينب : يلا مع السلامه

ام محمد : ويش عاجلنش

زينب : بقووم

ام محمد : سلمي على امش و الله يغنيكم

طلعت زينب من البيت و وجه مو مفارقنها و هو مريض

دخلت الشقه

الام : عطيتينهم الشوربه ؟

ينب: اي

راحت زينب الحجره وقعدت حزينه وهي تكتب على الاوراق

M + Z = , وتكتب اشعار, و عيون تطيح منها دمعه و هل الاشياء يعني هههه


شافت مريم هل الاشياء المرسوومه

مريم : زينب ويش قصدش بــــ M + Z = ؟

زينب : ما يهمش ويلا فجي عني لا يجيش كف

مريم : ويش في معصبه عليي ؟ لو تحطين حرة غيري فيي اني ؟

زينب : اووووووهوووووو ولاخير ,و تدرين اطلعي برا

مريم : ماني

تالي قام الضرب والصراخ

الام : دوااااااهي

مريم :

زينب :

الام : زينب ويش سويتين في اختش ؟

زينب : ما ادري انتون سكتوا عني , مللتوني

مريم :

و الام مي مصدقه ان زينب طاحت ضرب في مريم

************************************************

اراكم في الحلقه القادمه

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7663/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Sun Dec 25, 2005 8:27 pm     
الرد بملاحظة

يسلمووووووووووووووووو


ومشكورة واايد

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Sun Dec 25, 2005 9:30 pm     
الرد بملاحظة


حاضرين

************************************

جا الابو وخبرته الام ان زينب طاحت ضرب في مريم

الابو : زينب لويش ضاربه اختش ؟

مريم : كل على حساب اقول ليها ويش قصدش بـــ Z + M = ?

الابو : زينب

زينب : ابويي ويش عليك منها اني يوم اكتب Z + M = قصدي اني و مريم نحب بعض للأبد ,, لان احنا كل وي بعض و نحب بعض

مريم : يعني انتين كان قصدش اني ؟

زينب : اي له بس انتون كل تشكوون فيي وتحسبووني اقصد شي ثاني

الابو : انزين انزين بس خلاص لا تصيحين ,, ويلا ستسمحي من اختش

زينب : انزين

تالي قامو سامحوا بعض

راحت زينب الحجره وقعدت تصيح على محمد

مريم : زينب قومي تغذي

زينب : انزين الحين بجي

تالي على الغذا كلهم ياكلوون بس زينب تسويي روحها تاكل << مي مشتهيه تاكل

الابو : زينب ويش فيش ما تاكلين ؟ اكلي لا

زينب : بس الحمد لله شبعت

الام : تعالي تعالي

زينب : ها

الام : ادري عنش ما اكلتين .. امشي اكلي

زينب : ما ابغي مو مشتهيه ,, وسكتوا عني لا تمللووني

الام : هذي ويش فيها ,,

راحت الام الى زينب وقعدت وياها في الحجره

الا م : زينب ويش فيش يا حبيبتي ؟

زينب : ما فيي شي

الام : لا فيش شي منتين على بعضش اليوم

زينب : لا بس اتذكرت ساره وعلي وصار افادي فيهم

الام : هكو توه متصل اخوووش صوبه صار افادش فيه

زينب : م هذا الي ذكرني بهم

الام : بس كلها جم يوم واحنا راجعين ولا تصيحين

زينب : انزين

يوم فاني العصر

الام : زينب هداني بارووح بيت ام محمد شوي وبرد اجي مو تتهاوشين وي اختش

زينب : اماه باجي وياش

الام : واختش تقعد بروحها

زينب : هههه هكو ابويي وياها له

الام : زين امشي

و راحوا

طق طق طق

ام محمد : نعم ؟

الام : شحوالش

ام محمد : حياش اله والنبي ؟,, تفضلووو

الام : شحوال محمد ان شاء الله اشوى

ام محمد : الحمد لله صار اشوى عن امس .. تفضلو

دخلوا داخل

الام : الحمد لله

ام محمد : وي على عمري البارحه ما نام من وجع الراس

الام : اييي الصخوونه بلوى ,, هو وينهي باسلم عليه

ام محمد : لحضه ,, محمد محمد

محمد : ها اماه

ام محمد : قوم يا حبيبي ام علي تبغي تسلم عليك

محمد : انزين

طلع محمد مسكين

ام علي: شحوالك محمد ان شاء الله اشوى

محمد : الحمد لله اشوى

ام علي : الحمد لله,, بس لا تدخل الايسي مره وحده وانت حران تالي تمرض

محمد : ان شاء الله

زينب : <<< مستانسه انه برى

ام محمد : قدوعووا تفضلوا

الام : الا بقوول , يقول ابو علي ان الليله المولد

ام محمد : اي له مولد الامام محمد الباقر

لام : ايييي ,, عجل بشتري حلاوه عشان اوزع الليله في صحن السيده

ام محمد : اي اني بعد نادره على محمد اذا برى بشتري حلاوه و بوزعه

الام : ايي ,, عجل الليله بنطلع وي بعض للصلاه

ام محمد : ان شاء الله

جت المغرب وراحوا يصلوون في صحن السيده

و خلصوا الاوادم الصلاه وقعدوا كل مجموعه تخلص صلاه تقعد تصفق و تقرأ مولد وتنفر حلاوه

مريم : اماه الااااااي باروووح اصفق وياهم

الام : صبري بتخلص ام محمد من الصلاه وبنرووح كلنا وياهم نصفق

خلصت ام محمد وراحوا يصفقوون ويقرون المولد و يوزعوون حلاوه

و مريم ما ليها حال تتقمز وتصفق وتصرخ وتجمع حلاوه الدنيا و ما حولت

زينب : الااااي حلو هذا الحلاوه عطيني واحد

مريم : ماني

زينب : صدق برصه ,, انزين وين يوزعوووونه ؟

مريم : هداك الصوووب روحي الحقي عليه

زينب : روحي انتين اخذ ليي واحد

مريم : روحي متفرغه لش

زينب : كريــــــــهه

راحت زينب قعدت صوب الناس الي يصفقوون ما شافت الا مره تدووور

المره : بدك تعرفي شو مستقبلك ؟

زينب : جيفه ؟

المره : اقرأ لك كفك

زينب : اييي ابغي ,, بجم

المره : بــــ ..... ,, بدك ؟

زينب : اييي

قامت المره تقرا ايد زينب

المره : عندك احد بتحبيه كتير كتير

زينب: اييييي

المره : صحيح ؟

زينب : ايي ,, و بعد قولي اشياء

المره : انت عصبيه شوي , ولا بتحبي احد يتكلم عن الي بتحبيه

زينب : هههه اي وبعد

المره : عندك احد بتغاري منووو كتييير ,, انت كنتي بتحبيه بس هلأ ما بتحبيه ,, اسموو يبدأ بحرف النون و هو يقرب لك

زينب : من ؟

المره : ههههه ما بعرف بس اسمو يبدأ بحرف النون

زينب : اييييييي عرفتها هي ندى بنت خالتي

المره : ههههههه ,, الي بتحبيه هو كمان بحبك و دايم بفكر فيك ,و بس هو هلأ في وعكه صحيه

زينب : اييي ,, انتين ساحره ؟

المره : لا مني ساحره بس اشووف الي مكتووب في ايدك ههههههههه

زينب : انزين كملي

المره : انتي بتكزبي على بيتك كتير بس ما بعرف شو السبب

زينب :

و قعدت تقوول ليها اشياء واجد وتطلع صح

و اخيرا قالت ليها

المره : حبيت اقول لك خبر مؤسف بدك تسمعيه ؟

زينب : ايي قولي

المره : الي بحبك ,, هو صدق يحبك بس ما بتتمكنوا من انكم تاخذو بعض للأسف

زينب :

المره :

زينب : لا لا مستحيل انتين جذابه

المره : انا شو بهمني الي مكتووب بيدك

زينب : جذابه

المره : بكيفيك .. بس انا هلأ بدي فلووسي

زينب : هاش اخذيهم

راحت المره و زينب مي راضيه تصدق و كل ما تذكر كلام المره تزيد صياح

الام : يوو زينب ويش فيش تصيحين

و زينب مي راضيه تنطق جلمه

الام : من ضربش ؟ ويش صاير ؟

زينب : ما ضربني احد

الام : عجل ويش فيش؟

زينب : ما فيي شي افففففف اني بروح البيت

راحت زينب تركض الشقه

و في دخلتها العماره كان هناك محمد مسكين توه قايم من فراشه يبغي شوي يطلع عن الحكره

زينب :

محمد : زينب

زينب :
ومشت راحت داخل الحجره

محمد : ويش فيها زينب جايه بروحها الشقه

راح محمد يطقطق الباب مال شقتهم لان شقتهم ما فيها احد وهو يخاف عليها بروحها في الشقه

محمد : طق طق

زينب : من ؟

محمد : انا

زينب : ويش تبغي اهيء اهيء

محمد : ليش راجعه البيت بروحش وانتين تصيحين

زينب : كيفي ,, ابغي اقعد بروحي في الشقه

محمد : انزين كيفش بس قفلي الباب عليش

زينب : وانتي ويش لك خص

محمد : انزين انزين خلااص ,, بس انتين لويش تصيحين ؟

زينب : ما يهمك

محمد : زين زين بااااي

راح محمد مسكين و هو محبط و لا يدري ويش صاير

قام رد رجع قال ما بيطلع يخاف يخلي زينب بروحها في شقه

قام قعد قبال شقة زينب << شوف الشهامه

تالي جو بيت محمد و بيت زينب

ام محمد : محمد ؟ ويش مقعدنك هني مو انت مريض

محمد : لاعت جبدي من القعده في الفراش قلت اقوووم

الام : ما شفت زينب ماره هني ؟

محمد : بلى دخلت الشقه وهي تصيح

ام علي : باروح شوفها جان مو احد متعلف بها

راحت ام علي و دخلت الشقه وهناك زينب ميته من الصياح

الام : زينب ويش فيش ما قعدتين ويانا هناك

زينب :

الام : ها

و زينب مي راضيه توقف من الصياح الدمووع اربع اربع

الام : ردي عليي

قامت زينب ما شافووها


الا



طايحه دوره

زينب :

الام : يا علي دواااااااااااااهي,, حريقه حرقتني ,,

م محمد : يووو ويش صاير

الام :بتي ماتت

سمع محمد الام تصارخ

محمد : زينب

راح محمد دخل الشقه وشاف زينب طايحه و فاقده وعيها

و امه ترش عليها ماي والام تصيح وترن

محمد : زينب

قام محمد على طووول يركض يبغي يرووح الى الدختر

وفي نزلته من علي الدرج الجده ومريم جايين وقوم يدعم في الجده وتطيح من فوووق تتدحلب الى تحت من على الدرج

مريم : محمد قتلت جدتي

محمد: << صارت عليه بلوى فانيه

ويش تتوقعون بصير ؟

**********************************

اراكم في الحلقة القادمة

wink

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7663/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Sun Dec 25, 2005 9:39 pm     
الرد بملاحظة

Laughing

والله عجايب هل القصة

يسلمووووو

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Sun Dec 25, 2005 10:03 pm     
الرد بملاحظة


اي تهبل انتي واصلي وبتشوفين شقد حلوة

**********************************************

بلوى الى بلوى فانيه

محمد : الحين زينب ,, بتودونها المستشفى لو ما يحتاج

ام محمد : هي اوتعت ,, بس تالي بنوديها بنشووف ويش فيها له

الام : الحين وينهي عمتي ؟

محمد : هكي تحت

تالي قاموا راحوا كلهم

الام : عمتي ,,بسم الله عليش تعالي

تالي قامو كلهم مشووها الى الشقه

والجده مي قادره تمشي مسكينه

الام : جان مو تكسرت عظامتها

ام محمد : لازم نوديهم عجل ثنينهم الدختر

محمد : اوقف تكسي ليهم عشان يوديهم ؟

ام محمد : ايي روح

راح محمد وقف تكسي

و راحوا شالوا المرضى هههههههه يا دافع البلا

و ركبوهم السياره و محمد راح وياهم <<< نعم الجار

وتالي راحو الدختر و فحصوا على الجده هل المسكينه الفقيره وشافوا ان فيها كسر ههههه الله رحمهابعد اشوى ما ماتت

الام: يوووو يا علييييييي ,, كسر في وينه من حاله ؟

محمد :

الدكتور : كسر في اليد ,, شو كان السبب لهذا الكسر ؟

الام : ما تدري و انزلقت من فوق الدرج

الدكتور : اها

راح الدكتور وي الجده عشان يشوفون علاجها

تالي قاموا راحو لدكتور فاني عشان يشوف المريضه الفانيه

الدكتور : بنتك عندا صدمه اثرت على نفسيتا

الام : يووو ,, جيفه يعني ماني فاهمه

الدكتور : يعني بنتك من كتر الصدمه صار عندا هبوط في الدم و من هيدا الشي طاحت مغشي عليها

الام : اييي ويش سبب هل الصدمه من حريقه ؟

الدكتور : ما بعرف ,,

الام: يوووو ويش اسويي الحين اني

الدكتور : راح اعطيها دوا لازم تاخدو بأنتظام

الام : يا علي ويش هل المصايب ,, يعني هي الحين حالتها خطيره ؟

الدكتور : لا ما شاء الله عليها هي هلأ بصحه ممتازه ,, بس بدا حدا يتكلم معا لان هي بتكتم كتير اشيا في ألبا

الا: انزين ,, امرنا الى الله ,, اني باقول الى ابوها وباشووف

و محمد طول ما الدكتور يتكلم و هو ساكت و لانطق ولا بجلمه <<<< عجل جاي لويش ؟

تالي راحو بيمشوون بس دكروا الجده و راحوا مره فانيه الى الدكتور مالها

محمد يقول الى الدكتور : لو سمحت الحين هي تحتاج انها تقعد هني لو ترجع ويانا ؟

الدكتور : لا بس مهلوا عليها 10 دقائق و راح ترجع معاكم ,, بس بعد اسبوع حاولوا انكن تجيبوها مره تانيه

محمد : انزين

عقب ما خلصوا من الجده قامو راحو البيت

ما راحاو البيت الا الابو هناك قاعد على اعصابه ومستحمق على حده

الابو : ويش صاير ؟ ويش صار في زينب بتي ؟ و ويش في امي ؟

قاموا قالوا له السالفه من الالف الي الياء

الابو : ويش هل الحاله ,,, و زينبالصدمه الي فيها ما قالوا ليكم من ويش ؟

الام : انت اسكت ,, الحين خلها ترتاح اذا سمعتك بترد تطيح دوره

الابو : انزين

يووم فاني

قعدت زينب من النوم الا امها جايبه ليها الريوق


الام : صباح الخير

زينب : صباح النور

الام: جبت لش الريووق ,, قعدي اكلي

زينب : ما ابغي اكل

الام : لا الدكتور قال لازم تاكلين

زينب :

الام : يلا اكلي له

تالي قامت زينب تاكل ,, وقامت الام و قعدت تسأل فيها


الام: زينب ,, قال لينا الدكتور انش طحتين دوره من سبب صدمه

زينب : من ويش ؟

الام : و هو ويش دراه من ويش الصدمه ,, انتين الي تقولين لينا المفرووض

زينب : ها ,, مو صدمه بس امس يعني كنت داير راسي بس

الام : زينب اني امش واعرفش عدل ,, ادري انش تجدبين عليي من عيونش مبين , قولي

زينب : يعني اني جدابه ؟

الام : شوفي الدكتور قال لينا لازم وياها احد يتحجى وياها عن الي في خاطرها والا اذا قعدتين تكتمينه في قلبش بتستجنين

زينب : اووه انتون المجانين مو اني

الام : ويش هل المر ,, عجل كل يوم بتطيحين دوره

زينب :

تالي قامت الام وطلعت برا وطلعت وراها زينب

الابو : زينب ,, ان شاء الله صرتين اشوى ؟

زينب : اي

ما سمعوا الا الباب ينطق

الام : من ؟

ام محمد : شحوالكم

الام : حياش الله دخلي

ام محمد : شحوال زينب و ام ناصر

الام : زينين الحمد لله

و قعدوا يسولفوون

*******************************************

يتبع ...

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7663/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Sun Dec 25, 2005 10:21 pm     
الرد بملاحظة

Laughing

والله حالة


يسلمووو

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
إشراقة الأمل الجنس:أنثى
العضو الذهبي

العضو الذهبي



البلد::
$field_name

العمر: 32
تاريخ الإنضمام: 15 Jan 2004
المشاركات: 10361
المدينة/البلد: بحرين
المشاركةتم ارسالها: Sun Dec 25, 2005 11:52 pm     
الرد بملاحظة


عقب يومين صارت زينب زينه جنها غزاله تناطط و محمد بعد صار جنه حصان يركض

عاد وقامت زينب تبغي تروح تشتري ليها گوت

انزين عاد هي طلعت راحت تشتري وكل شي

تالي عقب مده جو بنوتات دلوعات هم فلاف و كان محمد واقف هناك

وحده من المادليع : لو سمحت بغيت اسئلك

محمد : تفضلي

الدلوعه : امممم هذي العماره فيها عائلة كذا كذا ؟

محمد : ها ... لا مو في هذي الحمله بس انا اعرف هم وين عمارتهم

وحده ثانيه : اها ,, ممكن تشرح لينا اذا ما عليك امر

محمد : اوكي ,, تعرفين شارع التين

البنيه بصووت ناعم وهي تتدلع على محمد : هههههههه اكيد في احد ما يعرفه ,, الله يهداك بس

محمد : هههه ايي هي العماره صايره في بداية الشارع

وحده ثانيه : وييي احنا نخاف نتغوى هنااك

و قاموا يفتحون سوالف وي محمد و يدلعون عليه لان هو ما شاء الله عليه واجد وسيم وكشخه

الا زينب جايه وشافت محمد شلون يبتسم و يسولف وياهم

زينب :

محمد :

قاموا البنات يوم شافت محمد يطالع وراهم دارو

شافوا زينب الهم يطالعونها بنظرات استحقار

زينب :

قام محمد تخزبگ يبغي يروح الى زينب بس البنات مو هادينه في حال سبيله

الدولووعه : ويش فيك ههههههه يلا تعال دلنا

محمد : هاا ,, ما يحتاج هي العماره معرووفه

بنيه فانيه : يلا خذ مو انت توك تقول بتدلينا

محمد : اه ,, انتون روحوا امشو وبتشوفون العماره متكوووب عليها اسم الحمله وخلاص افففف

الدلووعه : وييييي شفيك تتأفأف ؟ لا يكون مللناك

محمد :اي,, عن اذنكم

راح محمد يبغي يراضي زنوووب لان هو من زمان ما شافاها مسكين ويش يسوي في عمره بعد الظروووف ما ترحم

راح الا من زمان زينب دخلت الشقه

محمد : الحين انا ويش اسويي ؟ ما ليي الا اطقطق الباب

قام طقطقه

طلعت زينب

زينب :

محمد : ويش فيش زنوب ؟

زينب : انت رووح قبل لا احد يجي و يشوفك

محمد : خلهم يشوفون

زينب :

محمد : قولي ويش فيش لا

زينب : انت مجنون اقول لك هني

محمد : انزين انا الحين برووح بس مره فانيه قولي ليي لانش شكلش زعلانه من يوم الي طحتين دوره

زينب:

تالي راح محمد البيت

الام : محمد ,, تعال شوف اختك

محمد: ويش تبغي بعد هي

الام : تبغينا نرووح الارض السعيده مكان اللعوب

محمد : الحين ؟

ايمان : لا باجر

محمد : باشوف

ايمان : عاد محمد ودني اني وفاطمه وحسين

محمد : قلت لش باشوووف

الام : ما ادري اقول الى بيت ام علي جان تجيب جهالها وياكم يروحون ؟

محمد: اي خوش فكره

الام : تروح بتهم مريم بس له ؟

محمد : لا ,, حتى زينب

الام : يوو زينب كبيره على اللعب

محمد : هي غير اكبر من اختي بسنه

الام : انزين عجل بقول ليها

محمد : روحي الحين

الام : يوو الحين ؟ تالي برووح

محمد : ويش فرق بين الحين تالي .. روحي الحين

تالي قامت ام محمد راحت بيت ام علي تزورهم و مره وحده تقول ليهم اذا بروحون

دخلت داخل وقعدو يهدروون

تالي قامت ام محمد تقول الى ام علي

ام محمد : هاكم جهالي بروحون مكان اللعوب اذا تبغين بتش مريم و زينب يروحون وياهم

ام علي : مكان لعووب ؟ قدصش هديك الي سمها الارض السعيده ؟

ام محمد : هههههه اي

ام علي : ايييي مريم من يوم احنا في البحرين هي تحن عليي تبغى ترووح ,, عاد ما ادري بزينب تبغي تروح لو لا

ام محمد : قولي ليهم

راحت الام تقول ليهم

مريم : صدق بارووح اني

الام : اني بعد بروووح

ام علي : هكم موافقين ,, بس على الاقل بنخلي وياهم ابوهم

ام محمد : ايي ما عليي كلهم خلهم ياخدون ليهم باص ويروحون

ام علي: انزين

تالي طلعت ام محمد و خبرت محمد بالشي

محمد : بجون

ايمان : الااااااي بتجي وايي مريوووم

و كلهم مستانسين

عاد ابو علي جا وقالت له الام

الابو :

الام : روح وياهم مساكين عن قعدتهم في البيت

الابو : هم متى بروحون ؟

الام : كأن باجر

الابو : انزين ,, عجل باروح اتفق وي ولدهم وبشووف

زينب :

و قعدوا متشوقين لليوم الثاني
********************************************

طلع الابو عشان يتفق وي محمد الا محمد موقف كالعاده هي مهنته >> الله يسلمكم ناطوور العماره

الابو : محمد ,, اشوى انك هني ,, على سالفة الارض السعيده الحين احنا لازم نحجز باص لا

محمد : ها ,, ايي لازم نحجز

الابو : بنحجز باص و بندفع انت نص وانا نص زين ؟

محمد : اي لا ,, واجد تمام

تالي قاموا طلعوا وي بعض عشان يروحون يدبروون الباص له ,, صادوا ليهم راعي باص

الابو يقول للسوري : لو بغينا نحجز باص عشان تودينا الارض السعيده بجم ؟

السوري : اي تكرم عينك ,, بــــ.....

الابو :ها ,, لا واجد غالي ,,لهدرجه الباص واجد كشخه ؟

محمد : ويش عليك منه ابو علي خلنا نشوف لينا واحد فاني احسن

راحو و لقطوا ليهم واحد فاني

محمد : هي انت بجم اذا نحجز لباجر وتودينا الارض السعيده ؟

السوري : الارض السعيده ؟

محمد : اي

السوري : عشانك انت بس بــــــ....

الابو : اي هذا زين

تالي قاموا اتفقوا وياه وين يمر عليهم والساعه جم و هل الاشياء يعني هههه

و رجع الابو البيت و محمد راح ,,, راح هناك البليارد >>> خبركم هالصبيان مووووووووتهم هل اللعبه هع

راح الابو البيت

زينب: ابويي ,, عطني بيزات عشان اشتري ليي اكل

مريم : اي اني بعد

الابو : لباجر ؟

زينب : ايي له

الابو : باجر بجي الباص صوب العماره ها ,, الساعه 9الصبح

الام : وبجم ؟

الابو : مو غالي بس بــــ...

الام : قص عليك هل الطايح الحظ ,, جان خليته يخفضك

الابو : الي صار صار بس خلاص

زينب : الاااااي هناك حليو ,,كشخه

تالي راحو يشتروون

والدكان الي كانوا رايحينه صوب الباليارد << يا محاسن الصدف خخخخ

و كان محمد يلعب بمهاره و بدقه و بتركيز تام

من شاف زينب طايفه يقوم يهد الي عنده << بل سويناها ملاك

واحد هناك : ويش فيك يا الحمد ؟

محمد : ههه ويش ؟

الصبي : ويش ؟ كمل اللعب

محمد : ههههههه ايي

و مريم ميته من الضحك عليه

مريم : محمد مجنون من شافني قام هد اللعب

زينب في قلبها : صدق مخرخشه

راحو الدكان

مريم : ابغي غرشة بيبسي

السوري : تكرم عينيك

راح حضرته بطلها و عطاها اياها

مريم : من امرك تبطلها ؟ اني قلت ابغي بس اففف

السوري : هههه اي شربيها

مريم : لا بعد حاره و جان زين بارده

زينب :ههههههه بعد ويش بتسوين بها الحين اشربيها


تالي قاموا عطوه البيزات

مريم : عطنا خرده

السوري : بدك خردل ؟

مريم : اي << تحسب يقول ليها خرده

السوري : انا ما ابيع خردل روحي البراده هونيك

زينب: مو خردل ههههههههههه

مريم : يووو اني قلت خردل ؟

السوري :

زينب : ههههههههههه قصدها عندك فكه ؟

السوري : اهاااا, اي اكيد تفضلي

اخذت زينب الخرده وهي ميته من الضحك

و مريم منقهر ههههه

تالي رجعوا البيت

الابو : الله الله ,, لويش كل هل الاكل ؟هههههه

مريم : عشان نبلع

الابو : ههههههه عليكم بالعافيه

زينب : ولو تشوفون ويش صار هناك جان تجودون بطنكم وتضحكون

الام : يؤ ويش صار

قالت ليهم زينب السالفه تالي الا كلهم قعدوا يضحكوون هع

مريم : اووه بسكم ضحك تالي تموتون

الام : وي شرعنا ,,

*نرجع الى بيت محمد *

الام: يوو من طلع وي ابو علي للحين ما رجع

فاطمه : يعني انتين للحين ما تعرفين ولدش ؟ و للحين تخافين عليه كانه جاهل

الام : يلا سكتي انتين

تالي جا محمد

فاطمه : ها هاكو جا

الام : وي حجزتون باص ؟

محمد : اي

و قال ليهم التفاصيل كلها

تالي قاموا الاوادم نامو و اشرقت شمس الصباح لبزوغ يوم جديد مملوء بالمرح والوناسه << الاخت تتكلم لغه عربيه فصحه

الجده : قعدوا يا الخايبين صلاتكم الحين باطله ,, ما منها فايده ,, احنا قعدنا الفجر وصلينا وتسمعنا وانتون بنومكم يا المساديح

الام : الحين الساعه جم ؟

الابو : وينهم ما جهزوا ؟ الحين 8 ونص

الام : ده ,, قعدوا ما باقي شي و يجي الباص

زينب بكل برود : گود مورنينگ

الجده : ها ؟

زينب : والله حاله ويش فهمهم

قامت زينب وغسلة وجهها وصلت وجهزت و نفس الشي مريم

الابو : يلا مشينا

طلعوا من الشقه وهم محملين بالاكل و البيزات

و نزلوا تحت الا عائلة محمد واقفه هناك

الابو : ها ؟ جا الباص ؟

محمد : لا

الابو : لا ؟ الحين تسع وعشر .. يا الله لازم تأخير

و شوي و يجي الباص

ديديد

ايمان : هاكو الباص جا

تالي قاموا كلهم ركبوا و هم طايرين من الفرح

مريم : يلا ايمان وحسين امشوا نصفق و نقول اناشيد

زينب : لا لا تقولون شي ,, بعدين راسي يألمني << تدلع

مريم : ويييي , عاد طاحت دووره قامت تتدلع

الابو : مريم سكتي

مريم : يوو اني ويش قلت غير ابغي اقول نشيده

الابو : انزين قولي

محمد :

تالي قاموا الجهال يقولون اناشيد سبيستون هههههه

و طول ما الباص يمشي هم ينشدوون ولا بعد يتعاييون على الاناشيد ,, جهال ويش نسوي

و فاطمه قاعده وي زينب في كرسي ويهدروون

و تابع البااص وقام يمشي و يمشي و يمشي << بس له

انزين عاد و صلوا المكان المحدد الهو الارض السعيده

مريـــــم : الااااااااااااااي حليوين الالعااااب باروح العب

وتقوم تركض ركيض وتشبق لعبه

زينب : يوو قولي ليها تحارس

تالي الابو نادى عليها الملقووفه

مريم : وي ابغي العب له

الابو : انتين ويش فيش ؟ صبري بنروح وي بعض عشان ندخل ببطاقه

مريم : انزين

تالي قاموا يتمشوون و اتفقوا على لعبه يركبونها كلهم

فاطمه : زينب بتركبين هل اللعبه ؟

زينب : ههه انتين بتركبين ههههه ؟

تالي قاموا كلهم الجهال و زينب وفاطمه ركبوا لعبـــــــــة

اي لعبه تتوقعون ؟



^^







^^




لــــــــــــــعبة بيــــــــــــــت الوحـــــــــــــــووووش ههههههاااااااي

و ركبت زينب و فاطمه في كرسي ,,, و ايمان مريم في كرسي ,,, ومحمد و حسين في كرسي ,,,, بس صار محمد و حسين ورى فاطمه و زينب

هههههههههه دار راسكم ؟ ما عليه

و زينب مجوده فاطمه من عبايتها

فاطمه : انتين خايفه ؟

زينب : حدي

بعــــــــــــــدين بــــــــدأت الـــلــــــــــــعبه

و دخلوا هداك المكان المظلم ,, هناك كل هياكل عظميه و وحوووش و تماثيل تخرع و رسمات مرعبه

و شافت زينب جدي و تقوووووم تصرخ صرااخ يبط الادون

فاطمه : يماااااااااا

تعرفوون صراخنا احنا البنوتات هههههه احم

و مريم قالعه المكان من الروان

يعني حالتهم حاله

و محمد ميت من الضحك على صراخهم يدور ورى يشوفهم يصرخوون ,, و يدور قدام يشوفهم يشبقون بعض ويرنون

محمد :

حسين : محمد انا خايف

محمد : صدق ؟ تعال حبيبي شبقني

حسين : انزين

تالي قام حسين شبق محمد و هو مغمض << حشى

لين ما خلصت اللعبه وطلعوا

مريم : حلقي عورني من الصراخ يا علي اه

ايمان : اييي اني بعد خفت شفت هداك الي عنده فأس ,, موجهنه عليي

فاطمه : يخوف له

زينب : ايي اني موتي ولا اشووف هل الاشياء الي تخوف

محمد يطالع في زينب و عن يا حسب يكلم فاطمه : خفتون ؟

فاطمه : اي ,, ما شفتنا واحنا نصرخ ؟

محمد : اي بلى شفتكم ,, صدق جبن

فاطمه : والله كيفنا ,, انت الجبن

زينب : هههههه

محمد في قلبه : يا عمري هل الابتسامه

تالي طلعوا من اللعبه

و هناك الابو يحارسهم

الابو : هاا ؟ استانستون ؟

مريم : يا علي يخوف لو تشوف الوحوش جان تصرخ

الابو :

حسين : اما محمد شجاع ولا يخاف من الوحوش

محمد :

تالي قعدوا يتمشوون و هناك في جمال وخيول

حسين : محمد ابغي اركب على الخيل

محمد : بنخليك تركب على خيل صغير

تالي قام ركب و هو مستانس ان هو ركب خيل ههههههه

الابو : ها محمد منت ناوي تركب خيل ؟

محمد : بلى ,,هههه توني اقول

تالي قام ركب محمد على الخيل الابيض الناصع و قعد يمشي << يفوووشر

زينب في قلبها : يا علي يجنن ,, هذا هو فارس احلامي ,, جماله جمال

مريم : بس يا فارس الشجعان بسرعه نبغي نلعب

زينب في قلبها : خليني اشوفه واتمنظر في حلاوته

حسين : امن محمد بطل


الابو : امشو اشترو ليكم شي يبرد على جبودكم

تالي راحوا اشتروا ليهم بيبسي

و حسين حاط عيونه على لعبه بعيده من هداك الصووب يعني واجد بعيده بس هو لمحها وقرر يروح ليها

تالي ما التفتوا الا حسين مو وياهم

فاطمه : وين حسين ؟

مريم : اي صدق هو من متى للحين ويانا

ايمان : يوو جان مو ضاع

محمد : انتون قعدوا باروح اشوف هل الاهبل

تالي راح يدوره ما شافه الا جاي له يصيح

حسين : محمد محمد اهيييء ,, انت وين رحت

محمد : انت الي وين رحت

حسين : قالت امي كل اجود ايدك جيب باجدوها اهييء

محمد : انزين يلا مش

تالي قاموا يمشوون و شاف حسين مكان اسكريم

حسين : محمد ابغي اسكريم

محمد : انزين لا تصيح بشتري لك

تالي راحوا صوب الاسكريم بيشتروون وشافتهم ايمان

ايمان : هاكم رايحين يشتروون اسكريم ,, باروح ليهم

مريم : اني بعد

و راحوا الملقوفين

ايمان : اني بعد ابغي اسكريم

مريم : حتى اني

حسين : انتون روحوا محمد بيشتري ليي بس انا

محمد : انت اخمد

ايمان : ليييي والله احنا بعد نبغي

محمد : انزين بشتري ليكم ,, مريم اختش تبغي على ويش ؟

مريم : اسألني اني اول تالي اختي ,, ما عندك ذوووق

محمد : انزين يا ام الذووق

راحت مريم تسأل ختها زينب تبى على ويش

فاطمه : اني ابغي على كاكو

زينب : اني ابغي على فراوله

راحت مريم تقول الى محمد

محمد في قلبه : تبغي على فراوله ,, مثلي

و راحوا قعدوا مره فانيه على المظلات هع

المهم بعدين قاموا يلعبوون ويغامروون في الارض السعيده المليئه بالسعاااده ههههههه

بس تالي يعني انتون تعرفون الارض السعيده فيها مغازل شوي ههههه

قام محمد يمشي بمشيته الشامخه واذا بالبنوتات الدلوعات الطايحين الحظ الباصقين ينطرون اليه بأعجاب

و محمد مو معبرنهم يقول ما عنده الا اميره وحده وهي زينب

المهم

جت الساعه 12 وجا الباص مره فانيه

و قعد الباص يمشي يمشي لييين ما وصلوا العماره

تالي دخلوا و هم منهكين من اللعب خخخخ

**************************************************

تابعووونا في الحلقه القادمه

_________________




الشمس المشرقة مثل الأم الحانية .. ترضع الأرض أشعة سرمدية دافئة

الرجوع للأعلى
عرض الملف الشخصي للعضو كتابة رسالة خاصة
   
الدرجة: 65 HP   17%    3707/21811
   |   MP   73%    7663/10414
   |   EXP   74%    362/489
دموع الحزن الجنس:أنثى
العضو الذهبي

العضو الذهبي




البلد::
$field_name

العمر: 32
تاريخ الإنضمام: 08 Apr 2005
المشاركات: 5615
المشاركةتم ارسالها: Mon Dec 26, 2005 12:20 am     
الرد بملاحظة

خخخخخخخخخخخخخخخخخخخخ


يلا كمليها

نبي نشوف اخرتها معاهم Laughing

_________________
لا تشكو للناس جرحا انت صاحبه

لا يؤلم الجرح الا من به الم









الرجوع للأعلى
عرض الملف الشخصي للعضو كتابة رسالة خاصة
   
الدرجة: 53 HP   10%    1142/11426
   |   MP   100%    5455/5455
   |   EXP   70%    214/304
ضوء القمر الجنس:أنثى
عضو مميز

عضو مميز




البلد::
$field_name

العمر: 30
تاريخ الإنضمام: 12 Jul 2005
المشاركات: 1113
المدينة/البلد: البحرين
المشاركةتم ارسالها: Mon Dec 26, 2005 10:57 am     
الرد بملاحظة

اعتذر اليكم على عدم اكمال القصة وذلك لانشغالي الشديد مؤخرا .... وكذلك المصدر الذي كنت انقل القصة منه لم اعد اتذكره..

شكرا لك اختي اشراقة الامل على هذه المبادرة اللطيفة منك....


والحين اكملها ؟؟؟؟..Rolling Eyes <<<<حصلت المصدر

(اقدر اكملها بعد الامتحانات)




اعتذر مجددا Wink

_________________
كن صديقا للحياة واجعل الايمان راية***
وامض حرا في ثبات انها كل الحكاية
وابتسم للدهرا دوما ان يكن حلوا ومرا***
ولتقل ان ذقت هما {ان بعد العسر يسرا}


شكرا أختي دموع الحزن على التوقيع



شكرا لك اخي بلو على التوقيع الرائع
الرجوع للأعلى
عرض الملف الشخصي للعضو كتابة رسالة خاصة
   
الدرجة: 29 HP   2%    42/2142
   |   MP   100%    1022/1022
   |   EXP   27%    26/94
عرض المشاركات قبل:   
الصفحة 2 من 3 انتقل الى صفحة السابق  1, 2, 3  التالي
كتابة موضوع جديد   الرد على الموضوع
لا تستطيع المشاركة بمواضيع جديدة في هذا المنتدى
لا تستطيع الرد على المواضيع في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع التصويت في هذا المنتدى
لا تستطيع ارفاق الملفات في هذا المنتدى
تستطيع تنزيل الملفات في هذا المنتدى
اضافة هذا الموضوع الى القائمة المفضلة
Printable version
تعيين الموضوع غير مقروء
انتقل الى:  
تم إنشاء الصفحة في 0.52 ثانية. SQL إستعلامات: 146