[enasm]

عندما تقراء رباعيات احمد الهمامى فمن المستحيل ان لا تحبه و تحب كل حرف من كلماته
الرائعه , ان اعشق هذا الانسان الرائع الاحساس رائع الجمال .


رباعيات الشاعر المصرى –احمد الهمامى

قــــــــالوا الحــياه زي الـهوا
فـــــــيه يــوم تجمعــنا سوى
ويـــــــــوم تفــــرقنا وعــيني
عالحبايب لــو يفرقهم هـوى
وآه
* * *
يأســــك وأمـلك عكس بــعـض
وبينهم حـــــدود وسـدود وبــعد
سبحانه من جمعهم جوه قلـبك
وخلــقك وفيك الشيء والــضد
وآه
* * *
طـــــابور الصـبح قوم جمع قـــوام
واصحى يا نايم وانتبه شد الحــزام
صـــفا انـــــــــتباه ردوا الجــــموع:
دي مـــدرسه ولا مــستشفت جزام
وآه
* * *

بين الحياة والمــــــــــوت فيه اختـبار
والكل داخل فيه بالجبر مش بالأختيار
اللى هينجـــــــــــح فيه بالنعيم هيفوز
واللى هيسقط فيه هيتـــرمى فى النار
وآه
* * *
شبح قتـــــــــيل طلـــع لي فـــــي يــوم
وقـــــــالي ماتخفش أنا بــدي أعــــوم
إديــــــني جسدك لجل مـــا أسـكن فـيه
وأنزل البــحر وأبلبط أصل أنا مهـموم
وآه
* * *
يا ولاد الحـلال دلـــوني
فـين الطــــريق ودونـي
أنا كـــل ما أقــدم خطوة
فيـه نـــاس بيرجـــعوني
وآه
* * *
عـــــمري وعمرك وعمرك قد إيـــــه
100 200 سنه طــــب نعرف إيـه
سيدنا نوح عاش ييجي 1000 عــــام
ومـاعرفش غير اللي ربنا قـاله عليه
وآه
* * *
آه لـــــــــــو كـــــــنت أملك بإيدي زمامي
وكنت أقـــــــدر أشــــــوف طريقي قدامي
قالولي الناس: لو دي من عند الشيـطان
أنا قولت: مــــاشي بس أوصل لأحـلامي
وآه
* * *
1000 احتمال واحـتمال واحتمال جـــم في بالي
وفـــــضلت أجيب وأودي والقلق فـــاق احتـمالي
إيه اللي شايله يا بــكره ليـا فرح.. جرح.. خـوف
مابقتش قـادر أستنى بكره وعايز إجابه لسـؤالي
وآه
* * *
الأولــــــه قلــــت آه يا عيــــني
والثانيه وحشني اللي ناســيني
والتالــتـه والرابعه والخامسه
كلـــــــهم قــالـوا إمتى هيجيني
وآه
*

رباعيات الشاعر المصرى –احمد الهمامى
مخـــلوق غريب الشــكل لقيته
وكان محتاج لحضـــني ضميته
مســــــــــألتش هو إيــه يكـون
ما كفـــــايه إنه حـنون وحبيته
وآه
* * *

انشد يا مـــنشد بصـوت عالي كل أناشيدك
واحكــــــــي وقــــول للي ضلوا عن سيدك
عـــــــــــمل إيــــه في اللي ضلوا قبلـــيهم
ووعِّــــــيهم وفوَّقـهم وعقَّلهم أبوس إيـدك
وآه
* * *
أنـــا عبد زاهــد في الحيـاه
لا عـندي مال ولا بدي جـاه
ولا عايز حاجه مـن حياتي
غير إني أنول رضـا الإلـه
وآه
* * *
صوتك كأنه فلــوت أو نـاي حزين
يـخرج يخــش القـلب يبكي العـــين
هــو انت شفت إيـــه دا لسـه ياما
أد اللـي شوفته هـــتشوف مـرتين
وآه
* * *
زغــــروته رنـــــــــت جــــوه قلــب البيت
وأنـا كـــنت نايم بشخر م الصوت صـحيت
جريت أشوف مين دي اللي جــالها العَدَل
طلــــــعت حبيبتي وغصـــــــب عني بكيت
وآه
مـــــع إني لفيت في الحياه ويامـــــا دورت
وصاحبت ناس كتير وكتير عليهم جـــورت
لكنــــــــــــي أصـــــبحت كالطــفل الـــبريء
ما أقدرش أهش عصفوره ولا أخانق قـط
وآه
* * *
رميت بإيديا حاجات كتير في المـهملات
صور وجوابات ومذكرات كما المخلفات
مــــــــعرفش ليه دلــــوقتي اشتقت ليهم
مع إنـــــــهم بالنسبه ليا كــــانوا زبالات
وآه
* * *
سمعت طفل بيقول لأخــــوه
ملكــــش دعوه باللي قالُـوه
ده الأب والأم مـــهما قالـوا
بيقولوا عكس اللي بيعملوه
وآه
* * *
جــــــالك أوان وعــرفت قيمتي
وعرفت معنى صبري وصـمتي
دا مكنش ضــعف وأَدِيك عرفت
أنا أد إيــــــــه حبي وغـــلاوتي
وآه
* * *
خـــــــزعبلات وخيــــــال وناس على كـل لـون
شادر وحضره ودق زار والحــــــضور مجـنون
مــــــــولد يا عالم والست مدفونه في مقــامها
لا ليـــها دعوه بدا ولا بدا ولا تقــدر تقدِّم عون
وآه
* * *
نــــظرت فوق لم وصـلت لأي شـيء
نظرت تحت كنت هغرق في الــغريق
يا هــــــــل ترى في حــــــدود لنظري
ولا أنـــــــــا اللـــي ضليت الطـــريق
وآه
* * *
الــــــــــعبـــــد لو يعــــمل ذنوب
غصب عنه أو باختـــياره يتوب
حتـــــى لو ما أقـــدرش يـــوفى
يروح يتعــلم الصبر من أيـــوب
وآه
* * *
أعـــرف بشر يــكفيــها بس الرضــا
وأعرف بقر مــا يسعها كل الفـضــا
الدنــــــــــيا ملــيـــــانه بـــدُول ودُول
وكــــــل واحــــد لــه معاد وله قضـا
وآه
* * *
أنا كــــل ثانيه بقول يا ريـت
ما كنـــــت عشقت ولا حبيت
الحـــب مع إنه جميل ولـذيذ
لكنه زي العِلَّه ياللـي اتبليت
وآه
* * *
كلاب وخنازير مَليِين عــرض الطـريق
ويـــا ويله اللي يفوت مـن غير صـديق
هيـــــحس إنه غـــريب وف دنيا تانــيه
ومـــن المؤكد هيشعر بغثيان وضــيق
وآه
* * *
أنا ابــــــــتــــليت بالبـــلا 30 سنه
وفضلت صابر علــــيه ورضيت أنا
مـــعرفـش عَـدُّوا ازّاي وماعرفتش
إنـه فحــــــــياتي كـــان زي الضنى
وآه
* * *
للمزيد من الرباعيات بموقع
Ww w . robaeyat.c om